Prezentacija „Serbskeho foruma wědy při Lawskim arealu“ w Budyšinje

Budyšin (SN/mb). Najwjetši serbski projekt wšěch časow ma wot srjedy fachowski nawod za koordinaciju twarskich naprawow z budgetom 44,5 milionow eurow (staw: 2021): Firma „WEP-skupina“ je so we wupisanju přesadźiła, a jeje zastupjerjej Philipp Branczeisz a Johann Burmeister staj wčera z Lipska na prezentaciju planowaneho „Serbskeho foruma wědy při Lawskim arealu“ přichwatałoj. Wulkoprojekt w nošerstwje załožby so z „wuhlowych pjenjez“ w ramiku změny strukturow financuje. Na žurli w Budyskim Serbskim domje sćěhowaše někak połsta ludźi předstajenje mjezystawa. Předsydka załožboweje rady Susann Šenkec dožiwješe transparencu, kotruž su sej serbscy załožbowi radźićeljo dawno žadali. Zajimcy njemóžachu so jenož live zamołwitych prašeć, ale zarjadowanje běše tohorunja w livestreamje přistupne a je na Youtube-kanalu załožby składowane. Zestawu wažnych faktow su tež na internetnej stronje Załožby za serbski lud k dispoziciji stajili. Nastać ma hač do lěta 2029, kaž prof.