Němsko-serbsko-pólski projekt „UNESCO 5“ pjatk swjatočnje zahajeny

Mały Kólsk (JoS/SN). Projekt „Łužiske městnosće UNESCO podpěruja naslědnu transformaciju Łužicy“ je jedyn z 15 předewzaćow podobneho razu w regionje, kotrež Zwjazkowy zarjad za hospodarstwo a škit klimy z programom STARK we wobłuku změny struktury spěchuje. Projektowy nošer je biosferowy rezerwat Błóta, dalši partnerojo w Braniborskej a Sakskej su biosferowy rezerwat Hornjołužiska hola a haty, swětowe namrěwstwo Mužakowski park a globalny geopark Mužakowski zahork. Wšitke štyri maja status zarjadnišća UNESCO.