Na koncert

Budyšin. W srjedźišću dźensnišeho koncerta w Budyskim Serbskim ludowym ansamblu steji serbski komponist Jan Cyž. Portretowy koncert składnostnje jeho 70. narodnin započnje so w 19.30 hodź. na žurli SLA. Orchester a chór ansambla su runje tak kaž saksofonowy kwartet modernsax a spěwny kwartet Po štyrjoch do programa zapřijate. Cyłkowny nawod ma Jan Arvid Prée. Na huslach zahudźi Malte Hübner.

Dopomina na nadběh

Kamjenc. Z podawkami 17. apryla 1945 wokoło Kamjenca a w Čěskej zaběra so dźensa wječor w 19 hodź. w Kamjenskej Lessingowej bibliotece přednošk z wobrazami. Awtor a nakładnik Matthias Schildbach je z wudowami, dźěćimi zahinjenych, z woporami a skućićelemi rěčał. Přednošk zwjaza wón z předstajenjom swojeje knihi „Zabyty nadběh“. Flota ameriskich bomberow a wojerskich lětadłow­ bě wony dźeń do Sakskeje a Čěskeje­ lećała z nadawkom, železniske zwiski njepřećela a zbytki němskeho powětroweho wójska zničić. Nimo Drježdźan a Libereca běše tež Kamjenc cil nadběhow.

Z prawicarstwom so rozestajeć