Jubilej Abrafaxow a sinfonika

Budyšin. Serbski ludowy ansambl wabi kónc tydźenja z hnydom dwěmaj wjerškomaj. Zajutřišim, sobotu, předstaji koncert z wobrazami a rěčnikom „50 lět Abrafaxy – Jubilejny koncert“. Mjez druhim zaklinči prapremjernje kompozicija „Z Abrafaxami přez čas“ Vincenta Strehlowa. Koncert započnje so w 16 hodź., zastup płaći 11 resp. potuńšeny 7 eurow. Hižo wot 14 hodź. móža so wopytowarju we wobłuku wjacorych dźěłarničkow do swěta Abrafaxow zanurić. Zarjadowanje je zdobom oficialna premjera publikacije „Abrafaxy a Čorny młyn“, wotbłyšćowaca prěni dyrdomdej sławneje comicsoweje trójki we Łužicy.

Njedźelu, 2. nowembra, prezentuje SLA swój 2. sinfoniski koncert aktualneje hrajneje doby. Program pod hesłom „Złote zynki“ započnje so w 17 hodź. a wopřijima kompozicije Wolfganga Amadeusa Mozarta, Felixa Mendelssohna Bartholdyja a Ulricha Pogody. Zastup płaći 18 resp. potuńšeny 14 eurow.

Legenda na jewišću