Wosebity koncert
Budyšin. „Wětřikec hólcy, připołdnicy a druhe mytiske bytosće“ je titul 31. wosebiteho koncerta na spočatku lěta 2026. Pianistka Heidemarie Wiesnerec přeprošuje ze swojim wuměłskim ansamblom sobotu, 17. Januara, w 19 hodź. do Serbskeho muzeja w Budyšinje. Mjez druhim zaklinča twórby Jana Cyža, Petera Wittiga, Sebastiana Elikowskeho-Winklera a Ulricha Pogody. Dalši króć zahudźa njedźelu, 18. januara, w 16 hodź., na žurli Wojerowskeho hroda. Zastup płaći 20 eurow. Koncert Załožba za serbski lud a Budyski krajnoradny zarjad spěchujetej.
Wotewrjene jewišćo
Budyšin. Towarstwo Dźěłań dźeń na Budyskej Sukelnskej 18 wjedźe rjad wječorow małeho wuměłstwa dale. Jutře, sobotu,17. januara, móža so wšitcy, kotřiž hudźa, rejuja, dźiwadło hraja, improwizuja abo druhe kreatiwne formaty pěstuja, w atmosferje bydlenskeje stwy publikumej předstajić. Prezentacija na małym jewišću móže hač do štwórć hodźiny trać. Štóž chce sobu činić, njech so z mejlku na přizjewi. Započatk zarjadowanja je 19 hodź., zastup je darmotny.
Putace zwuki
