Schrift vergrößern
Tuchwilu je Stefan Möller sportowy manager we wysokošulskim sportowym centrumje Drježdźanskeje techniskeje uniwersiće
Z 32 lětami je Stefan Möller hižo po wjace hač 80 krajach pućował – žiwjenski stil, wo kotrymž mnozy jenož sonja. Tola za jimacymi ličbami tči wjele wjace hač stysk za dalokim swětom: Je to stawizna muža, kiž je sport, jězby a wosobinske hranicy k wurjadnemu žiwjenskemu pućej zwjazał.
Na Sahara-marathonje w Algeriskej běži 32lětny w serbskim trikoće – w pěsku a wulkej horcoće
Loni w septembrje bě Serb w Africe a wuwučowaše tam samo jedyn dźeń šulerjow. Jeho nazhonjenja jako sportowy wučer w Choćebuzu pomhachu jemu, trening a wědu praksy blisko sposrědkować.
Hižo wjele lět hori so Stefan Möller za surfowanje a zwjazuje tutu rozpalitosć rady ze swojimi jězbami a dowolemi.
