Bajkowy festiwal za cyłu swójbu

Dešno. Domizniski muzej w Dešnje wuhotuje jutře a zajutřišim, sobotu a njedźelu, mjeztym 6. słowjanski bajkowy festiwal. Hłowny program započnje so stajnje w 11.30 hodź. a wopřijima mjez druhim klankodźiwadło, činohru a wězo baće bajkow. Wjetšina předstajenjow wotměje so na woběmaj dnjomaj. Jenož sobotu čita Jill-Francis Kelticojc „Něnto buźo magiske! W zagroźe a w źišecej śpě“ a jeničce njedźelu prezentuje Stary lud hru „Nykus“. Zastup płaći 5,50 eurow resp. potuńšeny 3,50 eurow na dźeń.

Swjedźeń dźiwadła we Wojerecach

Wojerecy. Kulturna fabrika Wojerecy a Zhorjelski dźiwadłowy festiwal Via Thea prezentujetej zajutřišim, njedźelu, 18. mjezynarodny swjedźeń nadróžneho dźiwadła. Program wopřijima wšitke sparty předstajaceho wuměłstwa, hudźbu a artistiku. Wot 14 hodź. wustupja na Wojerowskim torhošću na přikład Paul Morocco (USA), El NoPalito (Mexiko) a Mano Amano Circo (Argentinska) kaž tež łužiskej zastupjerjej Matthias Peuker a Melvin Haack. Zastup je darmotny, dary pak so njewotpokazuja.

Swing a shuffle w Jěžowje