Hórnik a Winkelbauer zahrajetaj

Budyšin. Jutře, sobotu, wustupi gitarowy duwo Matteo Hórnik a Karl Winkelbauer wot 19.30 do 21 hodź. na Kulturnej zahrodźe resp. w barje Sundowner w Budyšinje. Młodostnaj, kotrajž staj so na hudźbnym gymnaziju hród Belvedere we Weimarje zeznałoj, prezentujetaj wotměnjawy program wot klasiskeje gitaroweje hudźby hač k łaćonskoameriskim rejam.

Swójbny swjedźeń w kupjeli

Wojerecy. We Wojerowskej Łužiskej kupjeli wotměje so jutře, 27. junija, wot 11 do 18 hodź. swójbny swjedźeń z mnohimi poskitkami za cyłu swójbu. Na programje steja mjez druhim wodocrossowy parcours, wubědźowanje kačkow a swójbna sawna kaž tež mnohe akcije w nowym dožiwjenskim swěće pod hołym njebjom. Zarjadowanje měri so na dźěći, staršich a wšitkich, kotřiž chcedźa zhromadnje wotměnjawy lětni dźeń dožiwić.

Reje z Łužicy a Europy