Prěni połčas flop, druhi top
ST Ćisk – SJ Chrósćicy 3:3 (3:0)
Zestawa hosća: Teschner – Pöpel, Schulze, Dehn, Šafář, Dórnik, Runt, Domaška, Zahrodnik (60. Šiman), Šmit, Žur
Wo sensaciju postarachu so sobotu w Ćisku Chróšćanscy koparjo. Štó by kónc prěnjeho połčasa hišće wěrił, zo woni po 3:0 wuslědk bjezmała zwjertnu. Hačrunjež hrajachu prěnje 20 mjeńšin koncentrowanje, dyrbjachu hnydom troje wrota kasěrować. Při tym pak njebě klasa Ćišćanow rozsudna, ale skerje zmylki hosći. Po dołhej diagonalnej flance njebě Schulze dosć wusko při Gesu, kiž trjechi z pjatu 1:0 (25.). Při druhich wrotach njebě při zamjeće znowa žadyn Chróšćan při Koberu. Tón so w šěsnatce přesadźi a bu wot Dehna foulowany. Jědnatku na to Geso wěsće přetwori (33.). Při třećich wrotach zhubi Schulze hižo dobyty bul přećiwo Gesu, wón dźěše znowa do šěsnatki, hdyž hižo Dehn čakaše a jeho znowa potorhny. Tónkróć smědźeše Kober nastupić. Tež wón pokutny kop wěsće do saka prasny (43.). Hačrunjež běchu Chróšćenjo šokowani, woni hłowu njewěšachu, dokelž wědźachu, zo maja hrajersce hišće šansu.
Wuslědki (01.06.15)
Kopańca, krajna liga
Biskopicy – Póst Drježdźany 4:1 (2:1)
Döbeln – Zhorjelc 0:3 (0:1)
Hohenst.-Ernstthal – Kamjenc 1:1 (0:0)
Markkleeberg – Heidenau 4:1 (2:1)
FSV Zwickau II – BSG Chemija 2:3 (2:1)
1. BSG Chemija 27 52 : 25 55
2. FC International 27 59 : 33 55
3. Biskopicy 27 47 : 22 54
4. FC Eilenburg 27 42 : 24 48
5. FC Grimma 27 54 : 34 46
6. Wocl Riesa 27 34 : 31 43
7. Zhorjelc 27 43 : 31 41
8. BSC Freiberg 27 50 : 46 38
9. Hohenstein-Ernstthal 27 40 : 44 36
10. Heidenau 27 38 : 39 35
11. FSV Zwickau II 27 41 : 37 34
12. Kamjenc 27 30 : 29 32
13. Markkleeberg 27 43 : 41 31
14. Glauchau 27 50 : 66 27
15. Döbeln 27 24 : 89 11
16. Póst Drježdźany 27 26 : 82 6
wokrjesna wyša liga
Połčnica – Póst Budyšin 4:0 (1:0)
Bukecy – Hnašecy 5:4 (2:3)
Kumwałd – Wachau 6:3 (4:1)
Ramnow – Biskopicy II 0:0 (0:0)
Sepicy – Kulow 3:5 (0:4)
Wojerecy 1919 – Großröhrsdorf 0:3 (0:0)
1. Biskopicy II 27 89 : 28 60
2. Ćisk 27 76 : 30 56
3. Großröhrsdorf 27 72 : 38 56
4. Póst Budyšin 27 66 : 59 52
Widźał, słyšał, napisał (01.06.15)
Awtor dźensa
Křesćan Korjeńk
„Je kónc, je kónc, je ze wšěm kónc ...“ Ně, ně, nochcu tu žanu paniku šěrić. Definitiwnje pak je so po sobotnej pokalnej hrě skónčił čas trenarstwa Jürgena Kloppa pola žołto-čornych z Dortmunda. Emocionalne to wokomiki po wothwizdanju poslednjeje koparskeje partije pod jeho zamołwitosću. Ćim bóle hišće, dokelž so nichtó rady z poražku njerozžohnuje. Na kóncu běše mustwo z Wolfsburga rezolutniše a je swoje šansy efektiwnje wužiwało. Klopp je šoł – dokal pak póńdźe, wě dotal snano jeničce wón. Hač drje w tajkich situacijach jeničce pjenjezy rozsudźa? Bórze smy mudriši, ale spekulacije so wšědnje w medijach šěrja. Mnozy Jürgena Kloppa lubowachu, snano runje telko jeho njelubowaše. Wón je wjele zdokonjał, ale to su mjeztym wšitko stawizny.
Minjeny pjatk smy w Ralbicach tež pohladali kusk do šulskich stawiznow. 40lětne wobstaće tamnišeje serbskeje šule je tež ze sportom wusko zwjazane. To wědźachu wšelacy hosćo hódnoćić, jako darichu kubłanišću sportowe bule.
Sport (29.05.15)
Běhi po lěsu a parku
ST Huska přewjedźe njedźelu w tamnišim parku jubilejne 30. parkowe běhi. Wobdźělnicy wubědźuja so na kołokursu po lěsu a parku. Wšelake distancy startuja w slědowacych časach: 1,0 km w 9.30 hodź., 2,0 km w 9.45 hodź., 6,5 km w 10.30 hodź. a 13,0 km w 10.30 hodź.
Beachvolleyballowy turněr
Dekanatne dušepastyrstwo młodźiny přeproša sobotu, 6. junija, wot 15 hodź. na beachvolleyballowy turněr do Ralbic. Mustwa njech so prošu w Don Boskowym domje pod telefonowym čisłom 035796/ 95 995 abo na Facebookowej stronje „Referentka Dekanatna Młodźina Worklecy“ přizjewja. Hry budu, jeli so znajmjeńša štyri mustwa přizjewja.
Beachvolleyballowa liga
W Róžeńće wotměje so zajutřišim, njedźelu, dalši hrajny dźeń serbskeje beachvolleyballoweje ligi. Wot 14.30 hodź. nastupja tam sćěhowace cyłki: Beno Šołta/Metod Šołta, Maćij Šěn/Daniel Gal a Jurij Hantuš/Jakub Langa.
Monarchojo wočakuja Lawy
Footballowy team Dresden Monarchs pohosći sobotu, 6. smažnika, w 15 hodź. doma w Heinza Steyerowym stadionje mustwo New Yorker Lions z Braunschweiga. W teamje Drježdźanskich footballistow hrajetaj Serbaj Jan Pjetaš a Magnus Bětka.
Hraje w najwyšej footballowej lize Němskeje
Mysliš-li tam na wukonowy sport w sakskej stolicy, da mjenuješ zawěsće mustwje Dynamo Drježdźany abo Drježdźanski SC. Wonej běštej hižo po cyłej Němskej wuspěšnej. Mustwo Drježdźany Monarchs, kotrež hraje w najwyšej footballowej lize Němskeje, je wšak jeničce woprawdźitym ekspertam zapřijeće. Młody Serb Jan Pjetaš w nim hraje. Stephan Möller je rodźenemu Chróšćanej někotre prašenja k tróšku eksotiskemu sportej stajił.
Předstajće so prošu najprjedy čitarjam SN. Što činiće powołansce resp. we wólnym času?
J. Pjetaš: Sym 24 lět stary a bydlu tučasnje w Drježdźanach, hdźež studuju na techniskej uniwersiće we wosmym semestrje techniku powětroweho a swětnišćoweho lětarstwa. W swobodnym času podawam kursy za wutworjenje muskulatury w fitnesowym centrumje našeje uniwersity. Fitnesowy sport je zdobom mój wulki hobby.
Njejsće jenož w fitnesowym studiju aktiwny. Hrajeće tež za Drježdźany Monarchs w najwyšej footballowej lize Němskeje. Kak sće runje na tule w kraju jara njepopularnu sportowu družinu přišoł?
SŠZC načolnu partiju dobył – SGB ma šansu na titul
48. volleyballowe mišterstwo wučerskich mustwow před rozsudom
Pedagogojo Budyskeho wokrjesa wotměchu minjeny tydźeń třeći hrajny dźeń volleyballoweho mišterstwa w sportowni Serbskeho šulskeho a zetkawanskeho centruma (SŠZC) w Budyšinje. Serbskej cyłkaj wobkrućištej znowa z dobyćemi swoju dominowacu rólu w tutej bulosportowej družinje (hlej tabulku). To zajimawe je, zo rozsudźi direktny duel 24. junija w Lubiju mjez Serbskim gymnazijom Budyšin (SGB) a kombinowanym cyłkom SŠZC aktualne mišterstwo. Skónči-li so partija 2:1, maja samo wučerjo 5. SŠ-eks/Melanchthonowy gymnazij Budyšin šansu na cyłkowne dobyće, jeli swoju hru 2:0 dobudu. Tak je hižo dźensa brizantny wukónc zaručeny.
SŠZC – 5. SŠ-eks/Melanchthonowy gymnazij 2:1 (22:25, 25:19, 15:7)
We wokrjesnym pokalnym finalu
Z prózdnymaj rukomaj a čerwjenej kartu
FSV Budissa Budyšin –
BFC Dynamo 0:2 (0:1)
Zestawa domjacych: J. Jakubov – Kolan, Fröhlich, Patka, Kral (35. Johne), Walther, Schikora, Rosendo (66. Kotyza), Reher, Höer, Salewski (68. Schwitzky)
Trenarjej Tomašej Henčlej pobrachowaštaj w hrě zranjenaj koparjej Hoßmang a Vrabec. Najebać to pak chcychu Budyšenjo BFC Dynamo doma přewinyć. 1250 přihladowarjow, kotřiž běchu njedźelu popołdnju na Młynkec łuku přichwatali, dožiwi spodobnu partiju regionalneje ligi. Budissa startowaše derje do hry a měješe přez Walthera (3.), Rehera (9.), Krala (10.) a Patku (18.) hnydom wjacore jara dobre składnosće. Po 20 mjeńšinach so Berlinske mustwo polěpši. Jakub Jakubov pak njeda so přewinyć. Jónu wotkopny Kolan bul wot wrotoweje linije (20.). Zmylka w škiće domjacych dla dóńdźe k nawjedowanju za BFC (33.). Krótko po tym dyrbješe trenar Henčl Krala wuměnić (35.). Njebjelčan bě sej nós złamał.
Serbja na běhach wokoło jězora wuspěšnje wotrěznyli
SN
Wurjadny dźeń za wuhotowarja był
35. swjatkowny turněr kopańcy w Pěskecach
Při najrjeńšim wjedrje – njebě přećopło a nic přezyma – wojowaše wčera, póndźelu, wosom koparskich mustwow w Pěskečanskim „stadionje k dźiwjej rancy“ wo swjatkowny koparski pokal. Jako Jurij Matka-senior, kultowy stadionowy rěčnik, cyłki na turněr witaše, běše po jeho měnjenju hižo 5 000 přihladowarjow přitomnych. Na kóncu zliči wón z kapsnym ličakom něhdźe 10 000; hnydom pak přizna, zo njeje sej při mnóstwje nulow cyle tak wěsty.
Přewjele chwile k ličenju wšak moderator njeměješe, wšako dyrbješe hry ze swojim kolegu intensiwnje sćěhować a komentować. Wrota ze zdalenosće 50 metrow, njewšědne zmylki wrotarjow, kuriozne samowrota, přetřělene jědnatki, tójšto krasnych koparskich scenow a napjate duele hač do poslednjeje sekundy – wšo to tworješe zakład zajimaweho 35. swjatkowneho turněra w Pěskecach.
