Hłowne myto konjace sedło było
Wuslědki (09.09.21)
Kopańca, krajny pokal
Delitzsch – International Lipsk 2:7 (0:3)
Chem. Lipsk – Módro-běli Lipsk 4:0 (1:0)
Drježdźanski SC – Marienberg 3:1 (2:0)
Sachsenw. Drježdź. – Markranst. 0:7 (0:3)
Neugersdorf – Eilenburg 2:4 (0:0)
Ćisk – Plauen0:3 (0:2)
Wurzen – Rabenstein 1:3 (0:1)
Gröditz – Glauchau 1:4 (1:3)
Liebertwolkwitz – Běła Woda njenastupili
Krostitz – Taucha 2:1 (0:0)
Rotacija Drježdźany – Kamjenc 2:4 (0:1)
Markkleeberg – Auerbach 2:1 (2:1)
Grimma – Kamjeničanski FC wupad
Wódrjeńca – Čerwj. hwězda Lipsk 7:1 (5:1)
Lok Lipsk – Reinsdorf-Vielau 7:0 (4:0)
Werdau – Fortuna Kamjenica 1:3 (1:0)
Panitzsch/Borsdorf – Freiberg 1:0 (0:0)
Kreinitz – Colditz1:4 (1:2)
Weißig – Borea Drježdźany 2:3 (0:2)
Roßweiner SV – Drježdź.-Laub.0:5 (0:2)
Hartmannsdorf – Bud. Budyšin 1:5 (0:3)
Trjebin – Wilsdruff9:10 (0:0)
Meeranski SV – Lößnitz 0:3 (0:0)
Oelsnitz – Pirna-Copitz 4:1 (1:1)
Sermuth – Bornaer SV 1:6 (1:4)
Rapid Kamjenica – Eutritzsch 0:1 (0:0)
Ramnow – Radebeulski BC 0:2 (0:2)
Nowosólc-Hródk – Biskopicy 1:2 (1:2)
Stollberg – Freital1:8 (0:4)
Klaffenbach – Drježdź.-Strěžin 0:2 (0:0)
Tanne Thalheim – Heidenau 1:2 (0:1)
wokrjesny pokal
Horni kraj-Sprjewja II – Rakecy II 5:3 (3:1)
Wóspork/Hrodźišćo – Bukecy 0:1 (0:1)
Germania Biskopicy/Biskopičanske KT III – ST Wjelećin II1:5 (1:4)
Łaz/Běły Chołmc II – Łuty 3:1 (0:1)
Njeswačidło – Łaz/B. Chołmc II3:5 (3:1)
Wachau II – Porchowwupad
Prěnja hra, prěnje tři dypki
HZ Hórnikečanski jězor/Ćisk II – ST 1922 Radwor 2:4 (1:1)
Zestawa hosći: Grenzemann – Reineke, Šěrak, Róbl (82. Bauer), Schöne, Wjacławk (88. Mička), Nuk (90. Omran), Jendrewski, Seiler, Grubert, Pječak
K prěnjej hrě sezony 2020/2021 běchu Radworscy koparjo hósć we Wulkich Ždźarach. Tam měrjachu mocy z Hrajnym zjednoćenstwom Hórnikečanski jězor/Ćisk II. Při najrjeńšim wjedrje pokazachu woni přihladowarjam klasisku partiju wokrjesneje ligi: sylne dwuboje, horce diskusije z přećiwnikom a sudnikom, strašne situacije we woběmaj šěsnatkomaj kaž tež tu abo tamnu derje wuhratu scenu. Prěnje wrota hry třěli młody Radworski nowopřichad Lenny Schöne we 8. min. Hnydom po tym móhł wón samo hišće zwyšić, třělwa pak přećiwniske wrota snadnje misny. W 13. min. měješe domjace mustwo prěnju swójsku móžnosć z wólnym kopom z něhdźe 30 metrow, a tón wjedźeše k 1:1.
Po přestawce přińdźechu Radworčenjo z wjetšim elanom na hrajnišćo. Lukaš Pječak trjechi k nawjedowanju 2:1 w 52. min., Schöne zwyši na 3:1 w 60. min., a Johannesej Wjacławkej poradźi so mjeńšinje po tym 4:1. Domjacy móžachu drje hišće dalše wrota třělić, na poražce pak hižo ničo změnić njemóžachu.
Tři dny po dobyću přěhrali
FC Energija Choćebuz –
VSG Altglienicke 0:3 (0:1)
Zestawa domjacych: Stahl – Hofmann, Koch, Hildebrandt, Borgmann, Eisenhuth (56. Hasse), Badu, Putze, Proničev, Zografakis (56. Schulz), Engelhardt
Tři dny po jasnym 3:0 pola Berlinskeho AK podleža FC Energija ze samsnym wuslědkom mustwu VSG Altglienicke. Poražce njezamó tež sylna kulisa 5 000 wopytowarjow zadźěwać.
Poprawom wšak dyrbješe Energija warnowana być. VSG bě mjenujcy do toho hižo přećiwo top-cyłkam regionalneje ligi (Jena, Berlinski AK, Kamjenica) wonka dobyła. A swoju sylnosć chowancy Karstena Heiny w Choćebuzu wurjadnje dopokazachu.
Domjacym so w nadběhu z wuwzaćom šansy Tobiasa Eisenhutha (43.) ničo njeporadźi. Jich hra bě přepomała, tak zo móžachu so hosćo bjez problemow orientować a nastajić. Tak na přikład w 40. min. něhdyši Choćebužan Felix Brügmann Christiana Skodu do sceny sadźi, a tón suwerenje přetwori.
Partiju rozsudźiłoj staj dźesać mjeńšin po znowazahwizdanju Philipp Zeiger po róžku z hłowu a w 74. min. hišće raz Skoda z 0:3. Tež tu pokazachu so słabosće koparjow FC Energije při přećiwniskich standardach.
Georg Zielonkowski
Hdyž je dorost w dobrych rukach
Sportowa jednotka Chrósćicy swjeći lětsa štyrcetu róčnicu wobstaća
Nowa doba je 18. meje 1985 w swojej přiłoze Předźenaku wo koparskim dorosće Sportoweje jednotki Chrósćicy 1981 z.t. rozprawjała. Jedne lěto po załoženju dorosta bě jasne, zo njebě spočatk runjewon lochki, dokelž hrajachu šulerjo wot 7. šulskeho lětnika hižo wěsty čas pod nawodom Bena Młynka za Traktor Ralbicy-Hórki. Tak móžachu w Chrósćicach jenož mustwo dźěći a hólcow wot 2. do 6. lětnika za dypkowe hry zestajeć. Najmjeńšich trenowaše Jan Rjelka, wjetšich Měrćin Škoda. Někajkich wosebitych wukonow njemóžachu so najprjedy raz nadźijeć, dokelž so tón abo tamny dobry kopar druhim jednotkam přizamkny. Haj, a k tomu dyrbjachu domjace hry nowotwara sportnišća dla hač do lěća 1986 do Hórkow přepołožić.
Prěnje swětleško na horiconće
Překlepani Hózčenjo, Koćinjenjo a Rachlowčenjo
5. blackbird-run w Hózku a wokolinje přewjedli
Při najrjeńšim běhanskim wjedrje je Hózkowska młodźina wčera zhromadnje z wobydlerjemi Hózka, Koćiny a Rachlowa swój 5. blackbird-run přez zadźěwki přewjedła. Z 249 běharkami a běharjemi drje su rekordnu ličbu 379 z lěta 2019 jasnje misnyli, za to pak mějachu wobdźělnicy nowu čaru z nowymi zadźěwkami a k tomu tež hišće perfektnje organizowane sportowe zarjadowanje.
Filip Kral dobył
Samsny wobraz kaž před štyrjomi tydźenjemi (hlej foto) skićeše so přihladowarjam sobotu wječor w Drjowku (Drebkau) pola Choćebuza. Amtěrowacy němski mišter we wubědźowanju z dumperami Filip Kral z Róžanta (srjedźa) je tam regionalne wurisanje dobył. Druhe a třeće městno wobsadźištaj Zejičanaj Paul a Frank Domš (naprawo). To bě eksaktnje samsne zaměstnjenje kaž před měsacom w Hórkach. Wo wulkotny mustwowy wukon Lejnjanskich dumpersportowcow postaraštaj so mjez druhim tež Markus Donat a Křesćan Grutka.
W Drjowku wobdźělichu so cyłkownje 18 jězdźerjow a jedna jězdźerka. Dalše wubědźowanja z dumperami lětsa njebudu, tež němske mišterstwa tónraz njeběchu. Konstantin Hrjehor
Widźał, słyšał, napisał (06.09.21)
Lěćna přestawka je nimo, sportowe sezony zaso startuja respektiwnje du do poslednjeje horceje fazy před zymu. Za Budyskich kolesowarjow je spočatk septembra stajnje rjane dožiwjenje a mjeztym hižo tradicija, wobdźělić so na čěskim wubědźowanju Tour de Zeleňák, kotrež wjedźe wot Rumburka stajnje horje a dele po Šluknovskim wuběžku. Lětsa je so za Budyšanow wosebje wudaniło, dokelž docpěchu jedne cyłkowne dobyće a jedne druhe městno w starobnej klasy w sylnje wobsadźenym a tež wot čěskich medijow přewodźenym wubědźowanju.
Sport (03.09.21)
Kónctydźenska kopańca
Na krajnej kaž tež na wokrjesnej koparskej runinje budźetej jutře a njedźelu pokalnej kole. Nimo pokalnych k.o.-hrow pak přewjedu tež jednu dypkowu, a to SJ Njebjelčicy – Łuty. Tale partija we wokrjesnej lize bu wot štwórteho na druhi hrajny dźeń přepołožena.
04.09. 14:00 FC HŁ Neugersdorf –
FC Eilenburg
05.09. 10:00 Rotacija Drježdźany –
Jednota Kamjenc
05.09. 15:00 SJ Njebjelčicy –
FSV Łuty (dypkowa hra)
05.09. 15:00 Hartmannsdorfer SV –
Budissa Budyšin
05.09. 15:00 Budyšink/Malešecy II –
ST Radwor
05.09. 15:00 HZ Wulka Dubrawa II/Radwor II –
SJ Chrósćicy II
Běh přez zadźěwki
W Hózku běhaja njedźelu wot 14 hodź. zaso přez zadźěwki. Tam změja 5. black-bird-run. Dotal je so 283 běharkow a běharjow přizjewiło, městnow pak maja tam hišće tójšto. Přizjewić so je online abo njedźelu wot 10.30 hodź. na městnje hišće móžno. Cyłkownje smě so 400 sportowčow a sportowcow zapisać. Na šěsćkilometerskej čarje maja w Hózku 15 zadźěwkow. Koło dyrbja wobdźělnicy dwójce zmištrować a tak tež zadźěwki dwójce přewinyć. Startowy pjenjez wučinja 25 eurow na jednotliwca.
Dumpery so wubědźuja
Prěnja poražka pod nowym trenarjom
Dynamo Drježdźany –
SC Paderborn 07 0:3 (0:3)
Zestawa domjacych: Broll – Ch. Löwe, Akoto (89. Becker), Sollbauer, Schröter (72. Will), Kade, Stark, Mörschel (30. Mai), Vlachodimos (46. Sohm), Daferner, Königsdörffer (46. Hosiner)
Do hry minjenu njedźelu je Dynamo Drježdźany w sakskej stolicy před něhdźe 16 000 přihladowarjemi wjelelětneho aktera Marca Hartmanna rozžohnowało. Wón dyrbi sej po wosom lětach jako profijowy kopar nowy nadawk pytać.
