Lichań (CS/SN). Cyłkownje dwanaće lipow a wjacore wšelake kerki su minjenu sobotu při Lichańskim (Spreewiese) wjacegeneraciskim domje sadźili. Akciju je mjez druhim Němski póst z 500 eurami podpěrał. Městno wosrjedź wsy słuži domoródnym jako zetkanišćo, ma pak tež wužiwarjam bliskeju kolesowarskeju šćežkow, kotrejž so tam křižujetej, jako wotpočnišćo k dispoziciji być. Do sadźenskeje akcije je Klukšanska firma městnosć zrunała a z mineralnym šćerkom napjelniła. Wšako chcedźa tam hišće sedźenske móžnosće kaž tež hětu za pućowarjow natwarić.
Nimo 30 čłonow Lichańskeho domizniskeho towarstwa wobdźěli so na sadźenju rostlin tež wosom sobudźěłaćerjow pósta. Su to kolegojo předsydy tamnišeho domizniskeho towarstwa Alexandera Golcherta, kiž w Budyskim listowym centrumje dźěła. Wón bě zwisk ke koncernowej centrali nawjazał, kiž čestnohamtski angažement po wšěm swěće podpěruje. Kaž rjekny nowinski rěčnik Němskeho pósta za Saksku Mattias Persson, su z podpěru koncerna hižo něhdźe milion štomow po cyłym swěće sadźili.
14.11. – 20.11.2019 Budyski filmowy palast:
Maleficent – Mächte der Finsternis: wšědnje 17:00 a 19:45 (nimo srj) Der König der Löwen: wšědnje 14:30 (nimo pó, wu a srj) Shaun das Schaf – Der Film: UFO-Alarm: nje a srj 12:30 | štw, pj, so a nj 14:45 | pó 14:30 A Toy Story: Alles hört auf kein Kommando: nj a srj 12:15 Angry Birds 2: nj a srj 12:30 Joker: wšědnje 19:45 (nimo pó) | pj, so a wu 22:15 Last Christmas: nj a srj 12:15 | wšědnje 14:30 (nimo wu), 17:15 (nimo srj) a 20:00 (nimo wu a srj) | pj, so a wu 22:30 ES: Kapitel 2: pj, so a wu 22:15 Das perfekte Geheimnis: wšědnje 14:30 (nimo wu a srj), 17:15 a 20:00 (nimo srj) | srj 14:45 a 19:45 | pj, so a wu 22:45 Die Eiskönigin 2: srj 14:30 a 17:00 Die Eiskönigin 2 w 3D: srj 15:00, 17:30 a 20:00 Systemsprenger: wšědnje 17:00 (nimo pó a srj)
Kino-ekstra: Late Night – Die Show ihres Lebens: pó 14:30, 17:15 a 20:15
Chrósćicy (SN/MiR). Na kotre wašnje hodźi so staw rěčnych kmanosćow zwěsćić? Prašenje to, na kotrež njejsu wobdźělnicy staršiskeho wječorka do lětušeho fachoweho dnja 2plus cyle dokładnje wotmołwić móhli.
Jasne je, zo chce Budyska regionalna wotnožka Krajneho zarjada za šulu a kubłanje (LaSuB) zhromadnje z Rěčnym centrumom WITAJ (RCW) Budyšin zwěsćić staw serbskorěčnych kmanosćow wuknjacych we 8. lětniku. Hižo nalěto běchu wučerjo wo tym na fachowej konferency wuradźowali. Nětko předleži prěni namjet, kotryž staj Bosćij Handrik, zamołwity LaSuB za serbske naležnosće, a Manuela Smolina, wotrjadnica za rěčny marketing a wědomostne dźěło RCW rozłožiłoj. Přitomni zwuraznichu, zo je tajke přepruwowanje wažne za wšitkich šulerjow, kotřiž serbšćinu wuknu – za maćernorěčnych runje tak kaž za rěč wuknjacych. Wo formje zestajenja pruwowanskich nadawkow měli dale rozmyslować. Wšako je předwidźane test na papjerje přewjesć.
Wuwučowanje po koncepciji 2plus je zwjazane tež z teamteachingom (TT), to rěka wuwučowanjom z dwěmaj wučerjomaj w hodźinje. Pedagogaj Worklečanskeje Serbskeje wyšeje šule „Michał Hórnik“ Diana Šołćina a Beno Hojer předstajištaj swoje postupowanje na dźěłarničce fachoweho dnja 2plus.
Chrósćicy (SN/MiR). Teamteaching njeje samozrozumliwy na serbskich a serbšćinu wuwučowacych šulach, byrnjež w koncepciji 2plus zakótwjeny był. Skerje wotwisuje wot toho, hač ma šulske kubłanišćo dosć wučerjow, zo by metodu zaručić móhła. Tak ma sej kóžde lěto znowa w Budyskej regionalnej wotnožce Krajneho zarjada za šulu a kubłanje (LaSuB) wotpowědne wučbne hodźiny wobkrućić dać. „Serbske šule su něšto wosebite. Dyrbimy tuž na swojich prawach wobstać. Nimamy so w tym padźe němskim šulam přiměrić“, rjekny Diana Šołćina, kotraž podawa we Worklecach towaršnowědu, stawizny, sport a hudźbu.
SJ Njebjelčicy
– ST Nadrózna Hrabowka 5:0 (1:0)
Zestawa domjacych: Hahn – Kral, Hanuza, Gödig, Čornak, Haška, O. Domš, Plaettner (62. Wagner), Lejnart (73. Mikławšk), Hoelzel, Schulze (67. Šołta)
Přihladowarjo winowatostneje koparskeje hry dožiwichu zašłu njedźelu při najrjeńšim nazymskim wjedrje w Njebjelčicach zajimawu partiju. Hosćo z Nadrózneje Hrabowki běchu hrajerjam Njebjelčanskeje SJ dotal stajnje njepřijomny přećiwnik.
LSV Hory
– ST Marijina hwězda 4:2 (0:1)
Zestawa hosći: Hejduška – Wróbl, Hawš, Šołta, R. Cyž, Peschmann (77. Langer), Ch. Cyž, Pjetaš, Melnyk, Eldor, Pakoßnick