Hrozy Ukrainje přesłapjenje?
Brüssel (dpa/SN). Nadźiji Ukrainy na bórzomny přistup k NATO hrozy najprjedy raz přesłapjenje. Po informacijach powěsćernje dpa su so naposledk čłonojo zwjazka kaž USA a Němska za zawrjenymi durjemi dojednali, zo nochcedźa Ukrainje ničo přilubić, štož dotalne powšitkowne přilubjenje z lěta 2008 přesahuje. Tehdy běchu so statni a knježerstwowi šefojo aliancy dojednali, zo měłoj so Ukraina a Georgiska z čłonomaj NATO stać. Konkretny časowy plan za to pak njeběchu tehdy předpołožili.
Ukrainski prezident Wolodymyr Zelenskyj bě NATO naposledk namołwjał, na přichodnym wjerškowym zetkanju w juliju puć za přiwzaće kraja do zapadneho wojerskeho zwjazka runać. Ani w Ukrainje ani w Europje njeby wjetšina ludnosće rozumiła, njeby-li Ukraina na wjeršku NATO „wulce zasłužene přeprošenje“ do zwjazka dóstała, rjekny Zelenskyj při wopyće generalneho sekretara NATO Jensa Stoltenberga w Kijewje. Wón wopodstatni to z přinoškom „ukrainskich wojakow za wěstotu Europy“.
Dźěłarnistwa: Dale wojować
Měrliwe demonstracije w Berlinje – wjace wobdźělnikow po wšěm kraju
Berlin (dpa/SN). Policija zwjazkoweje stolicy je po wčerawšim wulkozasadźenju 1. meje wo „překwapjace měrliwym“ wotběhu tradicionalnje z namócnosćemi zwjazanych mejskich demonstracijow rěčała. „Je wočiwidne, zo mějachmy najměrnišu prěnju meju po lěće 1987“, zdźěli rěčnik policije krótko do połnocy. Hač do zažneho ranja njeje policija žane naspomnjenjahódne namócne podawki registrowała. Při tradicionalnych demonstracijach lěwicarskich a lěwicarsko-ekstremistiskich skupin bě policija dźewjeć ludźi zajała. Jedyn z policistow bu zranjeny.
Njespokojnosć přiběra
impresum
Serbske Nowiny wudawaja so w Domowina-Verlag GmbH Ludowym nakładnistwje Domowina
Jednaćel: Syman Pětr Cyž
Ludowe nakładnistwo Domowina tzwr spěchuje Załožba za serbski lud, kotraž dóstawa lětne přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.
Šefredaktor a zamołwity redaktor w zmysle
nowinarskeho zakonja: Marcel Brauman 577 232/233 Naměstnik šefredaktora: Axel Arlt 577 238
tel.: 03591 / 577 232 faks: 03591 / 577 202 e-mail: www.serbske-nowiny.de
Adresa redakcije a nakładnistwa: Sukelnska 27, 02625 Budyšin
Adresse der Redaktion und des Verlages: Tuchmacherstraße 27, 02625 Bautzen
Zamołwita za rozšěrjenje: Manja Bujnowska 577 262
Předań nawěškow: Janka Rögnerowa 577 220 e-mail:
Ćišć: DVH Weiss-Druck GmbH & Co. KG, Lejnjanska 14, 02979 Halštrowska Hola, wjesny dźěl Hory
Vertriebskennzeichen: 2 B 2560 B
To a tamne (02.05.23)
Bjez wuspěcha wostało je pytanje za pozdatnym pokładom w hódnoće wjacorych milinow eurow, kotryž běchu němscy wojacy pječa kónc Druheje swětoweje wójny w Nižozemskej zaryli. Zjednoćenstwo stawiznarjow je wčera w Ommerenje w prowincy Gelderland posledni króć pod zemju za kistami pytało, bjez toho zo bychu něšto namakali. Němscy wojacy běchu 1944 kisty połne złota a debjenkow zaryli, po tym zo běchu bomby banku w nižozemskim Arnheimje trjechili.
Hłódny třilětny hólc je so we Wienje samlutki do podzemskeje železnicy sydnył, zo by k znatemu fastfood-hosćencej dojěł. Pachoł bě so z hrajkanišća zminył, jako mać wokomik njekedźbowaše. Sobujěducemu hólc bjez staršeju w železnicy napadny. Wón přepoda jeho policiji. Mać bě so mjeztym hižo pola zastojnikow přizjewiła a móžeše syna zaso wobjimać.
Ruska łódź na městnje była
Kopenhagen (dpa/SN). Něšto dnjow do rozbuchnjenjow płunowodow Nord Stream w Baltiskim morju je po informacijach danskeho wójska ruska specialna łódź njedaloko městna detonacijow jězdźiła. Danske zakitowanske ministerstwo je informacije nowinarjow wobkrućiło, zo je danska patruljowa łódź 22. septembra njedaloko kupy Bornholm rusku łódź SS-750 fotografowała. Dny pozdźišo stej płunowodaj rozbuchnyłoj. Přičiny njejsu dotal wujasnjene.
Přiměr w Sudanje podlěšeny
Khartum (dpa/SN). Znjepřećelenej wojerskej blokaj w Sudanje stej so dojednałoj, wobstejacy přiměr podlěšić. Tole su po wotpowědnych jednanjach USA a Sawdi-Arabska zdźělili. Najebać to su minjenu nóc w stolicy Khartumje dale wojowali. Přiměr płaći poprawom hižo wot wutory. Mjeztym móžachu tysacy ciwilistow město wopušćić. Wjacore staty su swojich staćanow z lětadłami wuchowali.
Minister wojakow domoj witał
Kopolacy start měšćanosty
Pence so wuprajił
Přepytowanja njetrjebawše
Berlin (dpa/SN). Tójšto posłužbow lěkarskich praksow, kotrež dyrbja pacienća sami zapłaćić, nima po měnjenju fachowcow žadyn wužitk. Wot cyłkownje 55 posudźowanych indiwidualnych strowotniskich posłužbow njejsu ani jeničku pozitiwnje zastopnjowali, runje dwě stej tendencielnje pozitiwnej. Přewažny dźěl su z „njejasne“, „tendencielnje njejasne“ abo samo z „negatiwnje“ posudźowali. Tež informacije pacientam su njedosahace, fachowcy zwěsća.
Najčasćišo předawana posłužba je ultrazwukowe přepytowanje jejkownikow a maćernicy k zažnemu spóznaću raka. Posudźowali su tole pak negatiwnje abo tendencielnje negatiwnje. Přepytowanja wunjesu častodosć wopačne wuslědki, štož wjedźe k dalšim njetrjebawšim přepytowanjam a lěkowanjam, zdźěli rada fachowcow, kotraž chorobne kasy poradźuje. Husto načinjeja młodym žonam njetrjebawši strach. Posłužby předawaja přiběrajcy tež młodym holcam. Tež płokanje kreje a kislikowa terapija su njetrjebawše posłužby, kotrež pacientam za wjele pjenjez předawaja. Wotpowědne lěkarske posudki často ani njepředleža.
CDU a AfD jenak sylnej
Aktualne woprašowanje w Braniborskej lěto do wólbow krajneho sejma
Podstupim (dpa/SN). Po najnowšim woprašowanju stej CDU a AfD w Braniborskej jenak sylnej. Wobě stronje byštej 23 procentow hłosow dóstałoj, bychu-li zajutřišim, njedźelu, wólby krajneho sejma byli. SPD by ze 22 procentami snadnje za nimaj ležała. Tole wuchadźa z „Braniborskeho trenda“ instituta Infratest dimap w nadawku sćelaka Antenne Brandenburg a magacina rbb „Brandenburg aktuell“. Wot 19. hač do 24. apryla běchu so 1 200 wólbokmanych reprezentatiwnje prašeli.
CDU móžeše porno prjedawšim woprašowanjam hłosy přidobyć. Při wólbach krajneho sejma 2019 běchu křesćanscy demokraća z 15,6 procentami wo wjele špatniši wuslědk docpěli. SPD porno tomu bě w nahladnosći ludźi najlěpje wobstała a ze 26,2 procentomaj najlěpši wuslědk docpěła. Wona knježerstwowu koaliciju w Braniborskej nawjeduje. Klětu wola tam nowy krajny sejm.
