Wuspěšne hrajne zjednoćenstwo
Ćežki běh na wjeršk hory Mnišonc
Klawdija Hejdušcyna sej za hórskej kralownu wulkotne třeće městno wubědźiła.
Mjeztym hižo 31. króć je so kóždolětne ćežke wubědźowanje wo hórskeju kralow z Hornjeje Hórki hač na wjeršk 449 metrow znateje hory Mnišonc přewjedło. Na tutej 3,3 kilometry dołhej čarje z jeje 230 metrow wysokostnym rozdźělom wojowaše 108 dorosćenych atletow (z nich 20 žónskich). Ze sylneho pola starterow je sej pola mužow 36lětny Martin Sauer z Barta w 14:08 min titul hórskeho krala zawěsćił a jeničce 16 sekundow za nim docpě 39lětny Maik Petzold z Budyšina jako druhi cil (14:24 min). Serbski starter Richard Paška z Kanec wudoby sej wot 88 muskich kontrahentow jara dobre cyłkowne 8. městno (16:21 min) a Budyšanaj Silvio Schade (16:37 min) a Silvio Bjarš (17:47 min) wobsadźištaj 11. kaž tež 25. městno. Pola žonow bě 33lětna Franziska Kranich z Niskeje hórska kralowna w 16:48 min.
Kopańca, regionalna liga žonow1.1. FC Union ...
Kopańca, regionalna liga žonow
1. 1. FC Union Berlin 20 59 : 19 50
2. FC Viktoria 1889 Berlin 20 72 : 14 48
3. Magdeburgski FFC 18 78 : 19 46
4. RB Lipsk 20 51 : 29 44
5. Steglitzski FC Stern 20 55 : 28 36
6. BSC Marzahn 20 42 : 45 27
7. 1. FFC Fort. Drježdźany 19 23 : 36 20
8. FC Rudne horiny Aue 20 24 : 52 19
9. Biskopičanske KT 08 19 20 : 43 15
10. 1. FC Neubrandenburg 20 27 : 57 15
11. Rostockski FC 19 20 : 77 8
12. SZ Módro-běli Beelitz 19 8 : 60 4
NOFV-wyša liga
1. Biskopičanske KT 24 58 : 11 60
2. FC International Lipsk 23 51 : 15 49
3. FC Eilenburg 23 41 : 19 43
4. FC Carl Zeiss Jena II 20 43 : 26 41
5. VFC Plauen 22 27 : 33 39
6. FC Einheit Rudolstadt 23 41 : 30 36
7. TV Askania Bernburg 21 38 : 27 30
8. VfL 96 Halle 23 18 : 27 30
9. SG Union Sandersdorf 22 38 : 40 26
10. BSG Wismut Gera 22 30 : 37 26
11. VfB 1921 Kśišow 24 43 : 53 26
12. SV SCHOTT Jena 24 22 : 42 26
13. 1. FC Lok Stendal 21 23 : 36 24
14. FSV Barleben 22 21 : 41 23
15. Jednota Kamjenc 24 15 : 42 16
16. SV Merseburg 99 22 19 : 49 11
Dypki ležo wostajili
SJ Chrósćicy
– Drježdźanski SC 2:2 (1:0)
Zestawa domjacych: Stein – Cyž, Sentivan, Hrdlitschka, Šiman, Henčel, G. Zahrodnik, Runt, Młynk, J. Bogusz (76. L. Zahrodnik), Žur
Prěnje mustwo SJ Chrósćicy je minjenu njedźelu doma přećiwo poslednjemu tabulki Drježdźanskemu SC hrało. Josef Nemec a Petr Králíček čerwjeneje karty dla hrać njesmědźeštaj a Maksimilian Zahrodnik dyrbješe po pjatej žołtej karće přihladować. Nimo toho su wjacori hrajerjo zranjeni, tak zo maja tuchwilu wosebje w ofensiwje personalne problemy.
Postupja do 2. wobwodneje ligi
W poslednjej dypkowej hrě w blidotenisowej wobwodnej klasy dyrbješe prěnje mustwo DJK Kulow/Hózk pola ST Porchow nastupić. Z dobyćom bychu druhe městno w tabulce skrućili, štož by rěkało postup do druheje wobwodneje ligi.
Po hrě móžachu so Kulowčenjo radować, dokelž duel jasnje z 12:3 dobychu. Jeničce dwójka Matthias Barth/Pětr Měškank a pola jednotliwcow Pětr a Křesćan Měškank dyrbjachu so swojim přećiwnikam kłonić. Ći tamni, Michał Měškank, Matijas Bart, Jens-Pětr Meier a Křesćan Domaška, běchu w hrach jednotliwcow njepřewinjomni. Z tutoho městna wutrobnu gratulaciju k postupej.
Po spočatnych ćežach hišće suwerenje dobyli
ST Ćisk II
– ST Marijina hwězda 1:5 (1:2)
Zestawa hosći: O. Schmidt – Wróbl (79. Hübner), Škoda, Jurš, Lipič, Rab (66. P. Schmidt), Kuring, O. Hawš, R. Hawš, Winkler (66. Eldor), Pakoßnick
Domjacy swoju klasu dopokazali
Rakečanske ST – ST Radwor 4:1 (1:1)
Zestawa hosći: Wróbl – Omran, Šěrak, Henke, Zähr, Mark (85. Dawe), Bauer (70. Wjeńka), Rachela (90. Glücklich), Bejmak, Kurjat, Schulze
Po njezbožownym 1:1 minjeny tydźeń w Kulowje, dyrbjachu so Radworscy koparjo sobotu z Rakečanskimi koparjemi měrić. Prěni raz wuzwoli Pětr Bejmak Fabiana Šěraka za kapitana, dokelž bě Paul Zimmermann po pjatej žołtej karće jenož přihladowar. Po zakopje njetraješe ani 180 sekundow a hižo wyskachu domjacy. Feliks Hrjehor – hrajer serbskeje koparskeje wubranki – bě wótry róžk do šěsnatki přinjesł a Lorenz Pilz zhłójčkowa bul do saka. Nětko tež Radworscy koparjo wotućichu, tola hra wotmě so jenož w połojcy hosći. Tući móžachu so jenož ze standardami strašnje Rakečanskim wrotam bližić. W 22. min. pósła Omran z dalokej přihrawku Toma Schulza, kotryž zwonkastejaceho wrotarja wuhra a na kóncu tola jenož wonkownu syć trjechi. Jenož mjeńšinu pozdźišo znowa standard za Radworskich. Róžk Kurjata wotwobara zadnje mustwo domjacych, tola Filip Mark zapali bul ze 16 metrow do saka (23.). Po tym zwosta hra wurunana.
Tež druhi woblek FC Energije derje sedźi
FSV Luckenwalde
– FC Energija Choćebuz 0:2 (0:1)
Zestawa hosći: Rauhut – Starcew, Siebeck (59. Schlüter), Grundmann, Karbstein, Kruse, Weidlich (59. Zimmer), Geisler, Viteritti, Scheidhauer, Mamba (82. Gehrmann)
Z 2:0 wuspěchom pola FSV Luckenwalde, poslednjeho tabulki regionalneje ligi sewjerowuchod, je sej FC Energija mišterstwo wudobyła a so za hrě wo postup do 3. ligi kwalifikowała. Kónc meje hraje wona dwójce přećiwo staflowemu dobyćerjej ze sewjera wo městno w třećej najwyšej koparskej lize Němskeje. W Luckenwalde dosahaše k wuspěchej jednore 2:0. Wo te postaraštaj so Streli Mamba (19.) a Kevin Scheidhauer (90.). Trenar Claus Dieter Wollitz bě w nachwatanskej hrě formaciju na wjacorych městnach změnił. Tej drje so wšitko njeporadźi, režija hry pak bě stajnje w rukach hosći.
FC Energija Choćebuz
– FSV Wacker Nordhausen 2:1 (1:0)
Zestawa domjacych: Spahić – Baude, Grundmann, Karbstein, Schlüter, Gehrmann, Zickert (68. Mamba), Siebeck, Geisler (78. Knechtel), Boakye, Broschinski (76. Scheidhauer)
Wukon 2. połčasa dobyće skazył
ST 1896 Wulka Dubrawa
– SJ Chrósćicy II 1:1 (0:1)
Zestawa hosći: Matješk – Dórnik, M. Donat, Mark, Wowčer, J. Donat (75. Lešawa), Bětnar, Zahrodnik, Šołta, Domaška, Liznar
Wuslědki (24.04.18)
Kopańca, krajna klasa
Oderwitz – Borea Drježdźany 2:2 (0:1)
Horni kraj – Neugersdorf II 1:3 (1:1)
Drježdźany-Strěžin – Mužakow 4:1 (2:1)
Chrósćicy – Drježdźanski SC 2:2 (1:0)
Laubegast – Nowosólc-Hródk 3:0 (1:0)
Nowe Město – Ćisk2:4 (0:1)
Trjebin - Weixdorf1:3 (1:2)
1. FSV Nowosólc-Hródk 17 49 : 22 35
2. SZ Drježdźany-Strěžin 19 44 : 21 32
3. FSV Oderwitz 02 18 45 : 32 31
4. Laubegast 17 40 : 31 31
5. LSV Nowe Město 18 45 : 37 31
6. FC Neugersdorf II 19 41 : 31 29
7. Čerwj.-běli Mužakow 18 39 : 27 28
8. ST Horni kraj-Sprjewja 17 40 : 28 24
9. SG Weixdorf 18 31 : 35 23
10. SJ Chrósćicy 18 27 : 38 22
11. ST Trjebin 19 25 : 55 22
12. ST Ćisk 17 28 : 38 20
13. SC Borea Drježdźany 18 30 : 55 18
14. Drježdźanski SC 19 32 : 66 9
wokrjesna liga, stafla II
Łuty – Němske Pazlicy 2:7 (0:2)
HZ Wulke Ždźary – Haselbachtal 1:2 (0:1)
Rakecy II – Nowe Město II 1:0 (0:0)
N. Hrabowka – Łaz/Běły Chołmc 1:0 (1:0)
Njebjelčicy – Wojerowski FC II 4:1 (0:1)
Sepicy – Lubuš0:5 (0:3)
1. Natw. Němske Pazlicy 23 83 : 21 57
2. ST Marijina hwězda 23 63 : 24 45
3. SV Haselbachtal 21 64 : 33 44
4. ST Lubuš 23 55 : 36 44
5. SJ Njebjelčicy 22 44 : 33 39
6. HZ Łaz/Běły Chołmc 22 43 : 29 38
7. Nowe Město II 23 48 : 50 33
8. Wojerowski FC II 23 45 : 44 31
9. 1896 Wulka Dubrawa 23 45 : 53 31
10. FSV Łuty 23 47 : 57 31
11. ST Ćisk II 23 38 : 51 26
12. Nadrózna Hrabowka 23 42 : 57 25
13. Rakečanske ST II 22 26 : 48 24
14. HZ Wulke Ždźary 23 28 : 44 20
15. SJ Chrósćicy II 22 25 : 74 15
16. ST Zeleno-běli Sepicy 23 19 : 61 13
