Najebać wotprajene knižne wiki nakładnistwa swoje poskitki předstajili

Budyšin (SN/BŠe). Byrnjež Lipšćanske knižne wiki wotprajene byli, informo­wachu nakładnistwa wčera na nowinarskej rozmołwje w Budyskim Němsko-Serbskim ludowym dźiwadle wo swojich poskitkach. „Zo su wažny podawk branše wotprajili, jara wobžarujemy, ale rozu­mimy to. Ćežišća pak chcemy na tymle městnje předstajić“, wuswětli Marka Maći­jowa, kotraž bě wčera posledni raz jako jednaćelka Ludoweho nakładnistwa Domowina na zhromadnej nowinarskej rozmołwje nakładnistwow.