Wuměłcow pod hołym njebjom dožiwili

Dienstag, 16. Juni 2020
Artikel bewerten
(0 Stimmen)
Přijomna atmosfera knježeše kónc tydźenja na wuměłsko-zahrodniskim swjedźenju w Dešnje.  Foto: Michael Helbig Přijomna atmosfera knježeše kónc tydźenja na wuměłsko-zahrodniskim swjedźenju w Dešnje. Foto: Michael Helbig

Dešno (SN/CoR). Domizniski muzej Dešno, Šula za delnjoserbsku rěč a kulturu Choćebuz a Błótowska zahroda hojenskich rostlin w Dešnje su minjeny kónc tydźenja zhromadnje na mały wuměłsko-zahrodniski swjedźeń přeprosyli.

Pod nawodom Gabriele Gittel nastachu we wobłuku pleinaira, kotryž bě Šula za delnjoserbsku rěč a kulturu organizowała, akwarele, rysowanki a dalše twórby. Pod starymi wysokimi štomami na ho­jenskej a korjeninowej zahrodźe a w Muzeju pod hołym njebjom „Stary lud“ mějachu wuměłcy dosć wabjacych motiwow. Wopytowarjo móžachu wuměłstwo tworjacym přez ramjo hladać a so z nimi wo nastaću jich dźěłow, wo wu­zwolenju motiwow kaž tež tworjenskim pro­cesu rozmołwjeć. Zdobom su wuměłcy debjenki, akwarele, wolijowe mólby, tekstilne wudźěłki a dalše rjane wěcy na pře­dań poskićeli.

Veröffentlicht in Kultura
Bitte anmelden, um einen Kommentar zu posten

słowo lěta 2020

Anzeige