„Kulturna strategija Łužica 2025“ žněje w Serbach dobry wothłós
Choćebuz (SN/CoR). „Kulturna strategija Łužica 2025“ rěka runje w interneće wozjewjeny wuslědk před lětom w Choćebuzu zahajeneho projekta Łužiskeje dźěłarnje přichoda towaršnosće Łužiski hospodarski region. Zakład 120 stron wopřijaceho koncepta je 62 wosobinskich rozmołwow ze 156 kulturnymi akterami – mjez nimi su mnozy Serbja ze wšelakich institucijow. Dale su to online-naprašowani na 240 komunow a kulturnych zarjadnišćow kaž tež štyri dźěłarnički.