Kwota jasnje přiběra
Magdeburg/Drježdźany/Erfurt (dpa/SN). W Sakskej, Saksko-Anhaltskej a Durinskej ma dźeń a wjace wuměnkarjow dawki na swoju rentu zapłaćić. W Saksko-Anhaltskej je kwota z 73,2 procentomaj po cyłym Zwjazku najwyša, w Durinskej (73,0 proc.) a Sakskej (72,8 proc.) je podźěl nimale runje tak wysoki. Wo tym swědča ličby zwjazkoweho statistiskeho zarjada, za kotrymiž je so zwjazkarstwo Sahry Wagenknecht (BSW) naprašowało. We wšěch zwjazkowych krajach je kwota minjene dźesać lět přiběrała.
Dalše straty hłosow móžne
Osnabrück (dpa/SN). Politologa Wolfgang Schroeder praji, zo móže nalada SPD po sto dnjach w knježerstwje hišće dale woteběrać. „SPD njewustupuje widźomnje dosć a móže jenož ćežko kompromisy wotzamknyć. Strach, zo socialdemokraća mjenje hač dźesać procentow hłosow wolerjow dóstanu, je definitiwnje realny“, wědomostnik wuswětli. Wón bě hač do lěta 2024 čłon komisije za hódnoty w SPD. Strona dyrbi dobru socialnu politiku wukonjeć.
Zelenskyj wosobinsce přijěł
Wjacore sta ludźi su wčera wosrjedź Berlina přećiwo 100 lět ...
Jednanja spěšnišo wobdźěłaja
Wopominaja twar murje
Aktualne połoženje rozjimali
Berlin (dpa/SN). Njeporadźenych wólbow sudnikow a dwělomneho rozsuda kanclera, zo Němska Israelej hižo wěste brónje njedodawa, dla je zwjazkowy kancler a šef CDU Friedrich Merz wčera wječor z najwušim nawodnistwom CDU w kanclerskim zarjedźe wuradźował. Po 100 dnjach w zastojnstwje rozmołwjachu so wo połoženju a zhromadnym dźěle w koaliciji z SPD kaž tež wo naledźe w ludnosći. Najprjedy bě nowina „Bild“ wo zetkanju rozprawjała. Na zetkanju w kanclerskim zarjedźe wobdźělichu so generalny sekretar CDU Carsten Linnemann kaž tež městopředsydaj strony, zwjazkowa kubłanska ministerka, Karin Prien kaž tež sakski ministerski prezident Michael Kretschmer, statna sekretarka za ratarstwo Silvia Breher a minister za strowotnistwo w Sewjernorynsko-Westfalskej Karl-Josef Laumann.
Narodny dezaster
Postajenja wobkedźbować
Pirna (dpa/SN). Najprjedy dešć, nětko słónco – dobra kombinacija to w Sakskej za hriby, kotrež tele wuměnjenja za dobre wuwiće trjebaja. Tež w narodnym parku Sakskeje Šwicy wokomiknje hriby rostu, ale za zběranje eksemplarow płaća prawidła. Na to skedźbnja zarjadnistwo narodneho parka. Mjez druhim maja tam postajenja za šćežki, po kotrychž so ludźo pohibuja. Hriby smědźa sej ludźo jenož podłu pućikow do swojich korbikow žnjeć. Šćežki wopušćić pak woni njesmědźa.
Wopušćenje pućow runje tak kaž wopačne parkowanje na njedowolenych městnach rani porjad. A z tym zwisuje potom pokuta. Runje ludźi, kotřiž na wopačnych městnach swoje jězdźidła wopak wotstaja běchu zarjadnicy zašły čas tójšto zwěsćili.
Nimo toho zarjadnistwo narodneho parka na to skedźbnja, zo njesmědźa sej wopytowarjo hriby za přemysło zběrać. Někak dwaj kilogramaj na wosobu smědźa sej ludźo sobu domoj wzać. Dodźerženje postajenjow w narodnym parku Sakska Šwica přistajeni dokładnje kontroluja.
Swójbny zawod wopytali
Rozsud gremij njeakceptuje
Berlin (dpa/SN). Zarjadniska rada rozhłosa Berlin-Braniborska (RBB) wusud wo płaćenjach něhdyšej intendantce Patriciji Schlesinger njeakceptuje. Dohladowanski gremij budźe přećiwo wěstym dźělam rozsuda Berlinskeho krajneho sudnistwa z julija postupować, kaž jednaćelnja gremija na naprašowanje powěsćernje dpa zdźěli. Tole je zarjadniska rada na swojim posedźenju wčera tydźenja wobzamknyła. Do toho bě redakcija RBB24 wo tym rozprawjała.
Zarjadniska rada ma winowatosć, „pjenježnu škodu ludźi, kotřiž přinoški płaća, wotwobroćić“, zwurazni předsyda rady Wolfgang Krüger. Gremijej dźe potajkim wo to, zo dalša zamołwita instanca zwěsći, zo je Schlesinger „za swoje rozsudy nastupajo wosebite płaćenja bonusa a přiražki ARD wosobinsce zamołwita“.
Skandal RBB bě w lěću 2022 zjawnoprawniski rozhłós sylnje trjechił. Tak zwěsćichu wumjetowanja brojenja pjenjez dla. Mjez druhim je to słužbne awta z masažowymi sedłami, luksuriozne wuhotowanje běrowa Schlesinger, jědź na kóšty sćelaka pola intendantki doma, słužbne jězby, atd. potrjechiło.
To a tamne (13.08.25)
Jelizo policija při wobdźěłanju přeńdźenjow problemy ma, potom poskića zastojnicy kóždemu, kotryž pomhać móže, nahladny fenk. Wšako móhł kóždy pokiw pad rozrisać. Za to potom tež zjawnje wabja. Tola tajke postupowanja su w Sakskej rědke. W lěće 2022 je swobodny stat posledni raz pjenjezy za to wudał. Najwyšu sumu minjenych lět we wobjimje 500 000 eurow su zastojnicy kónc lěta 2019 k dispoziciji stajili, jako běchu so juwele ze Zeleneho wjelba zhubili. Tola dóstał ju nichtó njeje.
Zwěrjatownja w Berlinje je w tuchwilnych lětnich prózdninach hižo 147 wusadźenych zwěrjatow přiwzała. Mjez nimi su 79 kóčkow a 26 psow – to je nadpřerěznje wjele. Zdźěla su ludźo tež nopawy w plastowych boksach bjez dźěrkow za powětr něhdźe wotstajili.
