Israel namołwja ludźi w Gazy
Tel Aviv (dpa/SN). Israelske wójsko je Palestinjanow w sewjernym dźělu Gazaskeho pasma namołwjało, kónčinu wopušćić a so do južnišich dźělow pasma podać. W potrjechenym dźělu chowaja so po měnjenju israelskeje armeje wojowarjo teroristiske organizacije Hamas. Hakle po tym, zo je Israel teroristow zničił, smědźa so ciwilisća zaso nawróćić. Po informacijach UNO by něhdźe milion ludźi swoju domiznu wopušćić dyrbjał.
Wobkedźbowarjo z toho wuchadźeja, zo hotuje so Israel na wulku ofensiwu wójska w Gazaskim pasmje k doskónčnemu zničenju Hamas. Tole pak móhło chětro krawne a z wulkimi stratami zwjazane być. Nimo toho hrozy strach, zo druhe islamske kraje potom do konflikta zapřimnu. Muslimojo po wšěm swěće su za dźensa wulke protestne akcije na dobro Palestinjanow připowědźili, kiž w Gazaskim pasmje wójny dla ćerpja.
Kaž bjez jězbneje dowolnosće
Nahły wotstup dweju generalow pólskeho wójska zjawnosć znjeměrnja
Waršawa. Něšto dnjow do wólbow pólskeho sejma dwě wažnej temje towaršnosć w kraju tuchwilu wobknježitej: dołho wočakowana telewizijna debata načolnych kandidatow politiskich stron k wólbam sejma a njejapki wotstup dweju wodźaceju generalow pólskeho wójska.
Njeje přewjele žadane
Cwólby dale a wjetše
Bomby dla domy wopušćić dyrbjeli
To a tamne (13.10.23)
W spódnich cholowach schował je paduch 5 000 eurow, kiž bě wón do toho sobujěducemu w ćahu pokradnył. Na jězbje z Bonna do Regensburga měješe 24lětny pjenjezy za dlěše pućowanje po Němskej w tobole sobu, kotraž wisaše nad ławku. Jako so muž skrótka wotsali, 42lětny paduch tošu hrabny a so zminy. 24lětny hnydom za pjenjezami pytajo paducha narěča a jeho zadźerža. Přiwołana policija muža přepytujo pjenjezy skónčnje w toho spódnich cholowach namaka. Nětko přećiwo njemu přepytuja, tež, dokelž bě bjez płaćiweje jězdźenki po puću.
Wopita z awtom na policajsku stražu přijěła je 62lětna žona w Breisachu nad Rynom w Badensko-Württembergskej. Žona chcyše skóržbu zapodać, dokelž bě ju něchtó ćělnje zranił. Zastojnikam alkoholowa wóń napadny. Test wunjese 1,22 promilow. Jězbnu dowolnosć sćazachu.
Dokal wjedźe šćežka?
W čěskim ludowym spěwje so zalubowane holičo zrudnje praša, hdźe leži šćežka k lubowanemu Honzíčkej. Hdyž sym nětko hižo měsac we Łužicy žiwy, tłóći so mi druhdy podobne prašenje do mysli. Nježedźu pak za pućom šwarneho Janka dla, ale w poslednim času mje hinaša wěcka čwěluje. Hdźe leži šćežka z Łužicy do Prahi? Budyšin a Praha stej wot so mentalnje jara zdalenej. Z Čěskeho boka mi to ženje do wočow biło njeje. Z Łužiskeje strony so přede mnu scyła hinaši wobraz jewi …
Rěča wo migraciskej politice
Berlin (dpa/SN). Zwjazkowy kancler Olaf Scholz je hladajo na planowane rozmołwy mjez krajemi a zwjazkowym knježerstwom wo azylowej politice Němskeje optimistiski. Scholz rjekny wčera w sćelaku ARD k jutře planowanemu wjerškowemu zetkanju, zo je chětro přeswědčeny, zo chcedźa ludźo praktiske rozrisanja, z kotrymiž so woprawdźe něšto změni. Scholz wočakuje rěčnikow konferency ministerskich prezidentow Borisa Rheina (CDU) a Stephana Weila (SPD) kaž tež předsydu frakcije CDU/CSU Friedrich Merza.
Dawk na płun zaso zwyša
Berlin (dpa/SN). Nadhódnotowy dawk na płun chcedźa po woli zwjazkoweho knježerstwa wot januara zaso na prawidłownu měru zwyšić. Wotpowědne plany financneho ministra Christiana Lindnera (FDP) je zwjazkowe knježerstwo po informacijach powěsćernje dpa schwaliło. Zwjazkowe sejm ma zwyšenje hišće wobzamknyć. Wysokich płaćiznow energije po ruskim nadpadźe na Ukrainu dla běchu dawk nachwilnje wot 19 na sydom procentow znižili. Nětko so zemski płun za přetrjebarjow zaso podróši.
Nowy kandidat zwólniwy
