Korona we Wuhladku

Freitag, 06. November 2020 geschrieben von:
Budyšin. Aktualne wuwiće koronoweje pandemije budźe jedna z temow přichodneho hornjoserbskeho telewizij­ne­ho ma­gacina Wuhladko jutře w 11.45 hodź. na sćelaku MDR. Mjez druhim rozprawjeja wo tym, zo dyrbjachu w katolskich Serbach wjacori duchowni do karanteny a njemóžachu tuž žane kemše swjećić. Tež tradicionalne žohnowanje rowow na Wšěch swjatych bu zdźěla přestorčene. Zarjadniski zwjazk Při Klóšterskej wodźe dyrbješe karanteny wjacorych sobudźěłaćerjow dla swój dom w Pančicach-Kukowje nachwilnje zawrěć. Dale rozprawjeja wo žnjach kukuricy minjene dny na hornjołužiskich polach. Dobra składnosć to so prašeć, kak spokojom młodźi serbscy ratarjo ze swojimi žnjemi su. Wšako su lětsa na swojich polach zdźěla eksperimentowali. A skónčnje před­staja we wusyłanju serbsku koparsku sudnicu Leju Krječmarjec z Wulkeho Wjelkowa. Wona je nětko samo sudnica w zwjazkowej lize žonow B-młodźiny.

weiterlesen ...

Přewrót we Wuhladku

Freitag, 09. Oktober 2020 geschrieben von:
Budyšin. 30. róčnica zjednoćenja Němskeje budźe jedna z temow přichodneho hornjoserbskeho telewizijneho ma­ga­ci­na Wuhladko jutře, sobotu, w 11.45 hodź. na sćelaku MDR. 3. oktobra 1990 skónči so wobstaće NDR a Němska bě zaso­ jedyn stat. W Berlinje swjećachu staty­sacy znowazjednoćenje Němskeje, mjez nimi tež někotři Serbja z Łužicy. Wuhladko dopo­mina na historiski wokomik před 30 lětami kaž tež na wichorojte lěto 1990. Dale rozprawjeja wo wjesnym towar­stwje Domizna. Wone je lětsa znowa wubědźowanje wo najrjeńšu žnjowu krónu Sakskeje dobyło. Nimo toho předstaja Chrystu Meškankowu, lawreatku lětu­šeho Myta Zejlerja, kotrež hód­noći jeje čas žiwjenja trajacy angažement za serbsku rěč. Chrysta Meškankowa na­zor­nje pokazuje, kak samozrozumliwje hodźi so serbšćina w kulturje a wědomosći, w cyrkwinskim žiwjenju a swójbje pěstować. Wuhladko wospjetuja tohorunja jutře, sobotu, w 13.30 hodź. w telewiziji RBB a póndźelu, 12. oktobra, w 6.10 hodź. w sćelaku MDR.

weiterlesen ...

Kula Bula we Łužycy

Freitag, 18. September 2020 geschrieben von:
Choćebuz (SN). Kaž kóždu třeću sobotu měsaca wusyłaja jutře, 19. septembra, w 13.25 hodź. w telewiziji RBB delnjoserbski magacin Łužyca. Tónkróć wita moderator wusyłanja Christian Matthée přihladowarjow z Janšojskeho Serbsko-němskeho domizniskeho muzeja. Wšako wěnuja so w přinošku k lětušim muzejowym nocam Łužiskeho muzejoweho kraja. Nimo Choćebuskeho Serbskeho domu předstaja w magacinje kapału ­Kula Bula. Hudźbnicy wokoło spěwarja ­Geralda Schöna zamóža připosłucharjow přeco zaso zahorjeć a k sobuplacanju ­pohnuwać.

weiterlesen ...

Předstaja nowe studijo

Freitag, 04. September 2020 geschrieben von:
Budyšin. Nowe studijo Srjedźoněmskeho rozhłosa w Budyšinje budźe jedna z temow přichodneho hornjoserbskeho telewizijneho magacina Wuhladko jutře, sobotu, w 11.45 hodź. na sćelaku MDR. Po wjace hač třoch lětdźesatkach w Serbskim domje přećehnje studijo MDR a z nim­ tež Serbski rozhłós do twarjenja Němskeho pósta. Dalša tema budu serbscy darićeljo rodowych bańkow. Před něšto­ lětami běchu hižo raz Serba při darje­nju rodowych bańkow přewodźeli. Nětko su dalšeho Serba za tónle proces wuzwolili, kotryž zamóže druhim ludźom žiwjenje wuchować. A skónčnje předstaja Bjarnata Nowaka. 95lětny słuša k wusahowacym a runje tak horco diskutowanym wosobinam we Łužicy.

weiterlesen ...

Wusyłaja z Raduša

Freitag, 14. August 2020 geschrieben von:
Choćebuz. Wosrjedź lěta je mustwo delnjo­serbskeho telewizijneho magacina Łužyca wězo wonka po puću a poda so na historiske njewšědne městno, Radušanske hrodźišćo. Wone je jedne ze 40 něhdyšich typiskich kulowatych nasypow regiona, nastatych w 9. a 10. lětstotku. Čemu hrodźišća słužachu, štó na nich bydleše, što su tam nama­kali? Na to a na dal­še prašenja wotmołwja cyle nowa a předźěłana wustajeńca na Radu­šanskim hrodźišću, kotraž je tam wot 28. awgusta přistupna. Mode­rator Łužycy Christian Matthée je so wo njej­ ze šef­restawratorom na městnje rozmołwjał. Přihladowarjo tuž jako prěni zhonja, kajki­ je koncept přehladki a na čo móža so wjeselić. Delnjoserbski magacin wu­syła telewizija RBB jutře, 15. awgusta, wot 13.40 do 14.10 hodź.

weiterlesen ...

Malink rozžohnowany

Freitag, 31. Juli 2020 geschrieben von:
Budyšin (SN). Po 37 lětach słužby jako ewangelski farar w Hrodźišću a Budyšinje je so Jan Malink na wuměnk rozžohnował. 17 lět bě wón zdobom Serbski superintendent a z tak centralna figura cyrkwinskeho žiwjenja ewangelskich Serbow. Nimo toho je Jan Malink tež politi­sce skutkował, wosebje w času měrliweje rewolucije. A ze zahoritosću slědźi wo serbskich stawiznach a zajimawych wosobinach. Jedna to z temow Wuhladka, kotrež telewizija MDR jutře, 1. awgusta, w 11.45 hodź. wusyła. Magacin wěnuje so tež zwonej za texaski Serbin, a widźeć budźe přinošk wo měrliwej rewoluciji w Serbach. Što činja lěsni dźěłaćerjo, zo bychu chore štomy z lěsa zwozyli a rozšěrjenju skórnika zadźěwali – je dal­ša tema Wuhladka, kotrež budźe potom tež w mediatece MDR přistupne.

weiterlesen ...

Wo fararju Šwjeli

Freitag, 17. Juli 2020 geschrieben von:
Choćebuz (SN). W julijskim wusyłanju delnjoserbskeho telewizijneho magacina Łužyca wita moderator Christian Matthée přihladowarjow z Dešna. W tutej błótowskej wsy bydleše farar Bogumił Šwjela, horjacy so za zachowanje serbskeje rěče.­ Žiwjenje a skutkowanje serbskeho wótčinca stej jedyn z přinoškow poł­hodźinskeho programa. Wopytali su filmowcy tež Dešnjanski Domizniski muzej, w kotrymž po modernizaciji cyle nowu wustajeńcu prezentuja. Wosrjedź lětnich prózdnin w Braniborskej zhladuje Łužyca na minjene šulske lěto w Cho­ćebuskim Delnjoserbskim gymnaziju. Bě dźě to wosebity čas: z nošenjom nahubnika a z dodźerženjom wotstawka. Kak su wučerjo a šulerjo serbski wučbny narok zmištrowali, zhonja zajimcy jutře, 18. julija, w 13.30 hodź. w telewiziji RBB.

weiterlesen ...

Serbski tydźeń

Freitag, 17. Juli 2020 geschrieben von:

Hač do soboty, 18. julija, wusyła sćelak MDR přinoški wo serbskich naležnosćach we wobłuku temoweho tydźenja. Jako wosebity serwis skedźbnjamy čitarjow tule na zbywace wusyłanja:

Dźensa, 17. julija:

17:45 Na slědach Serbow w Čěskej, w tel. magacinje MDR Aktuell

19:00 Přinošk wo serbskim žiwjenju w tel. wusyłanju MDR Sachsenspiegel

Jutře, 18. julija:

9:05 7. dźěl swójbneje serije „Spreewaldfamilie“, w telewiziji MDR

19:00 Přinošk wo serbskim žiwjenju, w tel. wusyłanju MDR Sachsenspiegel

weiterlesen ...

Serbski tydźeń

Donnerstag, 16. Juli 2020 geschrieben von:

Hač do soboty, 18. julija, wusyła sćelak MDR přinoški wo serbskich naležnosćach we wobłuku temoweho tydźenja. Jako wosebity serwis skedźbnjamy čitarjow tule na přichodne wusyłanja:

Dźensa, 16. julija:

17:45 Na slědach Serbow w Čěskej, w tel. magacinje MDR Aktuell

19:00 Přinošk wo serbskim žiwjenju, w tel. wusyłanju MDR Sachsenspiegel

Jutře, 17. julija:

8:50 6. dźěl swójbneje serije „Spreewaldfamilie“, w telewiziji MDR

14:30 Live-reportaže z Olenku Pilz ze serbskich wsow a gmejnow, w telewiziji MDR (tež 16:25)

17:45 Na slědach Serbow w Čěskej, w tel. magacinje MDR Aktuell

19:00 Přinošk wo serbskim žiwjenju, w tel. wusyłanju MDR Sachsenspiegel

weiterlesen ...

Serbski tydźeń

Mittwoch, 15. Juli 2020 geschrieben von:

Hač do soboty, 18. julija, wusyła sćelak MDR přinoški wo serbskich naležnosćach we wobłuku temoweho tydźenja. Jako wosebity serwis skedźbnjamy čitarjow tule na přichodne wusyłanja:

Dźensa, 15. julija:

17:45 Na slědach Serbow w Čěskej, w tel. magacinje MDR Aktuell

19:00 Přinošk wo serbskim žiwjenju, w tel. wusyłanju Sachsenspiegel

Jutře, 16. julija:

8:50 5. dźěl swójbneje serije „Spreewaldfamilie“, w telewiziji MDR

14:30 Live-reportaže z Olenku Pilz ze serbskich wsow a gmejnow, w telewiziji MDR (tež 16:25)

17:45 Na slědach Serbow w Čěskej, w tel. magacinje MDR Aktuell

19:00 Přinošk wo serbskim žiwjenju, w tel. wusyłanju MDR Sachsenspiegel

weiterlesen ...
Seite 5 von 6

Chróšćan Šulerjo

Aktuelle Ausgabe28.08.2024

Schläge gegen die Sprache

Dźěłowe městna w LND

aktuelle Stellenangebote
Neuheiten LND

Nowinkar 2025

Midas Logo