1020. Budyske nalěćo bě mnohim ludźom zašły kónc tydźenja přiležnosć sej mnohe poskitki wikowarjow a kulturnych ćělesow lubić dać. Nimo mnohich koncertow, mjez nimi dujerskeju kapałow Horjany a Chróšćanscy muzikanća, zarejowachu njedźelu tež rejowanske skupiny Serbskeho ludoweho ansambla, mjez nimi „Łužičanska rapsodija“. Foto: Maćij Bulank

32. wolejbulowy duel mjez wučerjemi a maturantami skónči so minjeny tydźeń na Serbskim gymnaziju Budyšin z jasnym wuspěchom 3:0 za młódšu generaciju.Prěnja tajka wolejbulowa hra wotmě so srjedu, 11. nowembra 1992, w małej sportowni serbskeho kubłanišća. Tehdy přesadźichu so dwanatkarjo přećiwo pedagogam 2:1. A na kóncu kóždeho šulskeho lěta sćěhowaše mjeztym 32 tradicionelnych duelow.

Isabell Töpfer, 19ětna konditorka, je „Wučomnica měsaca“. Choćebuska rjemjeslniska komora je młodu Choćebužanku za jeje kreatiwnosć a wušiknosć wuznamjeniła. Isabell je wučomnica w třećim wukubłanskim lěće a dźěła jako konditorka we Weilandskej pjekarni. Po šulskim času pytaše młoda žona městno za praktikum w pjekarskim abo konditorskim rjemjesle. We Weilandskej pjekarni jej wšitke durje wotewrěchu. Štož zdawaše so spočatnje skerje připad być, wukopa so za wobě stronje jako wulke zbožo. Po nimale třoch lětach móža so w pjekarni na młodu wučomnicu spušćeć a dowěrja jej torty a tykancy, kaž tutón truskalcowy. Foto: Michael Helbig

Něhdźe 400 ludźi je wčera na nalětni koncert chóra Lipa a jeho přećelow do zahrody klóštra Marijineje hwězdy w Pančicach-Kukowje přišło. Nimo Lipy pod nawodom Jadwigi Kaulfürstoweje zaspěwa Njebjelčanski cyrkwinski chór pod nawodom Chrystofa Mikławška. Wustupił je tohorunja dorostowy chór Lipki. Foto: Konstantin Hrjehor

Přesydlenje Miłoraza chcedźa hač do kónca 2024 wotzamknyć. Wjes dyrbi so Wochožanskeje brunicoweje jamy dla wotbagrować. „To je poslednja w Němskej přesydlena wjes. Tu nastachu wuměnjenja za woprawdźite čiłe wjesne žiwjenje w přichodźe“, podšmórny dr. Philipp Nellessen, předstejićer LEAG za produkciju, sobotu při přepodaću noweho wjesneho srjedźišća.Nowy Miłoraz (AK/SN). Areal wotkrywać su w juliju 2019 zahajili. Na 15 hektarach nastachu jednoswójbne chěže, wjesne srjedźišćo z domom wjesneje zhromadnosće, busowe zastanišćo, hrajkanišćo, drjewjana skulptura „Štom žiwjenja“ a swje­dźenišćo. Na sewjernej kromje namakaš hódnoty dopominanja, kaž su to wojerski pomnik, „wjelči kamjeń“, „kamjeń hońtwjerskeho hrodu“ a drjewjany křiž „Protestantka“. Na třoch informaciskich taflach wujasnjeja stawizny Miłoraza wot prěnjeho naspomnjenja w lěće 1536, přesydlenišćo Miłoraz kaž tež wjesnu strukturu ze žiwjenjom tam. Na zapadnej kromje steji dźensa zwónica. Nimo njeje dopominaja tež tři dróhi „Nawjes ...

Mobilna wustajeńca „Power2Change: Energiemobil“ běše wobstatk zakónčaceho zarjadowanja wo energiji wčera w Hórnikečanskej Energijowej fabrice. Milenka Rječcyna je so ze Saruh Ehrlich rozmołwjała, kotraž wustajeńcu přewodźa.Štó je wustajeńcu koncipował?S. Ehrlich: To su byli partnerojo ze slědźenja, z muzejow kaž tež z wědomostneje komunikacije. Wot awgusta 2022 hač do decembra 2024 je wona na sydom stejnišćach po cyłej Němskej we wšelakich wustajenišćach po puću. Mjez druhim móža so ludźo pola nas tež na swjedźenjach pod hołym njebjom informować. Mobilne wustajenišćo je kolektiw designerow wuwił a zhromadnje ze sociokulturelnym centrumom TELUX we Běłej Wodźe twarił.Što so wopytowarjo prašeja?

Hamor (Jka/SN). Čłonojo Domowinskeje skupiny Wochozy su Dźeń angažementa wčera w Hamorje ze serbskej drastu wobohaćili. Žonje stej z chlěbom a selu hosći powitałoj. Župa „Jakub Lorenc-Zalěski“ je po serbskim wašnju wuměłsce debjene jutrowne jejka pokazał. Motiwatorka za serbsku rěč projekta ZARI Juliana Kaulfürstowa je wobalki ze serbskimi wokablemi wupójsnyła a na te wašnje z wopytowarjemi zwisk nawjazała. „Sym wšudźe, hdźež je so hodźało, přewidne toški pójsnyła. Wotpowědnje wobsaha stacije stejachu na titkach trěbne wokable, kaž za skazanje jědźe a pića“, wona rjekny. Při jewišću pak běchu to słowa, kotrež wopřijeja hudźbu abo rejowanje. W toškach běchu małe łopjena, kotrež su sej ludźo sobu wzali a qr-kode, kiž wjedźe k informacijam wo serbšćinje. „Sym so z ludźimi rozmołwjała a na te wašnje zhoniła, w kotrej swójbje je so něhdy serbsce rěčała. Mjez wopytowarjemi běchu tež někotři, kotrychž wnučki w pěstowarni abo šuli serbšćinu wuknu.“ Překwapił je tež muski chór z Delnjeho Wujězd ...