Rozsud w ruce měć
To a tamne (27.04.18)
Dźewjeć kilogramow šokolody pod suknju měješe žona w Braunschweigu, jako ju w předawarni žiwidłow při kradnjenju lepichu. To pak njebě hišće wšitko. W awće kumpana, kiž njedaloko kupnicy na nju čakaše, ležeše dalšich 50 kilogramow šokolody: praliny, sta taflow šokolody a worješko-nugatowa krema. 35lětna padušnica bě słódkosće we wjacorych worštach suknje schowała, policija zdźěli. Hač chcyštaj wšu šokolodu sami jěsć abo dale předawać, njeje dotal znate.
Swoju mać njewotpohladnje na balkon wuzamknyła je dwulětna holčka w Magdeburgu. Po misnjenju njemóžeše dźěćo durje hižo wočinić, wohnjowa wobora zdźěli. Mać prošeše z balkona pěškow wo pomoc, kotřiž na to wohnjowu woboru wołachu. Wobornicy dyrbjachu durje bydlenja namócnje wotewrěć a móžachu mać skónčnje z balkona wuswobodźić.
Z nowym ministrom porěčałoj
Wo čěskich wučerjach za serbske šule staj čěskaj politikarjej wčera ze sakskim statnym ministrom za kultus Christianom Piwarzom (CDU) w krajnym sejmje w Drježdźanach rěčałoj. Rozmołwu je zapósłanc Sakskeho krajneho sejma Hajko Kozel (Lěwica) sposrědkował.
Drježdźany (SN/at). Předstawa, zo młodźi wučerjo ze susodneho kraja při tym pomhaja, dźěry w serbskich rjadowniskich stwach pobrachowacych pedagogow dla wotstronić, je dale wužadaca. Na wčerawšim zetkanju je tohorunja wo to šło, nowemu kultusowemu ministrej wid z Praskeje a Ústískeje perspektiwy na temu zbližić. Na rozmołwje, kotraž měješe po informacijach ze sakskeho kultusoweho ministerstwa interny charakter, staj so z čěskeje strony europski zapósłanc Jaromír Kohlíček (KSČM) a za šulstwo zamołwity wicehejtman wobwoda Ústí nad Labem Petr Šmíd (SPO) wobdźěliłoj.
Namócnosće registrować
Berlin (dpa/SN). Přichodny społnomócnjeny zwjazkoweho knježerstwa za bój přećiwo antisemitizmej Felix Klein chce wšitke nadpady a namócnosće přećiwo Židam po wšej Němskej registrować. „Wo to chcu so postarać, sym-li w zastojnstwje“, rjekny wón w rozhłosu. Nimo toho chcył wón žórła a přičiny antisemitizma wuslědźić. Wčera běchu ludźo we wjacorych městach Němskeje z tradicionalnej kippu na hłowje přećiwo namócnosćam Židam napřećo demonstrowali.
Schönberger: Sami wina
Berlin (dpa/SN). Wjelelětna moderatorka wuznamjenjenskeho zarjadowanja „Echo“ Barbara Schöneberger (44) ma zrozumjenje za to, zo hudźbne myto přichodnje hižo njespožča. „Woni su sami wina, zo je takle přišło“, rjekny entertainerka wčera w Berlinje powěsćerni dpa. Zwjazk hudźbneje industrije Němskeje bě wčera připowědźił, myto wotstronić, po tym zo běchu je rapperomaj spožčili, kotrajž antisemitiske teksty wužiwaštaj.
Dalši podhladni
Wulkowoheń w Rychwałdskej brunicowej jamje: Wčera popołdnju bě so ...
Mjenje pjenjez hač wočakowane
Weil za dialog z Moskwu
Dale wjele padustwow
Kwota wujasnjenych njeskutkow dale woteběra – škoda po milionach
Lipsk (dpa/SN). Twarske zawody w Sakskej skorža dale wulkich škodow padustwow dla. Lěta 2017 wobličichu so straty na něhdźe 3,45 milionow eurow, kaž twarskoindustrijny zwjazk Sakska/Saksko-Anhaltska zdźěli. Přirunujo z lětom 2016 je drje to jenož rozrost jeničkeho procenta, woprawdźite škody pak su wo wjele wjetše, dokelž policija w kriminalnej statistice jenož hódnotu pokradnjenych tworow registruje.
Tam njewobkedźbuja na přikład wěcne škody na twarjenjach, wupad dźěłoweho časa abo kóšty za narunanje kradnjenych wěcow přez nakup nowych. „Cyłkowna škoda je tuž wo wjele wjetša. Zwjazk wobliči ju jenož za wobłuk twarstwa na něhdźe 40 milionow eurow“, kaž hłowny jednaćel twarskoindustrijneho zwjazka Robert Momberg nowinarjam rjekny.
Za dobre poćahi
To a tamne (26.04.18)
Flety z morchejow a bubony z kirbsow: Při kulinariskim festiwalu Solanum w braniborskim Rheinsbergu w meji chcedźa woprawdźe z pomocu zeleniny hudźić. Za to je so The Vegetable Orchestra z Wiena přizjewiło, kaž zarjadowarjo zdźěleja. Hudźbnicy, kotřiž chcedźa 26. meje w Rheinsbergu wustupić, su hižo we Waršawje, Parisu a Madridźe hudźili. Instrumenty dyrbja do kóždeho koncerta cyle čerstwje zhotowić.
Hoberske jejo dawno wotemrěteho elefantoweho ptačka je sobudźěłaćerka New-Yorkskeho přirodowědneho muzeja skerje připadnje našła. Wona bě runje při tym, eksponaty w składźe katalogizować, jako na kistu storči. W njej bě 30 centimetrow wulke a połdra kilogramow ćežke jejo. Elefantowe ptački běchu hač do třoch metrow wulke. Jejo chcedźa spočatk meje we wustajeńcy prezentować.
