Njewotwisnosć wotwobarana
Banja Luka (dpa/SN). Bosniscy Južni Serbja su lěta trajace prócowanja wo njewotwisnosć wot Bosniskeje-Hercegowiny k aktam połožili. Parlament serbiskeho dźěla kraja je rano w Bani Luce wobzamknył, za to předwidźany referendum wusadźić. Z nim měješe so jako prěni krok najwyše sudnistwo cyłeho kraja za Južnych Serbow wotstronić. Prezident serbiskeho dźěla kraja Milorad Dodik je změnu w politiskim nastajenju tak wobkrućił, zo opozicija tajke wothłosowanje wo njewotwisnosć wotpokazuje.
Warnuja kanclerku
Berlin (dpa/SN). Ministerscy prezidenća wuchodneje Němskeje su zwjazkowu kanclerku Angelu Merkel (CDU) před tym warnowali, rizikowe strukturne wurunanje w zakonskim chorobnym zawěsćenju na škodu wuchoda změnić. Juhoněmske kraje chcychu wurunanje mjez kasami regionalizować, rozprawja dźensa redakciska syć Němska. Tak by wurunanje mjez wuchodom a zapadom wotpadnyło, přinoški za chorobne kasy na wuchodźe bychu stupali
Trump wita zajeće
Madźarski ministerski prezident Viktor Orbán a saksko-anhaltski ...
Nochcedźa nowowólby
Antje Feiksžada sej wjace sprawnosće
Kamjenica/Neukieritzsch (dpa/SN). Personalije běchu tema sakskeho krajneho zjězda Lěwicy zańdźenu sobotu w Kamjenicy. Antje Feiks móžeše so přećiwo kontrahentej Andréjej Schollbachej za zastojnstwo předsydki sakskeje Lěwicy přesadźić. Wón bě hakle krótko do zjězda swoju kandidaturu wozjewił. Nowa wicepředsydka je Jana Pinka, nowy krajny jednaćel Thomas Dudzak.
W swojej požadanskej narěči žadaše sej Antje Feiks wot zastupjerjow strony wjace sprawnosće. Na bazy bě rěč wo „personelnym dźiwadle. Naše wobsahi stupja do pozadka“, nowa předsydka potwjerdźi. Lěwica móže so jeničce zesylnić, je-li baza sobu zapřijata.“
W poslednjej narěči jako šef sakskeje Lěwicy wabješe Rico Gebhardt za wjetšu přezjednosć. „Njeńdźe jenož wo dobyćerjow a podležanych, ale wo jednanjakmanu wjetšinu“, 54lětny wuzběhny.
To a tamne (07.11.17)
Komu jenož koleso słuša? Zastojnik bě sej je minjenu srjedu wot pasanta w Berlinje wupožčił, zo móhł wikowarja drogow přesćěhać. Krótko do toho bě z wukazom zajeća pytaneho skućićela na dróze spóznał. Kedźbliwy policist tuž składnosć wuži a móžeše wikowarja drogow z pomocu kolesa dosćahnyć a zajeć. Dotal pak zastojnik wobsedźerja kolesa podarmo pyta. W chwatku bě wón zabył sej mjeno pomocliweje wosoby napisać.
Pjeć kilogramow ćežka cukini je so w badensko-württembergskim Brettenje wo nachwilnu napjatosć postarała. 81lětny muž bě policiju zawołał a twjerdźił, zo leži na jeho zahrodźe bomba. Kaž pak so wukopa, jednaše so wo 40 centimetrow dołhu cukini. Po wšěm zdaću běchu ju njeznaći přez žiwy płót na zahrodu wuměnkarja ćisnyli.
Wobžaruja wotstup Kurth
Drježdźany (B/SN). Zo je 63lětna sakska kultusowa ministerka Brunhild Kurth (CDU) z „priwatnych přičin“ dwě lěće dočasnje zastojnstwo złožiła, nowy minister Frank Haubitz jara wobžaruje, přejo „swójbje wšo dobre a Bože žohnowanje.“ Kaž předsydstwo šulskeje załožby ewangelskolutherskeje cyrkwje Sakskeje zdźěli, měješe Brunhild Kurth dźěći a wučerjow kaž tež jich problemy stajnje we wóčku. Husto tematizowaše wona dźěry we wobłuku wučerskeho personala a dorosta, štož bu lěta dołho zanjechane. To budźe tež za přichod wulke wužadanje. Z nowymi šulskimi zakonjemi w zjawnym a swobodnym nošerstwje je Kurth nowy puć nastupiła. Tónle proces njeje hišće nimo a ma so wot jeje naslědnika dale wjesć. Tež ewangelske šule su dźěl sakskeho šulstwa a chcedźa tutej zamołwitosći wotpowědować.
Choralny swětowy rekord
W cyrkwi ludźi zatřělił
Sutherland Springs (dpa/SN). Młody muž je wčera na Božej słužbje w texaskim Sutherland Springs 26 ludźi zatřělił, mjez nimi wjacore dźěći. Něhdźe 20 dalšich wosobow su do chorownjow dowjezli, zdźěli guwerner Texasa Greg Abbott. Po informacijach sćelaka CNN bě skućićel 26 lět stary a je so po njeskutku sam zatřělił. W jeho awće nańdźe policija wjacore brónje. Motiw třělca dotal znaty njeje. Prezident USA Donald Trump, přebywacy tuchwilu w Aziskej, je swójbam woporow sobuželnosć wuprajił.
Žadaja sej wotstup Seehofera
Mnichow (dpa/SN). Šef strony CSU Horst Seehofer chce so po sonděrowanskich rozmołwach potencielneje jamaiskeje koalicije k swojemu politiskemu přichodej wuprajić. Kónc tydźenja bě sej bayerska Młoda unija jako prěnja wjetša stronska organizacija wotstup 68lětneho najpozdźišo klětu žadała. Tež wjacore wokrjesne předsydstwa CSU běchu sej na internych posedźenjach personelne změny přeli. Seehofer měł so za hubjeny wuslědk wólbow zwjazkoweho sejma zamołwić.
Paradise papers wozjewili
Wobdźělnicy demonstracije akciskeho zwjazkarstwa Ende Gelände su so ...
Prawniski dohlad znapřećiwjeni wotpokazał
Běła Woda (AK/SN). Prawniski dohlad Zhorjelskeho wokrjesa je wobě spřećiwjeni wuslědka wólbow wyšeho měšćanosty Běłeje Wody wotpokazał, kaž nowinska rěčnica Zhorjelskeho krajnoradneho zarjada Susanne Lehmann informuje. Zarjad bě hižo 27. oktobra rozsudźił. Wuslědkej běštaj kandidat Rico Jung (njestronjan) a wólbokmana Yvonne Kick znapřećiwiłoj. Wólby 24. septembra skónčichu so z chětro wuskim wotstawkom. Dotalny wyši měšćanosta wostanje Torsten Pötzsch (Klartext), kiž dósta 4 894 hłosow wolerjow. Za Junga bě so 4 661 ludźi wuprajiło.
Puigdemont zaso na swobodźe
Brüssel/Madrid (dpa/SN). Bywšeho šefa katalanskeho regionalneho knježerstwa Carlesa Puigdemonta su dźensa w nocy na swobodu pušćili. Politikar a dalši štyrjo ministrojo separatistiskeho knježerstwa běchu so wčera w Brüsselu pola policije přizjewili, hdźež jich přesłyšowachu. Kaž belgiski přepytowanski sudnik postaji, njesmědźa woni pod wotpowědnymi wuměnjenjemi kraj wopušćić. Wo dalšim postupowanju budźe w přichodnych 15 dnjach rozsudźene. Po prawach EU ma Belgiska 60 dnjow chwile wo tym rozsudźić, hač Puigdemonta a ministrow Španiskej přepoda. Minjeny pjatk bě Madridske statne sudnistwo mjezynarodny wukaz zajeća postajiło. Čłonam katalanskeho knježerstwa wumjetuja rebeliju.
Separatisća w Španiskej rozsud Brüsselskich zarjadow witaja. Rěčnik wotsadźeneho zwjazka Junts pel Si (Zhromadnje za Haj) Roger Torrent zdźěli: „To je rozsud mjez woprawdźitym rozdźělenjom mocy a politiskim justicnym systemom, mjez zrałej demokratiju a zwrěšćenym prawniskim statom.“
