ST Kubšicy – ST Marijina hwězda 4:6 (3:3)

Zestawa hosći: D. Matik - D. Leppers, K. Pakoßnick, R. Cyž, L. Hoge - J. Ladewig (88. Fe. Langer), T. Jurš, Ch. Cyž, E. Bulank (61. M. Wróbl) - F. Zelnak, J. Pakoßnick (76. J. Clausen)

Byrnjež někotři stajni hrajerjo Pančanow w Kubšicach pobrachowali, wzachu sej hosćo po dźiwjej hrě tři dypki sobu domoj. Hižo wote wšeho spočatka postajachu partiju kuriozne podawki.

Koparske wuslědki: W krajnej klasy stafla wuchod je rezerwa Biskopičanskeho KT 08 přećiwo koparjam z Němskich Pazlic wažny duel přećiwo zestupej 3:0 (0:0) dobyła. Němskopazličenjo steja po poražce zaso na zestupnym městnje.

Wokrjesna wyša liga: Sokoł Ralbicy/Hórki – ST Horni kraj/Sprjewja 1:1 (1:0). Wrota za Sokoł je Pěskečan Aleksander Wałda (22.) třělił. Drohotka Ramnow – SJ Chrósćicy 2:3 (1:3). Hosćo z Chrósćic su w běhu 15 mjeńšinow w prěnim połčasu trójce trjechili a hišće do połčasa 3:0 nawjedowali. Jedne wrota bě Alwin Graf (29.) docpěł, dwoje Jan Bogusz (24., 39.).

Wokrjesnej lize stafla 1 a stafla 2: Rakečanske ST II – SJ Chrósćicy 1981 3:1 (1:0). Wrota za 1:1 bě za hosći Robert Materna (62.) třělił. Wuspěch 2:0 (0:0) z třomi dypkami swjećachu wčera Radworscy bulkoparjo doma přećiwo Hrajnemu zjednoćenstwu Łaz/Běły Chołmc. Po přestawce trjechištaj za hosćićelow Claudius Buša (56.) a Karl Hettasch (89.). Derby ST Marijina hwězda – ST Porchow su hosćo 2:1 (1:0) dobyli. Za Pančanow bě Florian Zelnak (59.) trjechił.

Na lětušim prěnim jěchanskim turněrje w Holešowskej Dubrawce su kónc tydźenja we wjace hač dwaceći pruwowanjach sakskich mištrow a sakske mišterki we wšěch starobnych klasach zwěsćili. Z tym je Njeswačanske jěchanske towarstwo hižo třeći króć za sobu sakske mišterstwo w skakanju zarjadowało. Na nim so tež Chróšćan Křesćan Zahrodnik z 10lětnym walachom Veritasom wobdźěli. Po zmylku wobsadźištaj w skakanju klasy L 16. městno. Magdalena Šeferec wot Kulowskeho jěchanskeho towarstwa je sej wčera w Holešowskej Dubrawce wospjet titul sakskeje mišterki w skakanju wudobyła, a to třeće lěto za sobu. Foto: Mia-Katarina Hrjehorjec

Awtor dźensa

Lukáš Novosad

Eksistuje wažniša tema? Štwórtk so najwjetši lětuši swjatk započnje: swětowe mišterstwo w kopańcy. Wšitcy so na to wjeselimy, wšitcy na to čakamy. Hačrunjež – woprawdźe wšitcy?

Móžeš sej předstajić, kajka atmosfera w Italskej knježi? Wosebje hdyž so na sławnu zašłosć dopominaš? Mundial – kaž so mišterstwu powšitkownje z jednym słowom na zakładźe kubanskeje španišćiny praji – so druhi raz w stawiznach w USA wotměje. Prěni raz bě to w lěće 1994. Kóždy fan, kiž je stary dosć, ma wone wobrazy před wočomaj: dźiw z Bołharskeje a genius Christo Stoičkov, elegantna Brazilska z fenomenom Romáriom a ekstremnje sylna Italska z mjenami kaž Paolom Maldinijom, Francom Baresijom abo Robertom Baggiom. A jeho jědnatka nad wrotami, kotraž je wšo rozsudźiła ... Kóždy so na to dopomina. Bohužel pak so třeći raz za sobu Italska na mundialu njewobdźěli. Štó by tole w nalěću 1994 wočakował? Abo dwanaće lět pozdźišo w Němskej, hdźe je Italska štwórty raz mišterstwo dobyła?