Róžeńčan Stani Šewc (nalěwo při bulu, Ralbicy) a wšitcy dalši ...
Widźał,słyšał, napisał (26.05.26)
Awtor dźensa
André Strelow
Dorostowy turněr w Pěskecach
Tradicionelna swjatkowna kopańca w Pěskecach měješe swój zazběh njedźelu z turněrom starobneje klasy młodźiny E. Přeprošenju sćěhowali běchu mustwa SJ Chrósćicy, ST Marijineje hwězdy, Sokoła Ralbicy/Hórki, Hlinowskeho SK, ST Bischheim-Häslich kaž tež mustwje z Njebjelčic. W 11 hodź. startowaše turněr na hrajnišćomaj po hrajnym modusu „kóždy přećiwo kóždemu“. Tak móžeše kóždy cyłk w šěsć hrach swoje sylnosće pokazać. Jako prěnje smědźachu to Njebjelčicy I přećiwo Hlinowcej a Ralbicy/Hórki přećiwo Njebjelčicam II. We woběmaj zazběhowymaj hromaj padny hnydom wjele wrotow. Prěnje mustwo SJN přesadźi so 3:1 přećiwo Hlinowcej. Tež Ralbičanscy Sokoljo docpěchu z wuspěchom 2:0 přećiwo druhemu mustwu z Njebjelčic prěnje tři dypki. Chróšćanske mustwo doby swoju prěnju hru přećiwo Bischheimej-Häslichej a pozdźišo hišće přećiwo Ralbicam/Hórkam, Njebjelčicam II a Marijinej Hwězdźe. Přidatnje docpěchu Chróšćenjo hišće remisaj přećiwo Hlinowcej a Njebjelčicam I, štož dosahaše na kóncu za prěnje městno. Mnohe hry běchu hladajo na wuslědk wuske a wurunane.
Sport (22.05.26)
Kopańca w Pěskecach
Swjatki přewjedźe Sportowa jednotka Pěskecy lětsa zaso dwaj koparskej turněraj, a to njedźelu a póndźelu. Njedźelu wot 11 hodź. honja tam koparki a koparjo starobneje klasy młodźiny E za bulom. Wosom towarstwow je swoju młodźinu E z jednym resp. dwěmaj mustwomaj hižo přizjewiło. Cyłkownje nastupi w Pěskecach dźesać mustwow mjez druhim z Njebjelčic, Hlinowca, Kulowa a Radworja. Tradicionalny koparski turněr muži započnje so potom swjatki póndźelu w 13 hodź.
Sokoljo w połfinalu
Prěnje koparske mustwo sportoweho towarstwa Sokoła Ralbicy/Hórki hraje jutře w 15 hodź. w Budyšinje wo zaćah do kónčneje hry we wokrjesnym pokalnym kole. Přećiwnik budźe cyłk sportoweho towarstwa Póst Germanije Budyšin, kiž steji w tabulce wokrjesneje wyšeje ligi na druhim městnje a ma dźewjeć dypkow předskoka před Ralbičanami, kiž su na štwórtym městnje.
24.05. 15:00 Bretnig-Hauswalde –
ST Hnašecy-Dobruša
Njebjelčenjo pola načolnika
Po zažnym zastatku partiju zwjertnyli
ST Marijina hwězda – Motor Kumwałd 4:1 (2:1)
Zestawa domjacych: D. Matik – Luk. Hoge, R. Cyž, K. Pakoßnick, E. Zynda, A. Eldor, Fl. Bulank (67. J. Ladewig), Ch. Cyž, F. Peschmann (86. P. Schmidt), J. Pakoßnick, F. Zelnak (84. Fe. Langer)
Kaž hižo w hrě přećiwo cyłkej z Wołbramec (Steinigtwolmsdorf) popadny sej ST Marijina hwězda tež w njedźelnišej domjacej hrě a při lěćnych temperaturach zažne napřećiwne wrota (7.). Tutón raz pak so Pančenjo wot spěšneho zastatka zamylić njedachu. Hižo šěsć mjeńšinow pozdźišo z wurunanjom wotmołwichu. Christof Cyž bě bul rjenje Falkej Peschmannej přihrał. Wotrowčan hač k zakładnej liniji běžeše a bul z dobrym wóčkom na Alija Eldora wotpołoži, kotryž k 1:1 (13.) přetwori. Wot 39. min. pak hosćićeljo nawjedowachu. Po róžku bě wrotar Richard Brabandt bul na łatu prasnył. Ch. Cyž je spěšnje reagował a z hłowu 2:1 (39.) trjechił.
Započatk hry dospołnje zaspali
SJ Wołbramecy – ST Marijina hwězda 5:1 (3:0)
Zestawa hosći: D. Matik – R. Cyž, T. Jurš (83. E. Bulank), K. Pakoßnick, M. Wróbl (46. E. Zynda), A. Eldor (83. Fe. Langer), Fl. Bulank, J. P. Kuring (68. Luk. Hoge), Ch. Cyž, J. Pakoßnick J. Zelnak
Wuslědki (21.05.26)
Kopańca, wokrjesna liga, stafla 1
Wjazońca – HZ Huska/Hodźij 6:0 (2:0)
ST Marijina hwězda – Kumwałd 4:1 (2:1)
HZ Frankenthal – ST Porchow 1:2 (0:1)
Bretnig-Hauswalde – Kubšicy11:0 (4:0)
1. Bretnig-Hauswalde 22 108 : 12 64
2. ST Porchow 22 60 : 30 50
3. TSV Wjazońca 22 65 : 51 43
4. ST Wjelećin 22 59 : 49 40
5. ST Kubšicy 22 75 : 53 38
6. ZSZ Załom-Wopaka 22 44 : 47 34
7. ST Marijina hwězda 22 59 : 41 33
8. Arnsdorfske KT 22 67 : 51 32
9. TSV Połčnica II 22 41 : 54 31
10. SZ Steinigtwolmsdorf 22 51 : 59 24
11. HZ Huska/Hodźij 22 38 : 59 23
12. Motor Kumwałd 22 26 : 69 16
13. TSV Wjernarjecy 22 23 : 81 10
14. HZ Frankenthal 22 22 : 82 5
Napjaty bójhač do kónca
SJ Chrósćicy II – ST Wulka Dubrawa 0:1 (0:0)
Zestawa domjacych: Mark – J. Donat, Kola (6. Sćapan), T. Donat, M. Donat, Budar, Matik, Kř. Zahrodnik, M. Zahrodnik, Špitank (46. Jakubaš), Brühl
Na dalšu domjacu hru witaše druhe zastupnistwo SJ Chrósćicy mustwo z Wulkeje Dubrawy w sportowym centrumje w Chrósćicach.
Njebjelčenjo snadnje dobyli
SJ Njebjelčicy – ST 1911 Wulke Rědorjecy II 2:1 (2:1)
Zestawa SJ Njebjelčicy: Hahn – Wjerš, Hanuza, Plaettner (24. Wagner, 87. Reineke), Korjeńk, Hrjehor, Rudolf, Schulze, Bjeńš, Herrmann (59. Matješk), F. Domš (75. Lehmann)
Z trojimi wrotami w prěnjej štwórć hodźinje zahaji so zetkanje druheho přećiwo sedmemu wokrjesneje klasy. Njebjelčenjo snadne nawjedowanje hač do kónca zachowachuo.
Mustwo trenarja Daniela Pohlinga bě lěpje do hry startowało. Po špatnym prěnim pospyće Williama Plaettnera trjechi nadběhowar ze swojej druhej třělwu hry w 5. min. Po přihrawce Paula Hrjehorja do šěsnatki přesadźi so Plaettner přećiwo swojemu přećiwnemu hrajerjej a suny bul nimo wrotarja do róžka k 1:0 (7.). Hosćom, kiž hač dotal hišće wjele pokazali njeběchu, pak poradźi so něšto mjeńšinow pozdźišo 1:1 (11.). Po poprawom njestrašnej situaciji na kromje šěsnatki trjechi hrajer z Großröhrsdorfa artistisce. Třělwa zadyri do dołheho róžka. Překwapjeny wrotar Nico Hahn móžeše jenož hišće hladać, kak so sak wrotow zatřase. Krótko po tym padnychu hižo wospjetne wrota hosćićelow k 2:1 (15.).
Kurioznu hru zwjertnyli
SJ 1981 Chrósćicy – DJK Módro-Běli Kulow 3:2 (1:1)
Zestawa domjacych: Škoda – L. Zahrodnik, Rätze, Dźisławk, Mark, Handrik, G. Zahrodnik, Wićaz (61. Wornar), Bogusz (71. Šiman), Hawš, Bjeńš (91. M. Zahrodnik)
Něhdźe 150 přihladowarjow je sej njedźelu, 10. meje, hru mjez mustwomaj SJ 1981 Chrósćicy a DJK Módro-běłymi z Kulowa wobhladało. Widźeli běchu tam wot spočatka dosć wurunanu hru. Wobě mustwje pak měještej najprjedy wěste ćeže, so do přećiwniskeje šěsnatki dóstać. We 8. min. pak so Kulowčenjo derje přesadźichu. Flanku blisko Chróšćanskich wrotow spytaše zakitowar Benno Rätze z hłójčku wotwobarać, bul pak zleća při tym njezbožownje do swójskich wrotow. Wot zažneho zastatka pak so domjace mustwo zatrašić njeda a pokaza spěšnu reakciju.
