Widźał, słyšał, napisał (02.08.21)
Znowa je so horstka Serbow z Budyšina a wokoliny z kolesom do Južnych Alpow nastajiła, zo by tam kilometry po horje horje a zaso dele smaliła. Mjeztym je to hižo z tradiciju, zo jeno štyri abo pjeć dnjow intensiwnje kolesuja. Wčera su so z Dolomitow nawróćili, hdźež běchu sej přirodu na kole wotkryli.
Dale na serbske wsy. Kóždu póndźelu mjeztym młodźina tradiciju haji, zo so tohorunja na puć poda – a to na městnosć, hdźež je Satkula-bičtura. W času prózdnin je to stajnje póndźelu wječor tajke něšto kaž mały wjesny swjedźeń na serbskich bičwolejbulnišćach. Sta ludźi přichwataja sporta dla, ale tež na bjesadu. Dźensa, runje, hdyž tele linki čitaće, su młodźi a starši po puću do Radworja. Tam při sportnišću su samo ekstra druhe hrajnišćo spřihotowali, dokelž jedne mjeztym wjace za póndźelniše turněry njedosaha. To rjane poprawom je, zo wo ničo njeńdźe. A tola přijědźe telko serbskich młodych sportowcow, kotřiž maja lóšt so hibać.
Wuslědki (02.08.21)
Kopańca, regionalna liga muži
Kamjenica – Fürstenwalde 1:0 (1:0)
Berlinski AK – Borussia Berlin 2:0 (0:0)
Babelsberg – Lichtenberg 1:0 (0:0)
Tasmania Berlin – Hertha BSC II 1:1 (1:1)
Lok Lipsk – FC Carl Zeiss Jena 0:0 (0:0)
Halberstadt – Luckenwalde 0:5 (0:3)
Eilenburg – BFC Dynamo 0:2 (0:2)
Altglienicke – Auerbach 3:1 (0:1)
Meuselwitz – Chemija Lipsk 1:2 (1:2)
1. BFC Dynamo 3 8 : 2 9
2. Berlinski AK 3 6 : 1 9
3. FSV 63 Luckenwalde 3 7 : 1 7
4. VSG Altglienicke 3 6 : 3 7
5. Kamjeničanski FC 3 5 : 3 6
6. Germania Halberstadt 3 6 : 5 6
7. SV Babelsberg 3 3 : 3 6
8. SV Tasmania Berlin 3 4 : 2 5
9. Lok Lipsk 3 4 : 4 4
10. Hertha BSC II 3 2 : 5 4
11. ZFC Meuselwitz 2 1 : 1 3
12. Union Fürstenwalde 3 5 : 6 3
13. Tennis Borussia Berlin 3 4 : 6 3
14. FC Energija Choćebuz 2 2 : 3 1
15. BSG Chemija Lipsk 2 1 : 3 1
15. FC Carl Zeiss Jena 3 1 : 3 1
15. SV Lichtenberg 47 3 1 : 3 1
18. FC Eilenburg 3 1 : 4 1
18. Optik Rathenow 2 1 : 4 1
20. VfB Auerbach 3 4 : 10 0
Lěpje a snadnišo njemóžeš přěhrać
Tokio (kh/SN). Dmitrij Owčarow w njewěrjomnje napjatej hrě je finale w blidotenisu a z tym sensaciju zapasł. Němc podleža swětowemu mištrej a olympiskemu dobyćerjej Rio de Janeira Ma Longej z Chiny po sadźbach z 3:4. Zo bě to woprawdźe krimi, pokaza poslednja a rozsudna sadźba z wuslědkom 11:9. Z tym je Owčarow tež w 13. hrě Ma Longej podležał. Duel běše hra ze swětowym niwowom. Z tróšku wjace zbožom móhł němski blidotenist tež triumfować. Nětko ma wón hišće šansu na bronzu.
Šesty dźeń wubědźowanjow sydachu zaso wjacore medalje za Němsku. Tak je judoka Anna-Maria Wagner bronzu w klasy hač do 78 kilogramow dobyła. 25lětna přesadźi so w małym finalu přećiwo Kaliemje Antomarchi z Kuby. Kanusportowcy so jako hromadźerjo medaljow wopokazachu. Po Siderisu Tasiadisu (bronza) a Ricardźe Funk (złoto) doby Andrea Herzog w kanuslalomje z kanadierom bronzu. Najlěpši čas a złotu medalju docpě Jessica Fox z Awstralskeje.
Sport (30.07.21)
6. captainscup we Worklecach
Wolejbulisća Viktorije Worklecy přewjedu 31. julija a 1. awgusta stajnje wot 10 hodź. šesty bičwolejbulowy captainscup. Hrać budu we Worklecach na nowymaj bičwolejbulnišćomaj za sportowej halu. Nimo turněra na wyšim niwowje z hrajerjemi sakskeje klasy změja tam lětsa tež turněr za wólnočasne mustwa. Dokładne wupisanje a přizjewjenske modalnosće pod https://captainscup.de.
Testowe koparske hry
30.07. 19:00 Rakečanske ST –
Módro-běli Kulow
31.07. 12:00 Dynamo Drježdź. U 19 –
Budissa Budyšin
31.07. 14:00 Wojerowski FC –
Fortuna Trjebin
31.07. 17:00 SJ Chrósćicy –
Sokoł Ralbicy/Hórki
01.08. 14:30 ST Porchow –
Mały Wosyk/Pančicy II
01.08. 15:00 ST 1922 Radwor –
FSV Bretnig-Hauswalde
07.08. 15:00 ST 1922 Radwor –
TSV 1859 Wjernarjecy
Regionalna liga muži
W regionalnej lize Sewjerowuchod wuhraja třeći hrajny dźeń. FC Energija Choćebuz steji póndźelu pod prěnim mjeńšim ćišćom, hdyž nastupi w 19 hodź. w Choćebuzu Optik Rathenow. Wobě mustwje stejitej mjenujcy w pincy tabulki.
30.07. 19:00 Kamjeničanski FC –
Union Fürstenwalde
31.07. 13:00 Berlinski AK –
Tennis Borussia Berlin
31.07. 13:00 SV Babelsberg –
SV Lichtenberg 47
31.07. 13:00 SV Tasmania Berlin –
Hertha BSC II
31.07. 16:00 Lok Lipsk –
Donětka najwuspěšniši dźeń němskeho teama
Tokio (kh/SN). Němscy dresurowi jěcharjo su dale klasa za sebje. Dźeń po dobyću złoteje medalje z mustwom stej so Jessica von Bredow-Werndl a Isabell Werth we wubědźowanju jednotliwčow wo dalšu hwězdnu hodźinu na olympiadźe postarałoj. Bredow-Werndl doby swoju druhu złotu medalju na lětušich hrach před krajanku Werth. Třeća a tak na bronzowym městnje bě Charlotte Dujardin z Wulkeje Britaniskeje.
Prěnju němsku medalju w sportowej družinje judo zawěsći sej Eduard Trippel. Wón je drje finale přěhrał, ale so nad slěbrom njesměrnje wjeselił. Lasha Bekauri z Georgiskeje bě dobyćer. W rjedźe medaljow faluje na pjatym wubědźowanskim dnju jenož hišće bronzowa za Němsku. Wo nju postaraštaj so Patrick Hausding a Lars Rüdiger w synchronowym skakanju z třimeterskeje wěže. Za nošerja chorhoje Hausdinga běše to mjeztym třeća olympiska medalja. Tež płuwarka Sarah Köhler zahori z bronzu na 1 500 metrow w swobodnym stilu. Tak je Němskej prěnju olympisku medalju po 13 lětach zaručiła.
Přećiwnikej dobyće darili
BFC Dynamo –
FC Energija Choćebuz 2:1 (1:0)
Zestawa hosći: Stahl – Hofmann, Kauter, Hildebrandt, Borgmann, Eisenhuth (77. Kujović), Erlbeck, Putze, Kremer (64. Badu), Pronichev (90. Rahn), Engelhardt.
W jich tradicionalnym sportowym forumje je FC Energija koparjam BFC Dynama tónraz dobyće na tableće serwěrowała. Jenož w prěnim połčasu bě BFC lěpši hač hosćo z Choćebuza a docpě hižo w 13. min. nawjedowanje 1:0.
Po přestawce pak Delnjołužičenjo dominowachu. W 54. min. woni wurunachu a wot toho časa partiju postajachu. Dosahało je přiwšěm jeničce za jedne wrota z jich strony. Wulkošansy njemóžeštaj Max Kremer (64.) a Erik Engelhardt – pjeć metrow před wrotowej liniju swobodnje stejacy (67.) – wužić. K tomu dósta BFC w druhej mjeńšinje podlěšenja před wrotami hosći hišće raz wólny kop. Wrotar Toni Stahl pak njetrjebawši swój kašćik wopušći, a Andor Bolyki njeměješe žane ćeže, bul do prózdnych wrotow zhłójčkować. Tak lochko docpěchu koparjo z Berlina-Hohenschönhausena swoje druhe sezonowe dobyće.
Stacija bičtury we Worklecach była
Wuslědki (29.07.21)
2. hrajny dźeń w regionalnej lize sewjerowuchod
Rathenow – Lokomotiwa Lipsk 0:3
BFC Dynamo – Choćebuz 2:1
Luckenwalde – Eilenburg 1:0
Chemija Lipsk – Halberstadt 0:2
Hertha BSC II – Meuselwitz 1:0
Lichtenberg – Tasmania Berlin 1:1
Tabulka regionalneje ligi po druhim hrajnym dnju
1. Germania Halberstadt 2 6 : 0 6
2. BFC Dynamo 2 6 : 2 6
3. Berlinski AK 2 4 : 1 6
4. Tasmania Berlin 2 3 : 1 4
5. VSG Altglienicke 2 3 : 2 4
6. FSV 63 Luckenwalde 2 2 : 1 4
7. Kamjeničanski FC 2 4 : 3 3
8. Union Fürstenwalde 2 5 : 5 3
9. Lok Lipsk 2 4 : 4 3
9. Tennis Borussia Berlin 2 4 : 4 3
11. ZFC Meuselwitz 2 1 : 1 3
12. SV Babelsberg 2 2 : 3 3
13. Hertha BSC II 2 1 : 4 3
14. FC Energija Choćebuz 2 2 : 3 1
15. FC Eilenburg 2 1 : 2 1
15. SV Lichtenberg 47 2 1 : 2 1
17. BSG Chemija Lipsk 2 1 : 3 1
18. Optik Rathenow 2 1 : 4 1
19. FC Carl Zeiss Jena 2 1 : 3 0
20. VfB Auerbach 2 3 : 7 0
FC Energija Choćebuz do noweje hrajneje doby startowała
Po njerozsudnym 1:1 (0:1) přećiwo mustwu FSV 63 Luckenwalde je regionalny koparski ligist FC Energija Choćebuz minjenu sobotu z dypkom do noweje hrajneje doby startował. Do toho pak přewjedźe FCE hišće dwaj testaj, a to přećiwo SV Lichtenbergej 47 a cyłkej TSV Havelse.
Konkurenta přewinyli
SV Lichtenberg 47 –
FC Energija Choćebuz 1:3 (0:2)
Zestawa hosći: Stahl (72. Bethke) – Hofmann, Kauter (80. Rahn), Koch (80. Böhmert), Borgmann (80. Harz), Putze (46. Eisenhuth), Erlbeck (46. Mäder), Hildebrandt (80. Kujović), Hasse (46. Badu), Pronichev (46. Seaton), Kremer (46. Stark/66. Geisler).
Prěnjej złotej medali za Němsku
Tokio (kh/SN). Na třećim wubědźowanskim dnju olympiskich hrow w Tokiju je němske mustwo prěnjej złotej medali dobyło. Ricarda Funk wubědźi sej tajku w kanuslalomje před Maialen Chourraut ze Španiskeje. Třeće městno wobsadźi faworitka Jessica Fox z Awstralskeje. Dalše złoto za Němsku je samsny dźeń k tomu přišło. Konjaca sportowča Isabell Werth swjećeše z němskim dresurowym mustwom znowa olympiske dobyće. Zhromadnje z Dorothee Schneider a Jessicu von Bredow-Werndl je sej 52lětna Werth złoto w mustwowej dresurje suwerenje zawěsćiła. To bě jeje sedma złota medalja na olympiskich hrach. Mustwowe slěbro dźěše na USA, bronza na Wulku Britanisku.
