Před dźesać přihladowarjemi skónči so sobotu w Rakecach testowy ...
Choćebuženjo chcedźa optimalnu sezonu poskićić
Najbóle prašany muž FC Energije Choćebuz je tuchwilu trenar Sebastian Abt. Jeho započatk po wotchadźe trenarja Clausa-Dietera Wollitza njehodźi so runjewon jako idealny wopisować. Wšako nadźěłachu sej Choćebuscy koparjo w pjeć hrach pod nawodom noweho šefnazwučowarja jeničce šěsć dypkow. To woznamjenja spad na třeće městno w tabulce regionalneje ligi-sewjerowuchod.
Po korona-přestawce a ze startom srjedź awgusta měło wšitko lěpje běžeć ...
S. Abt: Wězo chcemy z našim nowym a młodym mustwom optimalnu sezonu hrać. To konkretnje rěka, zo chcemy prěnje městno wobsadźić a tak direktnje do třećeje ligi postupić.
Kak dyrbi so to poradźić, połojca mustwa je nowa?
S. Abt: Chcemy to najprjedy raz z młodymi kadlemi docpěć, kotřiž maja wjeselo na kopańcy. A potom tež z nowymi hrajerjemi, kiž chcedźa so z našim wašnjom hraća spřećelić. Te dyrbi hišće bóle dynamiske a intensiwniše być, porjadnje agresiwne z wulkej kreatiwitu w ofensiwje. Na tym nětko hač do starta hrajneje doby dźěłamy.
Hladaće jenož na nazhonitych koparjow, hdyž nowych hrajerjow angažujeće a na so wjazaće?
Widźał, słyšał, napisał (20.07.20)
Za wjetšinu sportowych družin njetrjebaš jenož wotpowědnu a kmanu drastu, ale tež wšelake wosebite nastroje. Bul za kopańcu je hišće poměrnje jednory artikl. Myslimy-li pak na drohe płachtaki abo awtomobile w formuli 1, da so hižo cyle hinaše dimensije wotwěraja. Njech je, kaž je: Atleća, kotřiž w jednotliwych sportowych družinach přećiwo sebi nastupja, činja to pod jenakimi wuměnjenjemi, znajmjeńša z techniskeho wida. Wosebje wjedro a dalše wonkowne wobstejnosće pak so wo to staraja, zo tele wuměnjenja woprawdźe stajnje wurunane njejsu. Za wuhotowanje nastrojow pak płaća krute postajenja, zo njeby ke „skepsanemu wubědźowanju“ dóšło, kaž so němsce praji: „Wettbewerbsverzerrung“. Tak waži na přikład kula w kulostorku za muži stajnje 7,25 kilogramow, za žony štyri kilogramy. A hlebija za muži je 800 gramow ćežka, za žony 600 gramow. Za sportowy nastroj hlebiju pak je hišće dalši techniski fakt wažny – jeje ćežišćowy dypk. Tón dyrbjachu před lětami jednoho dnja zasadnje změnić, dokelž njebě wěstota sportowcow a přihladowarjow hižo zaručena.
Wuslědki (20.07.20)
Tabulka koparskeho dorosta
E-juniorojo, wokrjesna klasa stafla B Južna Braniborska
1. Chemija Carny Gózd 8 53 : 15 21
2. FC Łuchow 8 39 : 9 21
3. FC Łuchow II 8 59 : 26 18
4. Złokomorowski FC 8 43 : 36 12
5. Brjazki/Zły Komorow III 8 45 : 20 10
6. Hóznja/Bukow/Tśikojce 8 25 : 31 10
7. Přezjednota Wótrań II 8 22 : 54 9
8. ST Germania Rólany 8 33 : 63 6
9. Chemija Carny Gózd II 8 13 : 78 0
Sport (17.07.20)
Dalši jěchanski turněr
Lětuši jěchanski turněr towarstwa Při Klóšterskej Wodźe w Hórkach chcedźa 5. a 6. septembra přewjesć. Tež tute zarjadowanje maja bjez přihladowarjow wotměć, dokelž dyrbi zarjadowar pandemije dla kruty koncept hygieny předpołožić a dodźeržeć. Koncentrować chcedźa so na wuhotowanje sakskich mišterstwow juniorow U 16 a U 21 w mnohostronskim jěchanju. Nimo toho su pruwowanja w dresurje a skakanju wupisane. Popołdniše jězdźenje ze zapřahami a dalše programowe dypki lětsa pobrachowaceho publikuma dla wupadnu.
Přećiwo regionalnemu ligistej
Srjedu, 22. julija, we 18.30 hodź. hraje w Nowym Měsće nad Sprjewju prěnje koparske mustwo FC Energije Choćebuz. Nowe mustwo z Noweho Města chce so přećiwo regionalnemu ligistej prawje droho předać. Za noweho šeftrenarja hosćićela Enrica Kuntku budźe to zdobom druhi test w přihotach na sezonu.
Koparske testowe hry
18.07. 15:00 Traktor Malešecy –
HZ Łaz/Běły Chołmc
18.07. 17:00 Sokoł Ralbicy/Hórki –
FSV Kemnitz
19.07. 14:00 LSV Nowe Město –
SV Eintracht Sermuth
25.07. 13:00 Budissa Budyšin –
Traktor Reinhardtsdorf
25.07. 15:00 LSV Nowe Město –
VfB 1921 Kśišow
25.07. 15:00 VfB Žitawa –
W šulskim centrumje streetball hrali
Nowe rjadowanja wokoło hrajnych dokumentow
Po wobzamknjenjach předsydstwa Sakskeho koparskeho zwjazka (SFV) ke koronapandemiji na regularnym zjězdźe su jeho zamołwići někotre pokiwy k nowosćam a wosebitostkam podali.
Specielne wupokazy wotpadnu
Wuslědki (16.07.20)
Tabulce koparskeho dorosta
D-juniorojo, wokrjesna klasa stafla D Južna Braniborska
1. HZ Raduš/Kśišow 11 92 : 17 2,73
2. Gójacske ST 10 110 : 15 2,70
3. Čerwjeno-běli Łukow 10 80 : 13 2,20
4. Módro-běli Lubolce 9 61 : 19 2,00
5. FSV Lutol/Gröditsch10 78 : 39 1,90
6. SV Wacker/TSG Lubin 10 38 : 71 1,20
7. Gójacske ST II 11 30 : 78 1,09
8. Gießmannsd./Gólišyn 10 30 : 88 0,60
9. SV Walddrehna 10 12 :102 0,3
10. Módro-běli Lubolce II 9 9 : 98 0,00
E-juniorojo, wokrjesna klasa stafla A Južna Braniborska
1. HZ Raduš/Kśišow 7 79 : 10 18
2. Čerwjeno-běli Łukow 7 72 : 12 18
3. Zeleno-běli Lubin 7 76 : 17 16
4. Zeleno-běli Lubin II 7 52 : 23 13
5. Čerwjeno-běli Łukow II 7 36 : 28 9
6. FSV Lutol/Groźišćo 7 25 : 47 6
7. ST 1885 Gólišyn 7 7 : 111 3
8. TSG Lubin 65 7 9 : 108 0
Wobě serbskej mustwje w jednej stafli
Dźens tydźenja je wokrjesny wolejbulowy wuběrk stafli za wobwodnu klasu žonow a muži wulosował. Pola žonow nastaštej slědowacej skupinje:
wobwodna klasa – stafla A
1 Ochranowske wolejfantki
2 Nysa Wolejs
3 TSG KW Hamor-Běła Woda
4 MSV Budyšin 04 II
5 CVJM Zhorjelc II
6 VV Žitawa 09 II
wobwodna klasa – stafla B
1 HZ Pančicy-Worklecy
2 VV Žitawa 09 II
3 ST Kupoj-Nowa Łuka
4 TSV Kundraćicy
5 Módro-běłe Wojerecy
6 Viktoria Worklecy
Wobě serbskej wolejbulowej mustwje stej do stafle B wulosowanej. Tež tamne cyłki jeju skupiny su z předchadźacych hrajnych dobow znate. Niwow je měšany, směmy tuž wćipni na přichodnu sezonu być. Tereza Wićazowa
Richter aktiwnu karjeru zakónčił
Po 16 lětach jako kopar mustwa LSV Hory zakónči Christoph Richter swoju aktiwnu karjeru, wostanje pak sportowemu towarstwu swěrny. Minjeny kónc tydźenja je wón zhromadnje z postupnym cyłkom z lěta 2009, z aktualnym mustwom a wšitkimi trenarjemi, kotřiž běchu w Richterowej karjerje skutkowali, wotchadničku swjećił.
Započał bě Christoph Richter w starobje šěsć lět z mjetańcu w towarstwje Lok Slepo. Po tym hraješe hač do 12. žiwjenskeho lěta kopańcu w mustwje LSV Bluń, hač do 17 lět za FSV Wojerecy a na to znowa za LSV Bluń. Jako 19lětneho ćehnješe jeho w lěću 2004 k cyłkej LSV Hory. Richter drje nětko z aktiwnej kopańcu přestanje, wostanje pak dale čłon sportoweho zjednoćenstwa. Tak chce so na přikład dale wo internetnu stronu mustwa, wo trawnik a twjerde hrajnišćo starać.
