Prěnje koparske mustwo Sportoweje jednotki Chrósćicy je sobotu ...
Widźał, słyšał, napisał (28.10.19)
Awtor dźensa
Tomaš Faska
Maš němske słowa, kotrež su w serbšćinje jenake a runje tak pisane. Wosebje w zwěrinstwje to husto mamy. Krokodil rěka tež w přełožku krokodil, tiger je tiger a salamander wězo salamander, byrnjež nam tu słownik tež přełožk wódna ješćelca poskićał. A runje tak je to pola pumy. Puma je tohorunja puma, hačrunjež sym tež hižo synonym hórski law nadešoł. A jemu so dźensa tu wěnuju, abo lěpje prajene jeho pomjenowanju, nic pumje jako zwěrjo. Nastork k tomu bě mi zaso raz historiski datum 27. winowca, ale 1974. W tym lěće wotmě so w Němskej swětowy pokal w kopańcy a zemrě w Herzogenaurachu blisko Nürnberga Rudolf Dassler. Potajkim nimale dokładnje před 45 lětami.
Mjeno Dassler mnohim zawěsće w prěnim wokomiku ničo njepraji. Dajće mi tuž dźensa skrótka njewšědnu stawizničku wo bratromaj powědać, kotrajž staj swětowe sportowe stawizny pilnje sobu pisałoj. A to, bjeztoho zo byštaj samaj wurjadnaj sportowcaj byłoj.
Sport (25.10.19)
Kolesować a běhać
Wubědźowanja w přezpólnym kolesowanju a crossowym běhu zarjaduje njedźelu, 27. oktobra, w Radworju kolesowarske towarstwo RSV Budyšin, a to zhromadnje z wobydlerjemi bydlenskeje štwórće Młynske chěže. Tam budźetej zdobom start a cil.
09:45 hodź. crossowy běh na 2,4 km za lětniki 2006 do 2009
10:00 hodź. crossowy běh na 1,2 km za lětniki 2010 a młódše
10:30 hodź. přezpólne kolesowanje,
šulerjo U15
11:15 hodź. přezpólne kolesowanje,
šulerjo U17
11:17 hodź. přezpólne kolesowanje,
žony a juniorki
12:00 hodź. přezpólne kolesowanje,
juniorojo U19
12:02 hodź. přezpólne kolesowanje,
master-klasa
13:00 hodź. přezpólne kolesowanje,
elite-klasa
14:05 hodź. přezpólne kolesowanje,
hobby-klasa wot 16 lět
Prěni Hornjołužiski trail
ST Huska wuhotuje 2. nowembra prěnje Hornjołužiske trailowe wubědźowanje. Start a cil wobeju distancow budźetej při sportowej hali w Husce. Hižo 7 hodź. započnje so wulke běhanske wurisanje na distancy 48 km z 1 330 wysokostnymi metrami. Tři hodźiny pozdźišo startuja „Mały Hornjołužičanski běh“ na 16 km ze 400 wysokostnymi metrami. Dalše informacije pod www.oberlausitztrail.de
Kónctydźenska kopańca
Tež třeći derby přěhrali
Tabulka wokrjesneje ligi, stafle 2
1. ST Hlinowc 9 34 : 13 22
2. FSV Łuty 9 37 : 23 22
3. HZ Łaz/Běły Chołmc 8 26 : 9 21
4. Traktor Malešecy 9 29 : 15 17
5. HZ Lubuš/Bluń 8 22 : 11 16
6. HZ Wojerowski FC II 8 18 : 15 13
7. ST Radwor 9 14 : 15 13
8. SJ Chrósćicy II 8 18 : 20 13
9. HZ Hórnikečanski jězor 8 26 : 22 11
10. SJ Njebjelčicy 9 17 : 15 10
11. SZ Wóslink/Skaskow 9 16 : 18 10
12. ST Wulka Dubrawa 8 14 : 17 9
13. Módro-běli Minakał 9 25 : 31 6
14. SV Haselbachtal 9 17 : 29 6
15. ST Nadrózna Hrabowka 9 13 : 34 4
16. HZ Rakecy II/Šćeńca 9 7 : 46 1
ST 1922 Radwor
– SJ Chrósćicy II 1:2 (1:2)
Zestawa domjacych: Grenzemann – Bauer (83. Hettasch), Nuk, Kral (72. Buša), Wjeńka, Rachela, Měrćink, Wjacławk, Glücklich, Schulze, Reineke (72. Pječak)
zestawa hosći: B. Klimant – M. Donat, Kl. Mark, Ki. Mark, Wowčer, Šiman, Liznar (90. M. Cyž), Jakubaš (85. T. Klimant), J. Donat, Domaška, Šołta (80. Handrik)
Wubranka w Čěskej hrała
Prěni raz w sportowych stawiznach Serbow je wčera Serbska dorostowa koparska wubranka we wukraju hrała, a to w čěskich Kyrkonošach pola sportoweho kluba SK Janské Lázně.
Na koparskim turněrje wobdźělichu so domoródne mustwo z čěskeho kuroweho městačka Janskich Láznjow a dwaj měšanej cyłkaj młodźiny E a młodźiny D Serbskeho Sokoła. Duel Serbja přećiwo Serbam skónči so njerozsudnje 2:2, prěnja partija Serbja přećiwo Čecham 1:0 a druha Serbja – Češa 2:2.
Jako kapitanaj staj serbskej wubrance Damian Jurk z Hórkow a Pius Cyž z Njebjelčic na hrajnišćo wjedłoj, najlěpšej třělcaj běštaj Cyžec bratraj Pius a Kilian. Wonaj staj wobaj trójce trjechiłoj.
To wosebite na čěskim mustwje bě, zo hrajachu w nim holcy a hólcy w starobje sydom do 15 lět, dokelž maja tam w kóždej starobnej klasy jenož dweju abo třoch koparjow.
Dźensa je so skupina serbskich koparkow a koparjow ze štyridnjowskeho lěhwa w Janskich Láznjach zaso nawróćiła. Matej Wjeńka
Napjata hra z furioznym wukóncom
ST Marijina hwězda
– Natwar Němske Pazlicy 3:2 (1:1)
Zestawa domjacych: Hejduška – R. Cyž, Rab, Bělk, Hawš, Wróbl, Ch. Cyž, Jurš (60. Peschmann), Šołta, Eldor (80. Winkler), Pjetaš (80. Lipič)
Při najrjeńšim nazymskim wjedrje witachu koparjo ST Marijineje hwězdy kermušnu njedźelu susodow z Němskich Pazlic. Dokelž je Pančičanski šeftrenar Erwin Kleinmann tuchwilu na dowolu, přewza kotrenar Bodo Pjetaš jeho zastojnstwo. Hry mjez woběmaj cyłkomaj běchu w zańdźenosći přeco jara napjate, tak tež tónkróć. Hač do 88. min. hosćo mjenujcy hišće z 2:1 nawjedowachu, wólnej kopaj w kónčnej fazy pak rozsudźištej derby za domjacych.
Dosć derje do sezony startowali
Motor hišće prawje njeběži
Sokoł Ralbicy/Hórki – Drohotka Ramnow 1:4 (0:1)
Zestawa domjacych: Schöne – Schultz, Wałda, Bjeńš, Materna (85. Lešawa), Rawš, Gloxyn, M. Matka (42. K. Matka), Šiman, G. Kurjat (69. M. Kurjat), Domaška
Koparjo Sokoła Ralbicy/Hórki hromadźa w tej sezonje radšo wonka dypki, doma wšak wočakuja w prěnjej połseriji stajnje najsylnišich cyłki tuteje ligi. Kulowej běchu 1:2 podleželi, 2:2 hrajachu přećiwo Hornjemu krajej nad Sprjewju, a nětko dóstachu sej njedźelu wot Drohotki Ramnow samo z 1:4 na měcu.
Wot spočatka Ramnowčenjo pokazachu, zo słušeja lětsa k wulkim faworitam na mišterstwo. W Ralbičanskej połojcy woni přeco z dwěmaj mužomaj atakowachu a sej tak spěšnje zaso bul wudobywachu. Po tym kombinowachu so wutrajnje na wrota Willija Schöny. Po jeho zmylku w 15. min. steješe tež hižo 0:1. Flanku Schöne prawje njezapřimny, a wotplacnjeny bul stłóči hóstny nadběhowar jenož hišće přez liniju. Z wulkotnymaj refleksomaj zadźěwa Ralbičanski wrotar na to hnydom dwójce wjetšemu zastatkej. Sokoljo mějachu jenož jeničku prawu móžnosć. Po róžku zhłójčkowa Bosćij Bjeńš bul na łatu. Z 0:1 dźěchu hosćićeljo do kabiny.
Druhe mustwo Pančičanskich a Worklečanskich wolejbulistkow w pokalu ...
Druhe zastupnistwo wolejbulistkow Hrajneho zjednoćenstwa Pančicy-Worklecy bě swoju sezonu z pokalnej hru zahajiło. Wužadanje bě wulke, wšako hrajne zjednoćenstwo hakle wot minjeneje sezony wobsteji. Nětko po dźělenju (SN wo tym rozprawjachu) mějachu so hrajerki druheho zastupnistwa za nowu sezonu w nowowutworjenym mustwje w krótkim času znowa namakać. Druhe zastupnistwo hraješe tuž prěni raz w tej konstelaciji.
HZ Pančicy-Worklecy II
– Nysa Wolejs II 2:0 (25:10, 25:6)
Hač do poslednjeho wojowali
SG Weixdorf
– SJ Chrósćicy 3:3 (2:1)
Zestawa hosći: Králíček – L. Zahrodnik (46. Špitank), F. Cyž, Sentivan, B. Cyž, M. Zahrodnik, G. Zahrodnik, Zynda, Püschel (63. Matješk), Bogusz, Žur
Po třoch dypkach w derbyju přećiwo Rakečanskemu ST chcychu Chróšćanscy koparjo we Weixdorfje znowa dypkować. Na kumštnym trawniku žadaše sej trenar Pavel Runt wot swojich chowancow wěstu defensiwu. Start do hry wupadaše dobry, w 27. min. hosćo nawjedowachu. Po flance Luciana Zahrodnika wotwobara Weixdorfski hrajer třělwu Simona Žura z ruku. Jědnatku rutinjej Miroslav Sentivan wěsće přetwori. Nadobo množachu so njewěstosće w srjedźnym polu a zmylki w Chróšćanskej defensiwje. Tak steješe w 30. min. po wólnym kopje domjacy hrajer samlutki w šěsnatce a z hłójčku wuruna. Wrotar Petr Králíček so bula hišće dótkny, njezamó pak třělwu porjadnje wotwobarać. Přihrawki hosći běchu husto předołhe, a tak w ofensiwje mało móžnosćow wuskoči. Byrnjež tež hosćićel přewjele składnosćow njeměł, wón tajke bjez smilnosće wužiwaše. Tak nawjedowaše we 38. min. po konteru 2:1.
