Wjele šansow wuwostajili
Vfl Pirna-Copitz 07
– FSV Budissa Budyšin 1:0 (1:0)
Prěnju poražku sezony je krajny koparski ligist Budissa Budyšin w Pirnje poćerpjeł. Ze zbožownym dobyćom pak zawěsći sej hosćićel tři dypki, Budissa wuhibki hižo w prěnim połčasu jasnje na dobyće stajiła.
Prěnje 20 mjeńšin hrajachu jenož hosćo a njepřewostajichu domjacemu cyłkej wjele móžnosćow. Pirna dyrbješe so nimale jenož na dźěło w škiće koncentrować. Z toho nastachu šansy za Budyšanow, kotrež pak njemóžachu wužić, a to hižo wospjet w hišće młodej hrajnej dobje. Tři tajke wuwostajene składnosće tu raz mjenuju: Philipp Mühlmann (7.), Julien Hentsch (10.), Tom Hagemann (16.). To je so wjećiło. Po róžku za VfL dóńdźe k njepřewidnej situaciji w šěsnatce Budissy. Hosćićelskemu hrajerjej skoči bul před noze, a nadobo steješe 1:0 (29). Bě drje hišće chwile dosć mjezywuslědk korigować, Budissa pak bě hrajnu nitku zhubiła a přewostaji hru přećiwnikej.
Wuslědki (12.09.19)
Kopańca, wokrjesna wyša liga
1. Módro-běli Kulow 4 9 : 4 10
2. ST Horni kraj-Sprjewja 4 15 : 7 9
3. Sokoł Ralbicy/Hórki 4 13 : 5 9
4. Drohotka Ramnow 4 13 : 6 9
5. Póst Germania Budyšin 4 13 : 9 9
6. LSV Hory 4 10 : 9 9
7. Natwar Němske Pazlicy 4 8 : 7 6
8. ST Hnašecy-Dobruša 4 9 : 12 6
9. TSV Połčnica 4 11 : 19 6
10. ST Marijina hwězda 4 7 : 8 5
11. TSV Wachau 4 9 : 7 4
12. Wojerowski FC 4 10 : 11 4
13. SG Großnaundorf 4 7 : 9 3
14. ST Kinspork/Łužnica 4 3 : 6 2
15. Motor Kumwałd 4 5 : 12 1
16. ST Porchow 4 1 : 12 0
wokrjesna liga, stafla 1
1. Biskopičanske KT II 3 12 : 2 9
2. Zeleno-běli Bukecy 4 13 : 5 9
3. FV Ottendorf-Okrilla 4 16 : 9 9
4. HZ Huska/Hodźij 4 13 : 5 7
5. SC Großröhrsdorf II 2 10 : 2 6
6. TSV Wjazońca 4 9 : 4 6
7. ST Kubšicy 4 10 : 9 6
8. TSV Wjernarjecy 3 5 : 9 6
9. ST Budyšin 4 3 : 9 6
10. ST Wjelećin 4 13 : 14 4
11. Arnsdorfske KT 3 4 : 5 4
12. Bretnig-Hauswalde 4 5 : 7 3
13. SV Frankenthal 4 6 : 12 3
14. Lomnitz-Großnaund. II 4 4 : 17 3
15. Germania Budyšin II 2 1 : 7 0
16.Horni kraj/Hnašecy-D. II 3 2 : 10 0
wokrjesny pokal
Bukecy/Bart II – Bretnig-Hausw.1:4 (0:2)
Liegau-Augustusbad – ST Budyšin 2:6 (0:2)
Arnsdorf II – Marijina hwězda 0:1 (0:1)
Bart – Wjelećin1:3 (1:0)
Kulow II – Haselbachtal 7:3 (3:2)
Mały Wosyk – Radwor2:8 (1:5)
Łaz/Běły Chołmc II – Biskopicy II 3:0 (2:0)
Germ. Biskopicy/Biskopičanske KT III – Bukecy0:5 (0:3)
Njeswačidło – Großröhrsdorf II 1:7 (1:1)
Budyšink/Minak. II – Lubuš/Bluń 0:4 (0:2)
Połčnica II – Wulka Dubrawa 1:2 (1:0)
Wachau II – Nadrózna Hrabowka 3:2 (1:1)
Mały Wjelkow – Kubšicy 2:3 (0:2)
Drjewnica – Großnaundorf 1:5 (0:0)
Faworit so suwerenje přesadźił
SC Mały Wosyk
– ST 1922 Radwor 2:8 (1:5)
Hižo wjacore lěta njeběchu so koparjo Radworskeho ST 1922 wjace na wokrjesnym pokalnym kole wobdźělili. Lětsa pak je wšitko hinak. Wjednistwo je mustwo za pokal přizjewiło a młode mustwo startowaše hnydom z wysokim dobyćom.
Furiozny start dobyće zaručił
SJ Chrósćicy II
– Motor Kumwałd 5:2 (3:2)
Zestawa domjacych: Klimant – M. Donat, F. Cyž, Šiman, Wowčer, L. Zahrodnik (66. Mark), Bětnar, G. Zahrodnik, J. Donat (71. Zynda), Domaška, Liznar (75. M. Cyž)
W prěnim wokrjesnym pokalnym kole pohosći koparska rezerwa Chróšćanskeje SJ mustwo Motora Kumwałd (Cunewalde). Wone hraje ligu wyše a bě tuž, znajmjeńša na papjerje, lochce faworizowane.
Raz hinak „so wuchodźowali“
W Hózku wotmě so předwčerawšim, njedźelu, 4. blackbird-run. Přełožene rěka to telko kaž „běh čornych ptačkow“, štož je na kóncu tež woprawdźe na kóždeho přitrjechiło. Wjace hač 400 wobdźělnikow bě sej do małeje wsy blisko Kulowa dojěło, zo bychu cyle dobrowólnje po błóće łazyli, wšelake zadźěwki přewinyli, w lódzymnej wodźe płuwali a při tym hišće wjeselo měli.
Měšćanski běh perfektnje zwoprawdźeny
Na 26. měšćanskim běhu w Budyšinje wobdźěli so minjenu sobotu na wšěch wubědźowanskich distancach wot 1,2 do 10 km cyłkownje 1 853 běharkow a běharjow. To je nimale dwěsćě wjace hač na lońšim 25. jubilejnym běhu.
Na distancomaj 1,2 a 2,0 km je so tež zaso tójšto sportowcow Serbskeje zakładneje šule Budyšin (SZŠB) a Serbskeje wyšeje šule Budyšin (SWŠB) sobu wubědźowało. Najwuspěšniši bě w swojej starobnej skupinje U 10 – 1,2 km – Jarek Schade (SZŠB), kiž wobsadźi prěnje městno w 4:29 min.
Z wobeju Budyskeju serbskeju šulow steješe na lisćinje wuslědkow wjace hač 40 mjenow šulerjow a šulerkow. Nimo toho wobdźělichu so někotři atleća ze šulskich kubłanišćow za swoje sportowe zjednoćenstwo, w kotrymž trenuja a so tež wubědźuja. Tak startowaštaj šulerjej Radworskeje šule, Bejmakec bratraj Caspar Dominik a Julian, za ST 1922 Radwor na distancy 1,2 km.
Faworit pokalnu hru jasnje dobył
Viktoria Worklecy
– VV Žitawa 09 II 2:0 (25:15, 25:11)
Sobotu tydźenja běchu wolejbulisća prěnjeho mustwa muži Viktorije Worklecy na kwasu swojeho přistajerja Marcela Rjelki (hlej foto) pomhali, swjećili a mějachu wjele wjesela. Sydom dnjow pozdźišo pak steješe prěnja winowatostna hra sezony na planje, a to we wobwodnym pokalu.
Pokalne hry su wšitkim mustwam witana móžnosć, pod wubědźowanskimi wuměnjenjemi testować a swoje aktualne kmanosće posudźować. Za Viktoriju běše to wosebje wažne, dokelž maja w swojich rjadach někotrych nowačkow. Bohužel bě MSV Budyšin II pobrachowacych hrajerjow dla krótkodobnje wotprajił, tak zo dyrbješe dwubój mjez Worklecami a Žitawu wo kwalifikaciju za kónčne pokalne koło w decembrje rozsudźić. Budyšenjo pak starachu so znajmjeńša wo dweju sudnikow. A tak móžachu hru dypkownje zahwizdać.
Doma z optimalnym wudobytkom
SJ Chrósćicy II
– HZ Hórnikecy/Ćisk II 1:0 (0:0)
Zestawa domjacych: Dórnik – M. Donat, F. Cyž, Šiman, Mark, Handrik (81. J. Donat), Domaška, Matješk, Mohaupt, Liznar, M. Cyž
Po hórkej poražce w serbskim derbyju w Njebjelčicach wočakowaše koparska rezerwa Chróšćanskeje SJ Hrajne zjednoćenstwo Hórnikecy/Ćisk II.
Wonka prěnje dobyće žnjeli
Optik Rathenow
– FC Energija Choćebuz 1:4 (1:1)
Zestawa hosći: Moser – Borgmann, Zickert, Koch, Hoppe, Eisenhuth, Erlbeck, Broschinski, Brügmann (86. Beyazit), Taz (88. F. Geisler/89. N. Geisler), Rangelow
Na 7. hrajnym dnju regionalneje koparskeje ligi sewjerowuchod poradźi so FC Energiji Choćebuz, zestupnikej z třećeje ligi Němskeje, prěnje wonkowne dobyće a je tak přeposlednjeho tabulki ze 4:1 na distancu dźeržał. Hosćo z Delnjeje Łužicy pokazachu nimale cyły čas swoju dominancu a mějachu tójšto móžnosćow. Wo nawjedowanje drje postarachu so domjacy po konteru (17.), přichodna akcija před tamnymi wrotami pak wjedźeše hižo k 1:1 (18.) přez Felixa Brügmanna. Za njeho běchu to zdobom pjate wrota aktualneje hrajneje doby.
Tež po přestawce hraješe nimale jenož FC Energija. Dimitar Rangelow třěli 1:2 (60.) a 1:3 (73.), doniž njepostara so Abdulkadir Beyazit wo kónčne 1:4 (87.). Přewulke wjeselo pak w rjadach hosći njenasta, dokelž bě sej Felix Geisler jenož mjeńšinu, po tym zo bu zaměnjeny, křižny pask w prawym kolenje torhnył. Tak najprjedy raz šěsć měsacow wupadnje.
FC Energija Choćebuz
– VfB Auerbach 1:4 (1:2)
