Weidlich Energiji pokal zawěsćił

Mittwoch, 23. Mai 2018 geschrieben von:

ST Babelsberg 03

– FC Energija Choćebuz 0:1 (0:0)

Zestawa hosći: Spahić – Starcew, Stein, Matuwila, Schlüter, Gehrmann, Zickert, Siebeck (90. Viteritti), Marcelo, Geisler (68. Weidlich), Scheidhauer (77. Mamba)

Prěnju z třoch kónčnych hrow tydźenja je FC Energija Choćebuz snadnje, za to­ pak zasłužbnje dobyła. Z 1:0 přesadźichu so koparjo FCE pola stafloweho konkurenta Babelsberg 03. Hosćo hru přez dołhe fazy dominowachu, a to ze startowym mustwom. Trenar Claus-Dieter Wol­litz wzda so srjedźopólnych motorow Fabija Viterittija a Maximiliana Zimmera, tež třělc złotych wrotow Kevin Weidlich bu hakle we 68. min. na hrajnišćo pósłany. Přeměnjena formacija pak pokaza, zo ma FCE wjele dobrych a jara dobrych akterow w swojich rjadach.

Swójski turněr dobyli

Mittwoch, 23. Mai 2018 geschrieben von:

38. koparske wubědźowanje wjesnych cyłkow w Pěskecach

Po póndźelnej putniskej Božej mši w Róžeńće je Fabian Korjeńk ze starosćiwym hłosom a chutnym mjezwočom hišće sudnikow za 38. swjatkowny koparski turněr wjesnych mustwow pytał, póndźelu wječor pak radowaše so Pěskečan z pozběhnjenej hłowu a wjesołym mjezwočom z wjesnjanami nad dobyćom a dosahacej ličbu refereejow. W finalu přesadźi so domjacy cyłk 3:2 po třělenju jědnatkow přećiwo Serbskopazličanam, kotřiž běchu sej loni pokal zawěsćili. Rozsud­nu jědnatku přetwori turněrowy nawoda Fabian Korjeńk sam.

Kaž hižo wjacore lěta do toho bě znowa wosom wjesnych mustwow w Pě­ske­čanskim lěsnym stadionje k „Dźiwjej rancy“, kaž ju stadionowy rěčnik Jurij Matka-senior rady mjenuje, nastupiło. Zarjadowar a wuhotowar bě wospjet wjesne sportowe towarstwo ze swojim předsydu Křesćanom Mjechelu. Hižo w skupinskej fazy dyrbjachu sej cyłki wulku prócu dawać, wšako smědźeštej jenož staflowej dobyćerjej do finala zaćahnyć. To poradźi so zastupnistwomaj z Pěskec a Serbskich Pazlic.

Skónčnje zaso wuspěch žněja

Mittwoch, 23. Mai 2018 geschrieben von:

Zeleno-běli Sepicy

– SJ Chrósćicy II 2:7 (0:5)

Zestawa hosći: Matješk – A. Dórnik, Dehn, Mark, F. Dórnik, Šołta (78. Pjetaš), Bětnar, Domaška, Wowčer (72. Mohaupt), Liznar (64. Donat), Šmit

Přećiwnik přesylny był

Dienstag, 22. Mai 2018 geschrieben von:

SC Großröhrsdorf

– Sokoł Ralbicy/Hórki 2:0 (1:0)

Zestawa hosći: Ch. Gloxyn – Rawš, Zynda, Šewc, K. Matka, M. Matka, D. Gloxyn, Kurjat, Domaška, Jakubaš (55. Krohmer), Bjeńš

Jónu so kóžda serija torhnje. Tak tež za koparjow Sokoła Ralbicy/Hórki, kotřiž běchu we wokrjesnym pokalu 15 hrow pospochi bjez poražki. Pola načolnika wo­krjesneje wyšeje ligi w Großröhrsdorf­je wisachu płody přewysoko. Hižo před­znamjenja na hru njeběchu optimalne. Wjacori Sokoljo pobrachowachu, a zestawa so nimale sama wutwori. Z kompaktneje defensiwy chcychu hosćo startować a strašnje nadběhi po dobytym bulu natwarjeć. To wšak so jim njeporadźi, dokelž Großröhrsdorf hižo zahe nawjedowaše. W 7. min. bě so do Ralbičanskeje šěsnatki kombinował, a rutinjej Fabian Senf třěli nawjedowanje. Hakle poněčim namakachu Sokoljo hrajnu nitku a Pětrej Domašce skićeše so šansa na wurunanje. Wón pak zwrěšći na wrotarju.

38. koparski turněr wjesnych mustwow swjatki póndźelu w Pěskecach je hosćićelski cyłk po třělenju jědnatkow přećiwo Serbskopazličanam 3:2 dobył. Rozsudnu jědnatku přetwori turněrowy nawoda Fabian Korjeńk (klečo druhi wotlěwa). Hru wo třeće městno dobychu Róžeńčenjo 1:0 přećiwo Njebjelčanam. Wjace wo turněrje w jutřišim wudaću SN. Foto: Kilian Hrjehor

Prěni raz pokalni dobyćerjo

Dienstag, 22. Mai 2018 geschrieben von:

Wólnočasni wolejbulisća ST 1922 Ra­dworja su dźewjaty turněr wo pokal spěchowanskeho towarstwa Serbskeho gymnazija Budyšin (SGB) w sportowni tamnišeho Serbskeho šulskeho a zetkawanskeho centruma mjez pjeć startowacymi cyłkami dobyli.

Předposlednja stacija turněrow serije „top-šěsć“ při wysokim saku skónči so minjenu srjedu w Budyšinje z njewo­čakowanym wuspěchom najmłódšeho mu­­stwa. Wólnočasni wolejbulisća ST 1922 Radwor startowachu do wubědźowanja wo pokal spěchowanskeho towarstwa Serbskeho gymnazija z třomi do­byćemi a podležachu w poslednjej hrě z 14:19 pozdźišemu druhemu, abiturnemu lětnikej 1996. Tući dobychu tež tři partije, dyrbjachu pak so ze snadnej poražku 19:20 wučerjam SGB kłonić. Tak bě trjeba wšitke wuhrate dypki za kónčne zaměstnjenje wuličić. Tónraz juskachu Radworčenjo, dokelž běchu 19 plusdypkow wjac.

Awtor dźensa Ludwig Zahrodnik

Wo postupje resp. ze­stupje je mjeztym w nimale wšitkich koparskich ligach a klasach rozsudźene. Wjeselo mištrow a postupnikow bě wšudźe wulke, nic jenož w Mnichowje, ale na při­kład tež w Nürnbergu, Magdeburgu a Biskopicach. Někotre mustwa su so­ takrjec w poslednjej mjeńšinje před zestupom wuchowali kaž Dynamo Drježdźany abo Budissa Budyšin. Zestupnicy pak běchu­ husto hłuboko zraženi a zrudni. W prěnjej zwjazkowej lize je to tónraz na tradicije bohatej klubaj trjechiło: 1. FC Köln a Hamburgski SV.

Haj, kopańca je dźensa brutalny gšeft. Jenož, štóž wot swojeho ćěła wobstajnje maksimalny wukon wužaduje, ma šansu na dlěšodobny wuspěch. Njemyslu tu jeno­ž na nadarjenych hrajerjow, kotřiž su přez­ ćežke zranjenja, často přez bru­talne foule zawinowane, w swojej karjerje wohroženi. Myslu pak runje tak na pady, hdźež su so wulkotni koparjo ćělneho přenapinanja dla na trawniku zwjezli a ze­mrěli.

Wuslědki (22.05.18)

Dienstag, 22. Mai 2018 geschrieben von:

Kopańca, NOFV-wyša liga

Sandersdorf – Intern. Lipsk 2:0 (1:0)

SCHOTT Jena – Halle3:2 (3:1)

Rudolstadt – Biskopicy 1:3 (0:1)

Carl Zeiss Jena II – Bernburg 3:2 (3:0)

Kśišow – Eilenburg3:2 (1:2)

Barleben – Plauen4:4 (3:1)

1. Biskopičanske KT 28 66 : 14 70

2. FC International Lipsk 28 57 : 21 58

3. FC Carl Zeiss Jena II 28 60 : 34 56

4. VFC Plauen 28 45 : 51 49

5. FC Eilenburg 28 47 : 31 46

6. TV Askania Bernburg 28 57 : 35 44

7. FC Einheit Rudolstadt 28 51 : 39 43

8. VfL 96 Halle 28 26 : 35 36

9. VfB 1921 Kśišow 28 52 : 60 35

10. BSG Wismut Gera 28 38 : 47 34

11. SG Union Sandersdorf 28 48 : 48 33

12. SV SCHOTT Jena 28 29 : 53 33

13. 1. FC Lok Stendal 27 28 : 48 29

14. FSV Barleben 28 31 : 52 29

15. Jednota Kamjenc 28 21 : 49 19

16. SV Merseburg 99 27 28 : 67 12

Sport (18.05.18)

Freitag, 18. Mai 2018 geschrieben von:

Jubilejne běhi wokoło jězora

Hamor (JN/SN). Dźesaty króć budu so sportowcy swjatki njedźelu wokoło Bjerwałdskeho jězora wubědźować. Po dotal zwučenym wašnju a modusu wubědźuja so šulerjo a šulerki pod 8 lětami na 0,8 km. Start budźe w 9 hodź.. Na 3 km startuja šulerjo pod 10 a 12 lětami w 9:20 hodź. a na 5 km starši šulerjo a młodostni wot 14 hač pod 18 lětami w 10:25 hodź. Za čaru 10 km su so młodostni nad 18 lětami a dorosćeni wšitkich starob­nych klasow (sk) hač wyše 80 lět za­pi­sali. Woni so w 10:15 hodź. na puć na­staja. Na 21,1 km (połmarathon) startuja wosebje wutrajnostni atleća wot sk 20 hač do sk 60 w 10 hodź.

Ludosportowy dźeń

Natwar Němske Pazlicy přeproša zajimcow na nětko hižo 33. ludosportowu njedźelu, kotruž přewjedźe 20. meje w tamnišim sportowym centrumje. Wot 10 hodź. hraje tam 16 koparskich a wosom wolejbulowych mustwow.

Na swjatkownu kopańcu

Pola načolnika přěhrali

Donnerstag, 17. Mai 2018 geschrieben von:

Tabulka wokrjesneje wyšeje ligi

1. SC Großröhrsdorf 26 55 : 16 60

2. Rakečanske ST 25 65 : 39 50

3. Motor Kumwałd 26 55 : 33 44

4. Wojerowski FC 26 50 : 31 44

5. Póst Germ. Budyšin 26 55 : 38 41

6. Módro-běli Kulow 26 52 : 27 40

7. Drohotka Ramnow 26 52 : 55 39

8. LSV Hory 26 60 : 56 38

9. Sokoł Ralbicy/Hórki 26 40 : 42 37

10. SG Großnaundorf 26 47 : 47 35

11. ST Wjelećin 25 52 : 74 30

12. ST Hnašecy-Dobruša 26 50 : 59 29

13. ST 1922 Radwor 26 49 : 59 28

14. ST Kinspork/Łužnica 26 51 : 53 27

15. Zeleno-běli Bukecy 26 31 : 78 19

16. ST Budyšin 26 32 : 89 13


SC 1911 Großröhrsdorf

– ST 1922 Radwor 3:1 (2:1)

Zestawa hosći: Ch. Šěrak – Bejmak, F. Šěrak, Mark, Zähr, Nuk, Zimmermann, Henka, Bauer (61. Rachel), Schulze, Glück­lich (46. Hettasch)

W Großröhrsdorfje dyrbjachu so minjenu sobotu Ra­dworscy koparjo z na­čolnikom wokrjesneje wyšeje ligi měrić. Wonkowne wuměnjenja běchu opti­malne. Fanojo smědźachu so potajkim na spodobnu hru wjeselić.

Neuheiten LND