Podłu Łobja kolesował
Po tym zo běch tu w młodźinskim wudaću SN wo swojej kolesowanskej turje po Krabatowym puću rozprawjał, předewzach sej znowa wulět z kołom. Tónraz ćehnješe mje spočatk julija do stolicy Sakskeje.
Z ćahom podach so rano zahe z Kamjenca do Drježdźan, hdźež započach hnydom do pedalow teptać. Hižo njedaloko dwórnišća zapołožich prěnju małku přestawku. Wobhladach sej starodawny Heinza Steyerowy stadion, arenu Drježdźanskich lodowych lawow kaž tež Waltera Fritzschowu akademiju, nowy treningowy centrum Dynama Drježdźany. Dale wjedźeše mje tura nimo Semperoweje opery, Zwingera, Dwórskeje cyrkwje a cyrkwje Našeje knjenje k přewozej Johannstadt.
T hailandska drje njesteješe na našim spočatnym planje, najebać ...
Fota: Fabian Bejma Z ćěšenkom po Aziji (4/4)
Fabian Bejma, pochadźacy
z Ralbic, bydli dźensa ze swojej žonu a synkom Barnabasom
w Drježdźanach. Wot nowembra 2019 do februara 2020 pak njebě
w domiznje docpějomny, ale je
z mandźelskej a dźěsćom po Aziji pućował. Wo přebytku w Indiskej, Malajziji a Indoneskej Fabian hižo rozprawješe. W poslednim dźělu powěda wam wo Thailandskej a Singapurje.
Na Hórnika spominali
Šulske lěto swjatočnje zahajili
1. lětnik
Wóslinčanskeje zakładneje šule
foto: Daniela Jawinski
Trochu spodźiwna situacija wšak bě, jako kročach minjenu njedźelu z 1. a nowym 5. lětnikom k zynkam pišćelow do Wóslinčanskeje ewangelskeje cyrkwje. Hakle před sydom tydźenjemi dožiwich podobnu situaciju, ale ze šulerjemi 10. lětnika, kotrychž smy tehdy rozžohnowali. Nětko potajkim zahaji so nowe šulske lěto, kotrež so tradicionelnje z Božej słužbu započina. Farar Michael Nicolaus prědowaše před połnje wobsadźenej cyrkwju. To bě rjadownjam a hosćom swjatočny zazběh šulskeho lěta 2020/2021. Jako dopomnjenku dóstachu nowačcy swěčku z mjenom, a knjez farar jich požohnowa. W mjenje wšitkich wučerjow přeju jim wjele wjesela a wuspěcha na našim křesćanskim kubłanišću. Daniela Jawinski
Njewočakowana a tola hižo woblubowana
Koizahroda na Wilišćach w błótowskich Bórkowach zeznajomi z aziskej zahrodowej kulturu a dopomina na městne stawizny
Błótowske Bórkowy wopytać so přeco zaso wudani. Wosebje, hdyž nowe wulětnišća wabja, kotrež snano na prěni pohlad z krajinu groblow wjele zhromadneho nimaja. Tajki nowy cil je Koizahroda na Wilišćach (Willischza). Byrnjež za zjawnosć hakle wot lońšeho přistupna była, je wona w regionje hižo jara woblubowana adresa.
Čas korčmy a konsuma zańdźenosć
Něhdyši po wšej wokolinje znaty wjesny hosćenc „Bücke Dich“ w Smječkecach zwottorhany
Přijědźeš-li ze směra Serbskich Pazlic do Smječkec, steješe na lěwej stronje wjeski něhdy we wokolinje znata korčma z mjenom „Bücke Dich“. Stare tykowane twarjenje z přitwarkom małeje žurle dyrbješe so mjeztym wobstejnosćam časa kłonić. Měrćin Nowak, wnuk znateju Musiatec-korčmarjec mandźelskeju, chce sej na tym městnje za swoju partnerku a za swoju mać Wóršu Nowakowu nowe domske natwarić.
Woponaj Hornjeje a Delnjeje Łužicy w čěskej stolicy – Po ...
Po serbskich stopach po Praze rěka nowy serial w Serbskich Nowinach. W nim wjedźe Pražan Marek Krawc čitarjow na městnosće w čěskej stolicy, kotrež maja za nas Serbow wulki wuznam.
Stowěžata Praha přiwabja ze swojim romantiskim kuzłom kóžde lěto njeličomnych turistow ze wšeho swěta. Za Serbow měješe a ma wona cyle wosebity wuznam. Wšako mějachu tu serbscy katolscy duchowni a studenća móžnosć, so z pomocu čěskich přećelow na rěčnym a narodnym polu wukubłać a swój słowjanski rjap skrućić. Za toho abo tamneho Serba je město hišće dźensa tajna stolica Serbow. Tuž witajće k nam a nastajće so ze mnu na puć po serbskich stopach w čěskej stolicy.
Jara aktiwny stołp we wsy
Domowinjenjo w Trjebinje tele dny na 75lětne skutkowanje zhladuja
Poprawom chcyše 63 čłonow Trjebinskeje Domowinskeje skupiny ze swojej předsydku Angeliku Balccynej w nowej wjesnej srjedźiznje na Šusterec statoku swój 75. załoženski jubilej 30. awgusta swjatočnje woswjećić. Bohužel so tele předewzaće wuměnjenjow koronakrizy dla přewjesć njehodźi. Tohodla chcu dźěło Trjebinskich Domowinjanow tule bliže předstajić.
Domowinska skupina běše w Trjebinje wot wšeho spočatka sylny stołp we wsy. Hačrunjež je so Domowina, zwjazk serbskich towarstwow, hižo 1912 załožiła, bě so tehdy w Slepjanskim regionje na narodnym polu mało hibało. W lěće 1937 su fašisća Domowinu zakazali. Jenož dnjej po skónčenju Druheje swětoweje wójny, 10. meje 1945, Domowinu w Chrósćicach wozrodźichu.
Napřećiwne prašenje na překwapjace mjelčenje storčiło Zhladowanje na lěta přewróta – 18
„Znowazjednoćenje Němskeje – són a woprawdźitosć“ rěka kapsna kniha z pjera Waltera Leonharda. Rodźeny Durinčan je 40 lět we Wětrowskej šamotowni dźěłał. Serbske Nowiny wozjewjeja jeho trochu wudospołnjene, wot Arnda Zoby a Friedharda Krawca z přećelnej dowolnosću nakładnistwa DeBehr zeserbšćene dopomnjenki.
Skónčnje sym ja šulerka!
^
Wjele zboža šulskim nowackam
Skónčnje je tak daloko! Nětko nawuknjeće pisać, ličić a čitać. Tohorunja budźeće sportować, rysować, spěwać a pućować. Jutře pak dóstanjeće najprjedy raz cokorowu titu. Nadźijomnje je suchoty dla přiwšěm wulka tita narostła, tak zo změjeće wulke wjeselo ju wupakować. Njech so wšitkim šulskim nowačkam start do noweho šulskeho lěta poradźi! Hižo nětko wjeselu so na waše rozprawy a dyrdomdeje, kotrež w šuli změjeće! waš Dźěćiznak
Hanka lóštnje zaskaka: Skónčnje sym ja šulerka a směm chodźić do šule. Fibla je žno w tobole, pisak, zešiwk k pisanju, wšo, štož trjebam za wučbu. Staršimaj sym slubiła, zo budu stajnje posłušna, chcu wšak wjele nawuknyć, wo swěće tójšto nazhonić, sej wjele wědy přiswojić: čitać, pisać, rysować, ličić a tež sportować. Dźensa pak so wjeselu na wulku titu cok’rowu. W.Š.
