Přewšo wulki wichor z tójšto prochom je wčera, póndźelu, ...
Wjace pjenjez za nadhodźiny
Strašny woheń na terenje přistawa
Habeck sejm wopušći
Spočatk septembra kónči so politiska karjera něhdyšeho wicekanclera
Berlin (dpa/SN). Něhdyši wicekancler a hospodarski minister Robert Habeck (Zeleni) wopušći zwjazkowy sejm. „Póndźelu sym prezidijej zwjazkoweho sejma zdźělił, zo swój mandat zwjazkoweho sejma 1. septembra wróću“, rjekny 55lětny nowinje taz. Prominentni politikarjo Zelenych jeho rozžohnowanje z politiku wobžaruja a jeho dźěło hódnoća. Habeck, kotryž bě kandidat na zastojnstwo kanclera w zašłych wólbach, zastupjerjow Unije wospjet raznje kritizowaše.
Rozsud, zo chce swój mandat spušćić, njebě za njeho „docyła lochki“. To rjekny Habeck we wideju, kotryž bě online wozjewił. Dołho bě wo tym rozmyslował. Wo swojich planach do přichoda rjekny wón taz: „Budu na wšelkich kubłanskich a slědźerskich zarjadnišćach we wukraju slědźić, wuwučować a wuknyć.“ Wón mjenowaše danski institut za mjezynarodne slědźenja a uniwersitu Berkeley w Kaliforniskej. Jemu je wažne, zo „wotstawk k wuskemu korsetej Berlinskeje politiki dóstanje“.
Rozwažliwy wotchad?
Delanskim Sokołam nowe trikoty darił
To a tamne (26.08.25)
Wobsedźer kioska je w měsće Wuppertal dwaj rubježnikaj, kotrejž běštaj z nožomaj wobrónjenaj, do swojeho wobchoda zamknył. Město toho, zo by jimaj pjenjezy dał, bě durje swojeho kioska z pomocu dalokoposłužowaka zamknył, zdźěli policija. Muža běchu hižo dwójce spytali wurubić. Tohodla je sej wosebity mechanizm do duri zatwarił, z kotrymž móže je tež zdaloka zamknyć.
Šulerjo w awtoritarnje wobknježenym kraju El Salvador maja zdwórliwi być, hewak hroža jim konsekwency. Štóž w přichodźe „dobre ranje“, „dźakuju so“ abo „prošu“ njepraji, so pochłosta. Jeli nowe regule kubłanskeje ministerki Karla Tigueros přeńdu, potom dóstanu dźěći dypki. Su-li tři dypki nahromadźili, maja chłostanske dźěło napisać. Hdyž maja 15 nahromadźene dypki, dyrbja šulske lěto wospjetować.
Wočakuja spěšniše reformy
Köln (B/SN). Předsydka Centralneho komiteja němskich katolikow Irme Stetter-Karp sto dnjow po wólbje bamža Leja XIV. spěšniše reformy wočakuje kaž wottwar klerikalizma, swjećizny žonow kaž tež wjace sobupostajenja. Biskopja měli so ručišo na synodalnosć přihotować. „Widźu zwólniwosć bamža k reformam“, praji wona w interviewje z Kölnjanskim internetnym portalom .
Pólsko-němske listowanje
Zhorjelc (B/SN). Biskop Wolfgang Ipolt je historisku hódnotu listowanja mjez pólskimi a němskimi biskopami w lěće 1965 wysoko hódnoćił. „To bě spočatk wujednanja mjez našimaj ludomaj.“ Pólscy biskopja pisachu, spominajo na němski nadpad Pólskeje 1939: „Wodamy Wam a prosymy wo wodaće.“ Němscy biskopja wotmołwichu: „Hrózbu w mjenje němskeho ludu su Němcy pólskemu ludej načinili. Prosymy to zabyć a wodać.“
Podpěra hospicnych słužbow
„Nazyma refomow“ čaka
Berlin (dpa/SN). Zwjazkowe knježerstwo hotuje so po słowach ministra kanclerskeho zarjada Thorstena Freia na hoberske nadawki w nazymje. „Je wšak tak, zo je zwjazkowe knježerstwo w prěnich 111 dnjach hižo enormnje wjele zmištrowało. Dyrbimy pak tež widźeć, zo su wužadanja wulke“, rjekny politikar CDU. Zwjazkowy kancler Friedrich Merz bě so popołdnju z wodźacymi zastupjerjemi unije zetkał, zo by z nimi wo nadawkach „nazymy reformow“ wuradźował.
Klingbeil w Ukrainje
Kijew (dpa/SN). Wicekancler a financny minister Lars Klingbeil wuradźuje w Ukrainje wo tym, kak móhła so Němska na potencielnym měrowym procesu wobdźělić. To rjekny wón po tym, zo bě dźensa rano do Kijewa dojěł. „Nam dźe wo wěstotu Ukrainy, ale tež Europy.“ Trěbne su nětko „spušćomne wěstotne garantije, kotrež trajny měr w Ukrainje zaruča“, rjekny Klingbeil.
Přewozmje Commerzbank
