Móhli zestup hišće wotwobarać
Zjawnosć ma wothłosować
Kamjenc (SN/MiR). Sportkristall je jedne z najwuznamnišich wuznamjenjenjow Budyskeho wokrjesa, kotrež wěnuje so wosebje wusahowacym wukonom kaž tež młodemu angažementej w sporće. Swjatočne počesćenje budźe 29. meje we Wětnicy.
W cyłku mytuje wokrjes w kategorijach młody sportowc, młoda sportowča a towarstwo lěta kaž tež čestnohamtski angažement stajnje třoch. Dwě wosobje je jury hižo wuzwoliła. Nětko ma publikum hač do 3. meje składnosć, online wothłosować. Kóždy ma jedyn hłós. Mjez kandidatami staj młodaj Serbaj. 16lětny Jurij Bobka z Worklec je čłon sportoweho towarstwa Viktoria Worklecy. Tam hraje wón jako libero w 1. muskim mustwje wolejbul. Zdobom je Jurij aktiwny jěchar a čłon sakskeho kadra juniorow. We woběmaj sportowymaj družinomaj je wón jara wuspěšny. To je tež 13lětna Tereza Maćijec z Hrubjelčic. Wona wěnuje so jako čłonka Wuchodosakskeho towarstwa za lochkoatletiku Budyšin wysokoskokej. Serbska gymnaziastka je dobyćerka sakskeho mišterstwa a sakskich krajnych hrow we wysokoskoku.
Kónctydźenske wuslědki (27.04.26)
Stara koparska garda Sokoła Ralbicy/Hórki je pjatk wječor we wólnočasnej koparskej lize doma najebać spěšne nawjedowanje 1:0 (3.) přez Roberta Statnika winowatostnu dypkowu hru přećiwo hosćom z Horow 1:2 přěhrała.
Koparki Dynama Drježdźany z Radworčanku Johanu Wjeselic wjeselachu so nad dobyćom 6:1 přećiwo Rychbachej.
We wyšej lize hrajachu Biskopicy – Glauchau 1:3 a Budyšin – Freital 3:1. Wot 10. min. bě Budissa w zastatku a třěli w poslednich pjeć mjeńšinach wšitke tři wrota. Za Budissu trjechištaj Jannik Käppler (86., 89.) a Maximilian Noack (90.+3).
We wokrjesnej wyšej lize su worjoły z Kulowa pola poslednjeho we Wachauwje po njerozsudnym 3:3 dwaj dypkaj misnyli. Wrota Marca Bulanka (2.), Niklasa Čórlicha (13.) a Johannesa Wehlana (25.) wuruna stajnje Theo Langwald (7., 20., 39.). Ralbičanscy Sokoljo podležachu cyłkej z Hlinowca 0:2 a prěnje koparske mustwo SJ Chrósćicy doby 4:1 přećiwo hosćom z Großnaundorfa.
Trenar Maksimilian Kral-Zahrodnik, hrajer Beno Rätze, mustwowy nawoda ...
Widźał,słyšał, napisał (27.04.26)
Awtor dźensa
Kilian Hrjehor
Njebjelčenjo tójšto dźěła měli
HZ Arnsdorf II/Großhartau –
SJ Njebjelčicy 1:2 (0:1)
Zestawa hosći: Tietze – Wjerš, F. Domš (74. Vega de Paz), Hanuza, Plaettner, Korjeńk, Hrjehor (80. A. Reineke), Čornak (89. M. Reineke), Rudolf, M. Kral (54. Heymann), O. Domš (67. Lehmann)
Při najrjeńšim nalětnim wjedrje smědźachu koparjo z Njebjelčic po měsacu bjez winowatostneje hry skónčnje zaso na hrajnišćo. Arnsdorfčenjo su z wosmym městnom w delnjej połojcy tabulki zaměstnjeni, mjeztym zo su čerwjene košle z Njebjelčic prěni přesćěhowarjo načolnika tabulki z Wachauwa. Najebać jasnu tabulkowu situaciju běchu hosćo warnowani, přećiwnika njepodhódnoćić. Kak móže tole wuńć, běchu hosćićeljo Njebjelčanam hižo w prěnjej hrě w Njebjelčicach pokazali, jako tući doma 1:2 přěhrachu.
Sport (24.04.26)
Mały derby w Delanach
We wyšej lize hraja koparjo Budissy Budyšin a Biskopičanskeho KT jutře zaso doma. Po dołhej přestawce smědźa so koparjo z prěnjeho koparskeho mustwa SJ Njebjelčicy a HZ Ralbicy II/Pančicy II na hrajnišćo podać. Za Njebjelčanow je dobyće jutře winowatosć, jeli chcedźa tola hišće postupić. Zajutřišim w Delanach so mały koparski derby mjez Ralbičanami a Kulowčanami přewjedźe.
24.04. 18:30 Sokoł Ralbicy/Hórki –
LSV Hory
25.04. 12:30 HZ Arnsdorf II –
SJ Njebjelčicy
25.04. 14:00 Biskopičanske KT 08 –
Pozběh Glauchau
25.04. 14:00 Budissa Budyšin –
SC Freital
25.04. 15:00 TSV Wachau – Kulow
26.04. 12:30 SJ Chrósćicy II –
HZ Łaz/Běły Chołmc
26.04. 12:30 HZ Ralbicy/Pančicy II –
HZ Kulow II
26.04. 14:00 ST Marijina hwězda –
ZSZ Załom-Wopaka
26.04. 14:00 Sepicy – ST Radwor
26.04. 15:00 SJ Chrósćicy –
SG Großnaundorf
26.04. 15:00 Sokoł – Hlinowski SK
Sezona so hižo nachila
Prěnje wolejbulowe mustwo žonow kaž tež rezerwa muži Viktorije Worklecy přewjedźetej jutře swojej zakónčacej winowatostnej dypkowej hrě 2025/2026.
25.04. 14:00 SZ Niederoderwitz (m) –
ST Viktoria Worklecy II
25.04. 14:00 ST Kupoj Nowa Łuka –
ST Viktoria Worklecy (ž)
Kćenjowe běhi a kolesowanje
Před wrotami wospjet eficientni dosć njebyli
ST 1922 Radwor – ST Lubuš 1:2 (0:1)
Za Radworske mustwo zasadźeni: Pěčak – B. Grubert, M. Grubert, Schäfer (79. Elsner), Wjesela, Adam (85. Lawka), Wencl (85. Buša), Nuk, Wjeńka (56. Hetaš), Glücklich, Dźisławk (54. Mička)
Z mustwom z Lubuša je Radworski cyłk w dalšej domjacej hrě aktualneho třećeho tabulki witał a steješe při tym před naročnym nadawkom. Po naposledk ćežkich tydźenjach chcyše mustwo skónčnje prěnje domjace dobyće tohole lěta docpěć, namaka pak so jenož ćežko do hry. Partija započa so bjez naspomnjenja hódnych akcijow. Radworčenjo drje bul časćišo wobsedźachu, tola hosćo z Lubuša wuhrachu sej lěpše šansy na wrota. Hižo w 13. min. hosćo nawjedowachu. Třělwa z wjetšeje distancy namaka z trochu zbožom a njedźeržomnje puć do wrotow k 0:1 (13.). Po tym bě hra skerje njespektakularna. Radwor měješe so ofensiwnje dale ćežko a dóńdźe, kaž hižo w minjenych partijach, jenož k mało wotzamknjenjam před wrotami. Defensiwnje pak mustwo stabilnje steješe, tak zo měješe tež Lubuš najprjedy lědma dalše jasne móžnosće. Hru postajowachu předewšěm intensiwne dwuboje w srjedźnym polu.
Wuslědki (23.04.26)
Kopańca, krajna klasa
Niska – Wojerowski FC 4:1 (1:1)
Dohna – SZ Drježdźany Strěžin 1:3 (0:2)
Wódrjeńca 02 – Radebeulski BC 0:1 (0:1)
Drježdźany – Němske Pazlicy 4:0 (3:0)
Nowosólc-Hródk – Biskopicy II 1:0 (0:0)
1. 1990 Nowosólc-Hródk 22 78 : 25 52
2. FSC Wódrjeńca 02 22 63 : 29 45
3. Přezjednota Niska 22 61 : 44 38
4. Radebergerske ST 22 68 : 61 36
5. SZ Drježdźany Strěžin 22 59 : 50 35
6. Chemie Dohna 22 46 : 52 34
7. Wojerowski FC 22 39 : 32 33
8. Radebeulski BC 22 34 : 37 33
9. ST Wesenitzal 22 43 : 44 30
10. SG Weixdorf 22 39 : 42 30
11. Natwar Němske Pazlicy 22 37 : 49 28
12. Póst Drježdźany 22 55 : 57 26
13. 1990 Nowosólc-Hródk 22 35 : 48 23
14. ST Bannewitz 21 28 : 44 15
15. Módro-běli Zschachwitz 22 32 : 76 15
16. Žołto-běli Zhorjelc 21 28 : 55 8
wokrjesna klasa, stafla 1
Budyšin II – ST Demicy-Tumicy 3:2 (1:1)
HZ Wjazońca II – TSV Wóspork 3:0 (1:0)
HZ Hodźij II / Huska II – ST Bart 3:6 (2:3)
Budyšink – Zeleno-běli Bukecy II 2:1 (1:0)
Drjewnica 05 – Mały Wjelkow 6:0 (5:0)
1. ST Bart 13 60 : 14 34
2. Póst Germ. Budyšin II 13 52 : 21 34
3. SZ Drjewnica 05 13 38 : 27 23
4. TSV Wóspork 13 36 : 29 20
5. ST Demicy-Tumicy 13 29 : 24 20
6. HZ Hodźij II / Huska II 13 30 : 40 18
7. HZ Horni kraj II 12 18 : 17 14
8. HZ Wjazońca II 12 29 : 35 12
9. ST Mały Wjelkow 1920 13 22 : 47 10
10. HZ Budyšink 12 13 : 54 7
11. Zeleno-běli Bukecy II 13 19 : 38 6
Fitnes, wjeselo a zhromadnosć zwjazać
Hyrox, wubědźowanske koleso a dalše trendowe sportowe družiny
Mjez kubłanjom, dźěłom a digitalnymi medijemi zwostanje wšědny dźeń husto mało chwile za předychanje. Wjele ludźi pyta tohodla za wurunanjom, kotrež jich ćělnje wužaduje kaž tež mentalnje wolóža. Runje z tuteje přičiny budźa nowe sportowe družiny dźeń a wjetši zajim. Wone pohib, wotměnu a zhromadnosć zwjazuja. Nowe trendowe sportowe družiny kombinuja klasiske discipliny na moderne wašnje a skića ludźom inowatiwne móžnosće, aktiwni być. Porno tradicionalnym disciplinam njeje zwjetša hišće žanych krutych prawidłow ani wulkich zwjazkow. Město toho nastawaja mjeńše zhromadnosće ze swójskej subkulturu, kotrež sport dale wuwiwaja a jón charakterizuja.
