Zazběh sezony z wušparanjemi
Fitness Koblicy
– Viktoria Worklecy 2:1
(20:25; 25:22; 15:13)
Za Worklecy zasadźeni: Milan Budar, Clemens a Ludwig Eckert, Stefan Gedik, Jurij Lipič, Marcel Rjelka, Marko Smoła.
Tydźeń do zazběha noweje sezony we wobwodnej volleyballowej lize hraješe Viktoria Worklecy w pokalnym kole. Poprawom bě to dosć dobra składnosć, po lětnjej přestawce raz formu testować. Starosće ze zranjenymi a pobrachowacymi hrajerjemi pak tomu zadźěwachu. Nimo toho bě mustwo z Kundraćic (Cunnersdorf) krótkodobnje wotprajiło. A sportowa hala Serbskeho šulskeho a zetkawanskeho centruma Budyšin skićeše klimu rostlinarnje. Sudniski kolektiw tež hišće pobrachowaše.
Delanska rezerwa na domjacym trawniku jasnje podležała
Sokoł Ralbicy/Hórki II
– ST Lubuš 0:4 (0:3)
Zestawa domjacych: Hrjehor – Bogusz, Zynda, Kobalc, Materna, Serbin, Rawš, Čornak, Čórlich (51. Matka), Kurjat (85. Mět), Šmit
Koparski wukon rezerwy Sokoła Ralbicy/Hórki na štwórtym hrajnym dnju běše chětro słaby, a tak bě poražka zasłužena. Hižo w 7. min. prěni raz klinkaše. Po róžku njeporadźi so Hrjehorjej a škitej Sokoła bul popadnyć, tak zo jón Klitzke z bliska do syće suny. Druhe wrota běchu chětro kuriozne. Njezbožowna flanka dyri na žerdź a wottam na wrotarja, kiž běše bjez šansy (22.). Najlěpšu składnosć na 1:2 měješe Rawš, jako bu swobodnje hraty a ze 16 metrow wótrje wotzamkny. Wrotar pak běše na městnje. Jónu bu tež Šmit wot libera Zyndy pósłany, tola wón spyta wrotarja přezběhnyć, štož so dospołnje nimokuli. Hosćo běchu prezentniši na hrajnišću a su swoje šansy wjele lěpje wužiwali. Krótko do połčasa bu Stoyan pósłany, kiž so wo třeće wrota dnja za Lubuš postara (43.).
Połčasaj kaž dźeń a nóc byłoj
ST 1922 Radwor – ST Ćisk II 3:1 (2:0)
Zestawa domjacych: Ch. Šěrak – Henka, F. Šěrak, Hančik, Bejmak, Wjeńka (88. Sćapan), Schulze, Nuk, Buša (60. Omran), Šram, von Karwin
W druhej domjacej hrě rěkaše za chowancow koparskeho trenarja Pětra Bejmaka jenož tole: dypkować. Tele předewzaće so domjacym runje w prěnim połčasu dosć derje poradźi. Z direktnymi přihrawkami, spěšnymi nadběhami a rjanymi kombinacijemi poskićichu woni přihladowarjam wobhladanjahódnu kopańcu. We 8. min. móžachu hižo prěni raz juskać, jako běše noha kapitana Nica Buše najdlěša. Ze sylnej přihrawku z praweje kromy šěsnatki bě jeho Hančik posłužił. Dalše móžnosće přez Bejmaka, Schulzu, Šrama a Bušu pak k dalšim wrotam njewjedźechu. Hakle we 18. min. so Schulze přesadźi a z nimale identiskeje pozicije kaž při nawjedowanju zwyši Hančik na 2:0. Ale tež hósć z Ćiska sej hru jenož njewobhladowaše. Wosebje standardne situacije přinošowachu k strašnosći před klětku domjacych. Krótko do połčasa so před wrotami Šěraka mócnje paleše. Z tróšku zbožom móžeše Radworski škit situaciju po róžku hosći sporjedźeć.
Wo cyble a placki
Přichady a wotchady w koparskich mustwach
Zašłej měsacaj, wosebje w minjenymaj tydźenjomaj, je so w zestawach koparskich mustwow zaso tójšto změniło. Jurij Bjeńš je za někotre cyłki přehlad z nowopřichadami a wotchadami zestajał.
Jednota Kamjenc: přichady
Florian Wagner (Heidenauske ST)
Patrick Neumann (Biskopičanske KT 08)
Benjamin Gnieser (FC Hornja Łužica Neugersdorf)
Sebastian Heine (Biskopičanske KT 08)
Oliver Stein (Módro-běli Zschachwitz)
Tom Grellmann (Goslaer SC)
Rico Tänzer (Kamjeničanski FC)
Kurt Herzig (Zeleno-běli Klaffenbach)
wotchady
Paul Laufer (Drježdźany-Laubegast)
Florian Kloß (Nowe Město nad Sprjewju)
Thomas Förster (njeznate)
Ahmad Azad (Radebeulski BC)
Marco Hrdlitschka (njeznate)
Michael Arnold (Motor Wilsdruff)
Florian Mielke (BSC Rapid Kamjenica)
Biskopičanske KT 08: přichad
Lara Brücknerec (Wojerecy 1919)
SJ Chrósćicy: přichady
Miroslav Sentivan (Žołto-běli Zhorjelc)
Tom Henčl (Budissa Budyšin)
Pascal Gries (Budissa Budyšin)
Tadej Špitank (swójska młodźina)
Józef Matješk (SJ Njebjelčicy)
Sokoł Ralbicy/Hórki: přichadaj
Widźał, słyšał, napisał (05.09.16)
Awtor dźensa
Toni Ryćer
Nimale w kóždej domjacnosći składuja so lěki, zo bychu při mjeńšich schorjenjach spěšnje k ruce byli. Sy-li nazymnjeny abo maš-li bolosće w stawach po ćělnym napinanju, njetrjebaš tuž hnydom k lěkarjej. Tu pomhaja krjepki, žałby a sprayje z apoteki. Štož je za wjetšinu ludźi bjez problema, pak móže za profijowych sportowcow fatalne sćěhi měć. Cyły rjad tajkich po zdaću bjezrizikowych lěkow wobsahuje srědki, kotrež sportowc brać njesmě, kaž na přikład kodein w krjepkach přećiwo kašelej. Jednu tak mjenowanu čerwjenu lisćinu wudawa Narodna antidopingowa agentura a ju prawidłownje aktualizuje.
Wuslědki (05.09.16)
Wokrjesna koparska liga, stafla II
HZ Łaz/Běły Chołmc – Woj. FC II 7:0 (1:0)
LSV Hory II – LSV Bluń 1:1 (1:1)
HZ Wulke Ždźary – FSV Łuty 4:3 (3:1)
ST Ćisk II – Rakečanske ST II 4:0 (2:0)
Nowe Město n. Sprjewju II
– Módro-běli Njeswačidło 2:0 (0:0)
Sokoł Ralbicy/Hórki II – Lubuš 0:4 (0:3)
Nadr. Hrabowka – Radwor 2:5 (1:3)
1. HZ Wulke Ždźary 4 14 : 6 12
2. ST 1922 Radwor 4 12 : 5 9
3. Wojerowski FC II 4 12 : 11 9
4. HZ Łaz/Běły Chołmc 4 12 : 5 7
5. ST Lubuš 3 8 : 2 7
6. ST Ćisk 1993 II 3 8 : 4 6
7. FSV Łuty 4 8 : 7 6
8. Rakečanske ST II 4 5 : 10 6
9. LSV Bluń 74 4 8 : 6 5
10. Módro-běli Njeswačidło 4 8 : 8 4
11. LSV Hory 1990 II 4 8 : 9 4
12. LSV Nowe Město n. S. II 4 2 : 10 3
13. ST Nadrózna Hrabowka 4 3 : 13 0
14. Sokoł Ralbicy/Hórki II 4 4 : 16 0
wokrjesna klasa, stafla II
Šćeńca – Hlinowc 2:2 (1:1)
Něm. Pazlicy II – Mały Wjelkow 1:1 (1:0)
Chrósćicy II – Wětnica/Hola 3:3 (1:1)
Njebjelčicy II – Mó.-bě. Kulow II 3:1 (1:0)
FSV Łuty II – ST Lubuš II 1:3 (0:1)
1. ST Wětnica/Hola 4 17 : 5 10
2. ST Hlinowc 4 16 : 6 10
3. SJ Chrósćicy 1981 II 4 15 : 10 10
4. SJ Njebjelčicy II 4 14 : 8 7
5. HZ Łaz/Běły Chołmc II 3 9 : 8 6
6. Natw. Němske Pazlicy II 4 8 : 8 4
7. FSV Šćeńca 4 9 : 14 4
8. ST Lubuš II 4 8 : 11 3
9. HZ Wulke Ždźary II 3 3 : 6 3
10. Módro-běli Kulow II 4 6 : 14 3
11. FSV Łuty II 4 5 : 14 3
12. SV Kleinwelka 4 9 : 15 2
Sport (02.09.16)
Wubědźowanja woborow
09.09. 20:00 w Ralbicach
16.09. 18:00 we Wotrowje
02.10. 18:00 we Worklecach
Konjacy sport
W Holešowskej Dubrawce wubědźuja so konjacy sportowcy jutře a njedźelu, 3. a 4. septembra, w dresurowym jěchanju a skakanju. Njedźelu popołdnju přewjedu tam tohorunja wubědźowanje konjacych zapřahow.
Kónctydźenska kopańca
02.09. 17:45 Ralbicy/Hórki – Bukecy
03.09. 13:00 Hodźij II – Radwor
03.09. 15:00 Połčnica 1920 – Kulow
03.09. 15:00 Großröhrsdorf – Rakecy
04.09. 13:00 Ralbicy/Hórki II – Lubuš
04.09. 15:00 Nadr. Hrabowka – Radwor
04.09. 13:00 Njebjelčicy II – Kulow II
04.09. 15:00 Njebjelčicy – Liegau-A.
04.09. 13:00 Pančicy II – Hermsdorf II
04.09. 15:00 Pančicy – Großröhrsdorf II
04.09. 13:00 Chrósćicy II – Wětnica/Hola
Pokalnej koparskej hrě
04.09. 15:00 Mužakow – Budissa
04.09. 17:00 Kamjenc – Lok Lipsk
Prěni WORKWUB
Dźiwje micki hraja w Ralbicach
Njerozsudnyby sprawniši wuslědk był
FSV Łuty – Sokoł Ralbicy/Hórki II 1:0 (0:0)
Zestawa hosći: Hrjehor – Materna, M. Matka, Bogusz, Rawš, Jakubaš (78. Čornak), Šołta, Kobalc, Serbin (51. J. Matka), Šmit, Kurjat (84. Čórlich)
Po jědnaće přećiwniskich wrotach w dwěmaj partijomaj přestajichu koparjo Sokoła Ralbicy/Hórki swój system zaso na hru z liberom. Tež Dominik Šmit je zaso pódla był, po tym zo bě swoje chłostanje za čerwjenu kartu z poslednjeje hry w sezonje 2015/2016 wotsedźał. Hosćo běchu defensiwnje nastajeni. Syman Bogusz postara so jako libero wo trěbny měr a wěstotu.
Hra wotměwaše so zwjetša mjez šěsnatkomaj, bjez toho zo so něšto wulce sta. Najwjetšu šansu měješe stary zajac Handrij Jakubaš, jako bu wot Tomaša Rawša rjenje swobodnje hraty. Přećiwniski wrotar pak zastatkej z wulkotnej paradu zadźěwa.
Po přestawce skićeše so mało přihladowarjam samsny wobraz. Při horcych temperaturach běchu šansy rědke, byrnjež domjacy wjetše hrajne podźěle měli. Nažel je hewak jara derje hwizdacy sudnik w 77. min. jara dwělomnu jědnatku postajił. A Thomas Lock ju přetwori. Ralbičenjo drje wojowachu, před wrotami pak hižo strašni njeběchu.
