1. serbska kulturna brigada 75. róčnicu załoženja w „Krónje“ woswjećiła
Budyšin (SN/bn). Składnostnje 75. róčnicy załoženja 1. serbskeje kulturneje brigady je ćěleso předwčerawšim wulki jubilejny swjedźeń w Budyskej měšćanskej hali „Króna“ wuhotowało. Na połnje wobsadźenej žurli předstaji brigada něhdźe dwuhodźinski, chronologisce zestajany program, kotryž moderatoraj Bogna Korjeńkowa a Jakub Wowčer jako „interaktiwnu jězbu po času z najwoblubowanišimi spěwami a prapremjeru“ připowědźištaj. Tak zahaji chór koncert ze sadźbu Gustawa Wowčera „Maćernu rěč lubuju“, kotraž je nimale wot spočatka z krutym wobstatkom repertoira brigady. Slědowachu mjez druhim ludowy spěw „Běži woda, běži“, zhromadnje z publikumom zaspěwany židowski kanon „Hine ma tov“ a loni na Schadźowance prěni raz prezentowany „Rap dwanatkow“.
Budyšin (SN). Nowy slědźerski projekt „Typy pochadnych rěčow w přirunanju: hornjoserbšćina a pólšćina w Němskej“ startuje 1. septembra w rěčespytnym wotrjedźe Serbskeho instituta (SI). Němski slědźerski zwjazk DFG spěchuje třilětny slědźerski projekt, kotryž přewjedźe so zhromadnje z uniwersitu w Bochumje, z dohromady 785 500 eurami. We wobłuku projekta chcetej rěčespytnicy dr. Leńka Šołćic (SI) a prof. dr. Tanja Anstatt (uniwersita Bochum) sociolinguistiske kajkosće a wuwiće pólšćiny w Poruhrskej a hornjoserbšćiny we Łužicy přepytować. W hornjoserbšćinje steji wobchadna rěč w katolskej kónčinje w fokusu. Wosebitosć je, zo přirunujetej so wšelakej typaj mjeńšinowych rěčow: serbšćina jako rěč awtochtoneje „stareje“ mjeńšiny w Němskej a pólšćina jako rěč alochtoneje „młodeje“ mjeńšiny w Němskej. „Z projektom chcemy slědźenja k hornjoserbskej wobchadnej rěči w Serbskim instituće rozšěrjeć a skrućeć. Wuslědki chcemy zdobom do wědomostneho konteksta slědźenja k mjeńšinowym rěčam a rěčneje w ...
Po přihotowanskej hrě za Europeadu 2024 zestupachu so koparki serbskeje wubranki z Hornjeje, srjedźneje a Delnjeje Łužicy z hrajerkami FC Energije Choćebuz na sportnišću sportoweho towarstwa Lok Slepo k zhromadnemu wobrazej. Tež sudniski kolektiw Marco Groß (druhi wotprawa, Lok Slepo), Lea Nitsche a Saskia Kaschkow (wobě FC Wocl Rěčicy) je na wobrazu. Hra, kotraž skónči so 3:0 za Serbske mustwo, bě jara fairna, tak zo njemějachu sudnik a asistentce wjele dźěła. Wjace wo treningowym lěhwje a testowymaj hromaj čitaće w jutřišim wudaću. Foto: Tereza Wićazowa
Pod hesłom „Ja wostanu w Knjezowym domje wěčnje“ (Ps 23,6) stej Skupina serbska namša a Spěchowanske towarstwo za serbsku rěč w cyrkwi njedźelu na 78. Serbski ewangelski cyrkwinski dźeń do Gołkojc přeprosyłoj.
Wulki wokomik bě pjatk popołdnju we Łusču w Bóšičanskej gmejnje. Tam su prěni raz meju mjetali. Do toho zarejowa 13 porow pod akordeonowym přewodom Symana Pöpela na nawsy znate serbske reje. Wo česć mejskeho krala a kralowny wubědźowachu so w třoch starobnych skupinach. Mejske pory běchu pola małych dźěći Erik Čižank a Alena Bjaršec, pola wjetšich dźěći Clemens Wjela a jeho sotra Lotta a pola młodostnych Cyril Mark a Marlen Matikec. Foto: Feliks Haza
Wito Meškank z Berlina piše wo přinošku wo wuznamjenjenju francoskeho prezident Macrona z Mytom Westfalskeho měra (28.5.) a čitarskim lisće k tomu (31.5.) w SN:Wuprajenja w teksće redaktora SN wo spožčenju myta francoskemu prezidentej a přiklesk čitarja z Barlina na to mam za tunje. Zaměnjataj wopor a złóstnika. Spožčichu myto w Münsteru tydźenja na połojcu prezidentej Macronej a Němsko-Pólskemu młodźinskemu skutkej. Woni kaž tež Češa so zasadźuja za Ukrainu, wědźa kaž Polacy wo swobodźe, kotruž Ruska niči. Njeje měra bjez swobody.Dožiwichmy, zo wotewri Ruska dnja 24.2.2022 swoju wójnu na zapad. Claudia Major, kotraž bě před měsacom w cyrkwi swj. Pětra we wobłuku Budyskich narěčow wustupiła, pisa zašły štwórtk w „Handelsblatt“: „Pobrachowaca podpěra za Ukrainu stanje so z rizikom za wěstotu Němskeje a Europy. Skoro kóždy to wě, nichtón njejedna pak woprawdźe rozsudźeny (…)“ Pax optima rerum (łać.: Měr je najwyša wšěch tworow), hesło po Westfalskim měrje, zda so kusać ze zakładnym za ...