To a tamne (12.11.20)
„Tule rěči wótc Francesco!“, takle je so bamž Franciskus telefonisce pola jednoho z Kölnskich fararjow přizjewił. Duchowny Regamy Thillianathan sej spočatnje mysleše, zo jeho mać zwoni, jako na konferency mobilny telefon klinkaše. Přizjewił pak bě so bamž cyrkwje. „Swjaty wótc měješe zbožo, zo sym scyła wotzběhnył.“ Franciskus poćahowaše so na list, kotryž bě jemu duchowny tydźenja na awdiency přepodał.
Smjertnje skónčiła je so za kruwu w Delnjej Frankskej ćěkańca před rěznikom. Wona bě před rězarnju z připowěšaka twochnyła, běhaše po zahrodach, přeprěči rěku a běžeše přez železniske kolije. Před šulu móžachu ju skónčnje popadnyć. Dokelž steješe masiwnje pod stresom a dokelž hrožeše strach za wobydlerjow, so policisća po dorěčenju z rězarnju rozsudźichu kruwu zatřělić.
11.11. bjez karnewala
Köln (dpa/SN). Dospołnje ćicho su w Kölnje do dźensnišeho 11.11. startowali. Hdźež so nory hewak po tysacach hromadźeja, zo bychu zazběh karnewaloweho časa swjećili, wosta tónkróć dospołnje měrne. Nimo toho so rano dešćowaše. Koronapandemije dla běchu lětsa wšitke póstniske zarjadowanja wotprajili. Alkohol je na dróhach města zakazany. Policija ma dodźerženje zakaza kontrolować a „konsekwentnje“ zakročić.
Pjenjezy na dobro komunow
Lipsk (dpa/SN). Sakske krajne knježerstwo je naćisk zakonja wo financowanju komunow w časach koronakrizy schwaliło. Hłowny zaměr stej „wulka sprawnosć rozdźělowanja“ a wěste pjenježne zastaranje komunow, financne ministerstwo zdźěli. Dokelž so komuny swobodneho stata z wulkimi stratami dawkowych dochodow bědźa, chcedźa jim hač do 2022 kóžde lěto 6,8 miliardow eurow přewostajić. Minister Hartmut Vorjohann (CDU) rěčeše wo modernym a sylnym systemje financneho wurunanja.
Błyski wohenje zawinili
W južnokorejskej stolicy Seoulu prezentuja wot dźensnišeho ...
Šćěpiwo bórze na wikach
Biden: Smy wróćo
Witaja kruty płót přećiwo mrětwje
Krušwica (dpa/SN). Sakscy ratarjo witaja planowany twar kruteho płotu k wobmjezowanju afriskeje swinjaceje mrětwy (ASP). „To wotpowěduje našemu žadanju“, rjekny hłowny jednaćel krajneho burskeho zwjazka Manfred Uhlemann powěsćerni dpa. Dźensa chcychu w Krušwicy w Zhorjelskim wokrjesu krutu barjeru podłu mjezy k Pólskej twarić započeć. Wón ma wobstejace zawrjene pasmo wobdać a dźiwim swinjam kruty zadźěwk być. Spočatk twara přewodźeć chcychu za škit přetrjebarjow zamołwita ministerka Petra Köpping (SPD), Techniski pomocny skutk a Zwjazkowa wobora.
Ratarjo sej hižo dołho žadaja, 128 kilometrow dołhi elektriski płót znajmjeńša na někotrych městnach zesylnić. Elektriski płót móhł jako přidatny zadźěwk stejo wostać. Spočatk nowembra běchu južnje Mužakowa prěnje na ASP zahinjene dźiwje swinjo našli.
Wótry wołojnik (11.11.20)
To a tamne (11.11.20)
Paducha žonjacych spódnich cholowčkow je policija w bayerskim Hofje lepiła. 29lětny měješe dźesatki slipow w swojim bydlenju nakopjene. Spočatk oktobra bě wón prěni króć cholowčki ze sušaka kradnył, bórze na to dalše. Pola 29lětneho namakachu zastojnicy 54 slipow w hódnoće wjacorych stow eurow. Nětko pytaja jich wobsedźerki, dokelž njemóžachu dotal wšitke přirjadować.
Do zadka kusnył je policajski pos paducha, kiž ze swojej rubiznu w hódnoće wjacorych stow eurow po nutřkownym měsće poruhrskeho Essena ćěkaše. 21lětny bě wěcy w kupnicy kradnył. Dokelž muž na namołwu policistow, zo ma zastać, njereagowaše, pósłachu pastyrskeho psa Teddyja za ćěkacym. Zranjenja pakostnika na ruce, nohomaj a zadku su po „wuspěšnym zasadźenju“ w chorowni zastarali.
Za iniciatiwu přećiwo terorej
Brüssel (dpa/SN). Po teroristiskich nadpadach w Drježdźanach, Parisu, Nizzy a Wienje prócuja so Němska, Francoska a Awstriska wo europsku iniciatiwu přećiwo islamistiskemu terorej. Wo tym su dźensa zwjazkowa kanclerka Angela Merkel (CDU), francoski statny prezident Emmanuel Macron a awstriski zwjazkowy kancler Sebastian Kurz we widejowej konferency z prezidentku komisije EU Ursulu von der Leyen wuradźowali.
Přepytuja wumjetowanja
Washington (dpa/SN). Justicny minister USA Bill Barr je statnym rěčnikam dowolił, wumjetowanja nastupajo wobšudnistwo hišće do wozjewjenja kónčnych wuslědkow prezidentskich wólbow přepytować. Tajke přepytowanja hodźa so poprawom hakle zahajić, hdyž předleža „jasne a wěrjomne wumjetowanja wo njedostatkach, kotrež móhli wólbny wuslědk w jednym ze zwjazkowych statow wobwliwować“. Dotalny prezident Donald Trump twjerdźi, zo buchu wólby falšowane.
Podlěša nuzowy staw
