Zestawa domjacych: Kral – Henka, Šěrak, Omran, von Karwin, Hančik, Bejmak, Nuk, Zimmermann, Kurjat (78. Mark), Schulze (90. Bauer)
Po njetrjebawšej poražce tydźeń do toho w Ramnowje, hdźež klacaše na klewernosći, su sej koparjo ST 1922 Radworja za domjacu hru předewzali dobyć. To bě tež wot spočatka spóznajomne. W duelu nowačkow we wokrjesnej wyšej lize mějachu woni wot prěnjeje minuty ceptar w rukomaj. Nimale wšitke strašne hrajne sceny wotměwachu so před wrotami hosći. Nawal Radworskich nadběhow pak bě najprjedy bjez wuspěcha. Hakle po njelepym wotwobaranskim pospyće hóstneho wrotarja so suk torhny. Spěšnje Daniel Nuk reagowaše a z něhdźe dwaceći metrow bul z centralneje pozicije do saka sadźi (7.).
SJ Njebjelčicy – Nadrózna Hrabowka 3:2 (1:1)
Zestawa domjacych: Hahn – Čornak, Pawlik, Hanuza, Domš, Deleńk, Kral, Lejnart, Haška, Hrjehor (78. Frank Ričel), Korjeńk (90.+3 Šram)
W Njebjelčicach předstaji so wčera dotal njeznate mustwo w prěnjej domjacej dypkowej partiji hrajneje doby 2017/2018. Hosćo z Nadrózneje Hrabowki dachu so hnydom do boja. Hižo w 4. min. zjewi so srjedźny nadběhowar samlutki před Njebjelčanskej klětku, suny pak bul na zbožo nimo. Při dalšej přiležnosći spěšneho nadběha prasny bul do žerdźe. W 19. min. pak zhłójčkowa Handrij Korjeńk wótru přihrawku Gabriela Čornaka k 1:0 do saka hosći. Naslědnje steješe domjacy škit wjacekróć pod sylnym ćišćom. Wrotar Nico Hahn dwójce wurjadnje zakroči a zadźěwa tak wurunanju. Tola w 42. min. bě wón při wótrej třělwje ze zdalenosće bjezmócny. Tak steješe k přestawce 1:1.
Wojerowski FC II – ST Marijina hwězda 2:1 (1:0)
Zestawa hosći: Schmidt – Rab, Łušćanski, K. Pakoßnick, Lipič, Eldor (71. Čornak), Kuring, Jurš, Hawš, Winkler, J. Pakoßnick
W ekstremnje słabej hrě wokrjesneje ligi su koparjo ST Marijineje hwězdy pola rezerwy Wojerowskeho FC z 1:2 přěhrali. Prěnju wulku móžnosć za nich měješe Tomaš Jurš (7.). Město toho zo by bul do róžka sunył, pak třěli wón ze zdalenosće šěsć metrow na wrotarja. Za hru snano rozsudna scena bě w 19. min. Richard Hawš běžeše sam na wrotarja a bu krótko před šěsnatku wot poslednjeho muža Wojerowčanow potorhnjeny. Sudnik Christian Burek drje rozsudźi na wólny kop, čerwjenu kartu pak wón Wojerowčanej njepokaza. Z prěnim nadběhom docpě hosćićel po poł hodźinje 1:0, a to přez Motaza Ahmada Alkrazu. Hač do přestawki so ničo naspomnjenjahódneho wjace njesta.
Lubi čitarjo sportoweje kolumny, spominam dźensa na wulkotneho koparja, kiž je jara młody žiwjenje přisadźił.
21. awgusta 1937 narodźi so w Jendźelskej Duncan Edwards. Wot lěta 1952 hraješe wón w młodźinskim mustwje sławneho kluba Manchester United. Wot 1955 do 1957 bě 18 razow za jendźelske narodne mustwo zasadźeny. Wusahowacaj hrajerjej koparskeho kluba Manchester United, kotryž tehdy Matt Busby trenowaše, běštaj Duncan Edwards a Bobby Charlton. Z nimaj chcyše Jendźelska 1958 w Šwedskej wo swětowe mišterstwo wojować.
Regionalna koparska liga
Halberstadt – Neugersdorf 3:3 (2:1)
Babelsberg 03 – Fürstenwalde 1:0 (0:0)
1. FC Lok Lipsk – Luckenwalde 4:2 (2:2)
Hertha BSC II – FSV Nordhausen 1:0 (0:0)
Berlinski AK – FC Viktoria 3:3 (2:1)
BFC Dynamo – VSG Altglienicke 1:2 (1:1)
Meuselwitz – TSG Neustrelitz 4:2 (2:0)
Auerbach – Energija Choćebuz 0:4 (0:3)
Budissa Budyšin – Chemija Lipsk 1:0 (1:0)
1. Energija Choćebuz 4 16 :1 1 2
2. 1. FC Lok Lipsk 4 7 :2 1 0
3. FC Neugersdorf 4 10 :5 8
4. ZFC Meuselwitz 4 8 :7 7
5. SV Babelsberg 03 4 3 :2 7
6. Hertha BSC II 4 5 :6 6
7. Budissa Budyšin 4 3 :6 6
8. FC Viktoria 3 7 :5 5
9. FSV Nordhausen 4 4 :2 5
10. VfB Halberstadt 4 5 :6 5
11. Berlinski AK 4 7 :9 5
12. BFC Dynamo 3 5 :3 4
13. FSV Fürstenwalde 4 6 :6 4
14. VSG Altglienicke 4 3 :4 4
15. TSG Neustrelitz 4 4 :10 3
16. BSG Chemija Lipsk 4 1 :7 3
17. VfB Auerbach 4 3 :8 2
Skoki do nocy
W Biskopičanskim sportowym parku Wesenitz přewjedu dźensa wot 19 hodź. lochkoatletiske zarjadowanje z mjenom „Skakanje do nocy“. Je to wubědźowanje we wysokoskoku.
Wubědźuja so w hašenju
Dobrowólna wohnjowa wobora Pěskecy zarjaduje lětuše šeste wubědźowanje w hašenju wo pućowanski pokal Helmuta Liebsa. Wurisanje w Pěskecach je dźensa we 18.30 hodź. Dalšej wubědźowani budźetej potom 25. awgusta wot 18.30 hodź. we Wotrowje a 8. septembra wot 20 hodź. w Ralbicach.
Kónctydźenska kopańca
19.8. 13:00 Wojerowski FC II
– ST Marijina hwězda
19.8. 14:00 Rakečanske ST
– Drohotka Ramnow
19.8. 15:00 SC Großröhrsdorf
– Sokoł Ralbicy/Hórki
20.8. 10:30 LSV Hory
– Módro-běli Kulow
20.8. 13:00 SJ Chrósćicy II
– HZ Łaz/Běły Chołmc
20.8. 13:30 Budissa Budyšin
– Chemija Lipsk
20.8. 15:00 SJ Chrósćicy
– FSV Oderwitz II
20.8. 15:00 ST Radwor
– SV Großnaundorf
20.8. 13:00 SJ Njebjelčicy II
– TSV Wachau II
20.8. 15:00 SJ Njebjelčicy
– ST Nadrózna Hrabowka
Bórze wulke finale w Miłoćicach
20.8. 15:00 ST 1922 Radwor
– SZ Großnaundorf
26.8. 17:00 Zeleno-běli Bukecy
– ST 1922 Radwor
3.9. 15:00 ST 1922 Radwor
– SZ Wjelećin
17.9. 10:30 LSV Hory 1990
– ST 1922 Radwor
24.9. 15:00 ST 1922 Radwor
– Wojerowski FC
30.9. 15:00 Póst Germania Budyšin
– ST 1922 Radwor
8.10. 15:00 ST 1922 Radwor
– Módro-běli Kulow
22.10. 15:00 ST 1922 Radwor
– Rakečanske ST
28.10. 14:00 Motor Kumwałd
– ST 1922 Radwor SN
Drohotka Ramnow – ST Radwor 2:1 (1:1)
Zestawa hosći: Kral – Henka, Šěrak, Omran, Hančik, Nuk, Schild (77. Wjeńka), von Karwin, Bejmak, Schulze, Kurjat (73. Mark)
W prěnjej hrě we wokrjesnej wyšej koparskej lize dyrbješe nowačk ST Radwor w Ramnowje nastupić. Chowancy trenarja Pětra Bejmaka chcychu sej z angažowanym hraćom dobry start do noweje sezony zawěsćić. Faworit pak běchu cyle jasnje domjacy. Přez nimale cyłu hru mějachu woni pólnu přewahu a wjace šansow. Radworčenjo spytachu z wulkej koncentraciju a z wěsteho škita hru Drohotki dalokož móžno haćić.
ST Ćisk II – SJ Njebjelčicy 4:1 (1:0)
Zestawa hosći: Hahn – Čornak, Pawlik, Hanuza, Domš, Deleńk, Kral, Lejnart, Haška, Hrjehor, Korjeńk
K zazběhej noweje hrajneje doby su sej koparjo Njebjelčanskeje SJ z Ćiska bolostnu poražku sobu přiwjezli, byrnjež wukon cyłka trenarja Handrija Krawčika spokojacy był. Rozsudne akcije pobóčneju asistentow pak běchu porno tomu přewšo špatne. Hdyž Njebjelčanski škit konsekwentnje na nimohru hraje a asistentaj dwójce we wažnym wokomiku prawe wóčko nimatej, da maš dwaj tak mjenowanej „zaportkaj“ w klětce ležo. Tak sta so to w 32. a 55. min. Hač do přestawki wuhrachu sej Njebjelčenjo tež tři dobre šansy. Robert Lejnart, Jurij Haška a Handrij Korjeńk pak do wrotow přećiwnika njetrjechichu.
ST Marijina hwězda – ST Lubuš 1:3 (0:2)
Zestawa domjacych: O. Schmidt – Rab, Škoda (50. Lipič), K. Pakoßnick (89. Hübner), Hawš, Jurš, Kuring, Eldor, P. Schmidt, Prasse (78. Winkler), J. Pakoßnick
K prěnjej winowatostnej hrě noweje sezony wočakowachu koparjo ST Marijineje hwězdy mustwo z Lubuša. Wobě zastupnistwje běštej naposledk před dźesać lětami we wobwodnej klasy přećiwo sebi nastupiłoj.