Lěkarjo na wsy trěbni

Donnerstag, 11. Juni 2015 geschrieben von:

Zwjazkowy sejm wobjednawa dźensa reformu struktury medicinskeho zastaranja. Z wotpowědnym zakonjom wotmysli wulka koalicija změnić zasydlenosć lěkarjow w Němskej. Nadzasta­ranje w husće wobydlenych regionach ma so skónčić, podzastaranje na wsach přewinyć.

Berlin (dpa/SN/K). Zjednoćenstwa regionalnych kasowych lěkarjow změja winowatosć, zarjadować terminowe serwisownje, zo bychu zawěsćeni, je-li trjeba, w běhu štyrjoch njedźel z přepokazanku termin pola fachoweho lěkarja měli. Njedyrbjało-li to móžno być, měła pacientej tež chorownja pomhać.

Droha škoda w sejmje

Donnerstag, 11. Juni 2015 geschrieben von:
Berlin (dpa/SN). Cyberowa ataka na kompj­uterowu syć Němskeho zwjazkoweho sejma ma prawdźepodobnje masiwne sćěhi. Po rozprawach časopisa Spiegel njejsu specialisća přeco hišće zdokonjeli, wuskušowansku software znješkódnić. Hackerojo maja přistup k wšitkim systemam sejma a su přeco hišće aktiwni. Hižo je rěč wo totalnej škodźe. Kaž wupada, njebudu jenož software znowa instalować dyrbjeć, ale tež tak mjenowanu hardware dospołnje wuměnić. To by měsacy dołho trało a wjacore miliony eurow płaćiło. Zwjazkowy zarjad za wěstotu informaciskeje techniki (BSI) dawa mjeztym wulke dźěle parlamentariskich datow přez lěpje škitanu syć zwjazkoweho knježerstwa wobdźěłać. Fachowcy­ BSI měnja, zo njeda so syć sejma wjace wuchować a měła so spušćić. Hackeram je so poradźiło, přewzać tak mjenowanu zapisowansku słužbu zwjazkoweho sejma, do kotrejež je wjac hač 20 000 kompjuterow zapřijate.

To a tamne (11.06.15)

Donnerstag, 11. Juni 2015 geschrieben von:

Tak mjenowany čorny dźěłaćer je spytał swojeho šefa na hłownym cłownym zarjedźe wozjewić. Twarski dźěłaćer bě někotre tydźenje na wšelakich twarnišćach zasadźeny, njedóstawaše pak žanu mzdu. Zastojnicy wšak zwěsćichu, zo nima 34lětny scyła dowolnosć přebywanja w Němskej. Nětko­ ma kraj najspěšnišo wopušćić. Šef pak změje so ilegalneho přizwolenja dźěła dla zamołwić.

Jako slepy pasažěr bě 22lětny z nakładnym ćahom w Bayerskej po puću. 22lětny chcyše z awtami nakładowany ćah wužiwać, zo by wot Mnichowa do Strasbourga jěł. Lokomotiwnik młodeho Texasčana po něhdźe hodźinje jězby blisko Augsburga wuhlada, zadźerža ćah a přepoda młodźenca policiji. Muž njebě wopity a njesteješe tež pod drogami. Wón přizna, zo bě w Mnichowje na ćah zalězł. Nětko čaka na njeho pokuta.

Łužica (11.06.15)

Donnerstag, 11. Juni 2015 geschrieben von:

Skóržba wotpokazana

Choćebuz (dpa/SN/ch). Zwjazkowe wustawowe sudnistwo je skóržbu přećiwo fuziji wysokeju šulow Choćebuz a Zły Komorow do dalokeje měry wotpokazało. Załoženje Braniborskeje techniskeje uniwersity Choćebuz-Zły Komorow lěta 2013 njeje tuž z wida sudnikow přećiwowustawne, kaž z wčera wozjewjeneho wobzamknjenja wuchadźa. Zdobom skru­ći sudnistwo prawa profesorow. Ministerstwo za wědomosć potajkim njesmě jim při zjednoćenju wysokeju šulow prosće přechodneho nawodu před nós sadźić. Podstupimske ministerstwo bě społnomócnjeneho zasadźiło, kiž měješe wysoku šulu hač do pomjenowanja za­łoženskeho prezidenta nawjedować.

Póstownicy dale stawkuja

Pomocnicy w Chinje su dźensa započeli, we wraku znjezboženeje wulětniskeje łódźe namakane wosobinske wěcy smjertnych woporow jednotliwym wosobam přirja­dować. Při tym zepěraja so na pomoc přiwuznych znjezboženych. Łódź „Hwězda orienta“ bě so póndźelu tydźenja při wichoru na rěče Jangtse powróćiła. Wjace hač 430 ludźi je při tym žiwjenje přisadźiło. Foto: dpa/Li Wei

Woidke: Zasadna změna azyla dla trěbna

Mittwoch, 10. Juni 2015 geschrieben von:
Podstupim (dpa/SN). Do jutřišeho wjerškoweho zetkanja ministerskich prezidentow zwjazkowych krajow z kanclerku Angelu Merkel (CDU) k přiběracym kóštam zastaranja ćěkancow sej bra­niborski ministerski prezident Dietmar Woidke (SPD) žada, azylowu politiku zasadnje změnić. „Politika ćěkancam napřećo je cyłostatna naležnosć, kotruž móžemy jeničce zhromadnje zmištrować, rjekny Dietmar Woidke powěsćerni dpa. Zwjazk měł so tuž strukturelnje na kóštach­ wobdźělić. Jeničce w Braniborskej su so kóšty za zastar­anje ćěkancow w tutym lěće hla­dajo na loni wjace hač podwojili. Kraj je za to lětsa hižo 198 milionow eurow wudał.­

Libyska plan UNO wotpokazuje

Mittwoch, 10. Juni 2015 geschrieben von:
Tripolis (dpa/SN). Mjezynarodnje připóznate libyske knježerstwo naćisk UNO za knježerstwo jednoty we hłuboko pa­čenym kraju wotpokazuje. Parlament w Tobruku je delegaciju kraja namołwjał, měrowe jednanja w marokkoskim Shkiraće hnydom wopušćić, kaž sekre­tariat prezidenta parlamenta zdźěli. Mjeztym štwórty naćisk UNO za „knježerstwo narodneje jednoty“ kritizuja, dokelž pječa znjepřećelenym islamistam wšelake lěpšiny skići. Libyska ma po smjerći dikta­tora Muammara al-Gaddafija dwě knježerstwje, swětne a mjezy­narodnje připóznate w Tobruku a islamistiske w sto­licy Tripolisu. Chaotiske poměry esktremisća za sebje znjewužiwaja.

Dźe wo komuny a pjenjezy

Mittwoch, 10. Juni 2015 geschrieben von:
Drježdźany (dpa/SN/K). W sakskej stolicy wotměwa Zwjazk městow a gmejnow dźensa a jutře swoju hłownu zhromadźiznu. Jeje najwažniša naležnosć je spochi wjetša rozdźělnosć nastupajo financnu móc komunow. Přitomnych wjac hač 1 000 delegatow zaběra so ze strukturnej słabosću chudych městow. „Hdyž dale a wjac komunow pjenježnych wuskosćow dla njemóže spomóžnje jednać a tak zwisk k powšitkownemu wuwiću zhubi, je komunalne samopostajowanje cyłkownje zesłabjene“, warnowaše dźensa prezident Zwjazka městow a gmejnow, wyši měšćanosta Nürnberga Ulrich Maly (SPD). Zwjazkowe knježerstwo měło­ komuny lětnje wo pjeć miliardow eurow wolóžić, kaž je to přilubiło.

Spytaja grjeksku krizu rozrisać

Mittwoch, 10. Juni 2015 geschrieben von:

Njenamaka-li so kompromis, hrozy krajej statny bankrot

Brüssel/Athen (dpa/SN/K). Nowy pospyt w prócowanjach za rozrisanje grjekskeje krizy: Němska kanclerka Angela Merkel (CDU) a francoski prezident François Hollande zetkataj so dźensa wječor w belgiskej stolicy na kromje wjerška EU–Łaćonska­ Amerika dalši raz z grjekskim premierom Alexisom Tsiprasom. Po móžnosći chcetaj z nim namakać kompromis we wadźeńcy z wěrićelemi jich žadanjow na Grjeksku dla. Athenske knježerstwo bě wčera w nocy nowe namjety za reformy předpołožiło, kotrež wšak Brüssel nima za dosahace. Pječa wostawaja wone za podatymi zaměrami, kotrež by Grjekska dyrbjała spjelnić, zo móhła swój budget saněrować.

Posrědkować započeli

Mittwoch, 10. Juni 2015 geschrieben von:
Drježdźany (dpa/SN). W dotal njerozri­sanym tarifowym konflikće wokoło pěstowarnjow su dźensa w Drježdźanach posrědkować započeli. Spočatnje dojednachu so po informacijach dźěłarnistwa ver.di na časowy plan. Posrědkowarjej, bywši ministerski prezident Sakskeje Georg Milbradt (CDU) a něhdyši Hannoverski wyši měšćanosta Herbert Schmalstieg (SPD), zahajištaj na to dźěło po­srědkowanskeje komisije. W běhu dnja chcy­štaj zjawnosć informować. Ver.di žada­ sej za 240 000 přistajenych w ko­munalnych pěstowarnjach wyše mzdy. Dźěłodawarjo tole dotal wotpokazuja.

Neuheiten LND