Łužisku kupjel ponowja
Wočerstwjenišćo we Wojerecach chcedźa hač do lěta 2024 přetwarić
Wojerecy (AK/SN). Mjeztym 21 lět wobstejaca Wojerowska Łužiska kupjel ma so přichodnje moderniša, kreatiwniša a ekologiska stać. W aprylu 2024 chcedźa ju po dwěmaj lětomaj přetwara zaso wočinić. Na swojim zašłym posedźenju je měšćanska rada wobzamknyła, projekt sobu podpěrać. Za to chcedźa zrěčenje mjez kupjelu a městom wotzamknyć.
„Łužiska kupjel je so we wšěch lětach wobstajnje dale wuwiwała“, rozłoži jeje jednaćel Matthias Brauer. Spočatnje mějachu wob lěto tři strowotniske kursy, dźensa je jich 20. Tydźensce maja nětko šěsć płuwanskich kursow, tehdy bě to jenički. Ličba wobdźělenych kubłanišćow na šulskim płuwanju je wot třoch na wosom rozrostła. Nětko storča na swoje hranicy a trjebaja wjace kapacitow za kursy, šulske płuwanje a za wšědnych wopytowarjow kupjele a sawny. Pomjeńšiło je so porno tomu mnóstwo přetrjebaneje miliny wot 2,1 miliona kilowattowych hodźin w lěće 2010 na dźensa 1,05 milionow kilowattowych hodźin wob lěto.
Tež Krabat nowy lód woptał
Po dlěšim času steješe minjeny kónc tydźenja telko terminow w protyce, zo njebě tak jednore za jedyn so rozsudźić. Dworowy swjedźeń pola Helmec w Jitku bě přiwšěm derje wopytany.
Jitk (JK/SN). Samo na sebi wotměwa so na Jitkowskim Helmec statoku dwójce wob lěto dworowy swjedźeń, jónu 1. meje a k zakónčenju sezony 3. oktobra. Lětuši nalětni termin dyrbješe koronapandemije dla wupadnyć, štož mnozy ze stajnych wopytowarjow tychle swjedźenjow jara wobžarowachu.
Přewšo spokojom ze swojim lětušim rybarskim swjedźenjom je ...
Wulke rozdźěle
48hodźinska akcija nětko zaběži
Budyšin (SN/MiR). 55 angažowanych skupin młodostnych kaž tež towarstwow z Budyskeho wokrjesa chce so na lětušej 48hodźinskej akciji wobdźělić. Mjez poskitkami su někotre serbskich młodostnych. Přizjewili su so štyrjo zajimcy z wobłuka zarjadniskeho zwjazka Při Klóšterskej wodźe a z Kulowa. Regionalny běrow Rěčneho centruma WITAJ w Chrósćicach so wo nje stara. RCW słuša k nošerjam akcije za serbski sydlenski rum runje tak kaž Budyski Kamjentny dom za Budyšin a za region sewjerowuchodnje sprjewineho města.
Kraj Israel ćežišćo tworił
Budyšin/Smochćicy (CS/SN). We wobłuku interkulturnych tydźenjow wokrjesa Budyšin bě wčerawša póndźela jako temowy dźeń Israelej wěnowana. Z prěnjeje ruki zhonichu hosćo na Budyskim krajnoradnym zarjedźe wo aktualnym połoženju w kraju. Žurnalist Igal Avidan rozprawješe wo tuchwilnym wuwiću w swojej domiznje. Wječor předstaji wón w Smochčanskim kubłanišću swj. Bena swoju knihu wo egyptowskim lěkarju Modu Helmyju, kiž bě w Berlinje židowsku holcu wuchował, zmóžnjejo jej přestup k islamskej wěrje a chowajo ju.
Społnomócnjena wokrjesa Budyšin za wukrajnikow Anna Piętak-Malinowska rozprawješe wo kubłanskej jězbje, kotraž bě ju do Israela wjedła. Kurt a Ellen Spengler běštaj w Betlehemskim domje „Lifegate“ 2019 při hladanju zbrašenych dźěći a młodostnych pomhałoj a powědaštaj wo swojich zaćišćach. Kaž wonaj rjeknyštaj, tam wrota k žiwjenju předewšěm muslimskim zbrašenym na dwoje wašnje wotwěraja: Sprěnja dóstawaja tele dźěći scyła přistup ke kubłanju, a zdruha je w zarjadnišću na žiwjenje přihotuja.
Krótkopowěsće (06.10.20)
DGB: Žadyn socialny pasyk
Drježdźany. Přichodny etat Sakskeje nastupajo warnuje předsyda DGB Sakskeje Markus Schlimbach dźensa před socialnym pasykom (Kahlschlag) w swobodnym staće. „Runje w krizy dyrbiš do přichoda ludźi inwestować. Nětko w dźěłowičnej abo socialnej politice lutować je wopačny puć.“ Žadanje zwjazkow dźěłodawarjow, bóle lutować, Schlimbach wotpokazuje.
Nobelowe myto za medicinu
Stockholm. Lětuše Nobelowe myto za medicinu spožča biochemikarjej Michaelej Houghtonej (Wulka Britaniska) kaž tež wirologomaj Harveyjej J. Alterej a Charlesej M. Ricej (wobaj USA). To zdźěli wčera Karolinska-institut w Stockholmje. Mjenowani třo su wirus hepatitis-C wotkryli. Dźakowano jich slědźenjam je chorosć hepatitis C nětko lěkujomna.
Rigorozne naprawy korony dla
Zhromadnje kisykał dźěłali
Zasadźa so z wulkim angažementom za wjes
Šešow (SN). Christa Rienecker je zawěrno Šešowčanka, přetož wona je so woprawdźe we wsy na statoku swojeju staršeju narodźiła. Snano je to přičina, čehodla je jej bóle hač druhim zhromadnosć wobydlerjow wažna a zo so wona za nju wosebje zasadźa.
Hižo wjele lět podpěrowaše Rienecker Šešowski wjesny klub. Hdyž rěkaše organizować a přewjesć wjesne swjedźenje, chodojtypalenje abo adwentnički, bě wona z wjele idejemi a wulkim angažementom pódla. Wot toho časa, zo je sama wuměnkarka, organizuje zetkanja seniorow w Šešowje, zo by wjesnjanow časćišo do zhromadnosće wjedła. Tak wuhotuje wotměnjawe temowe popołdnja z rozdźělnymi hosćimi a wšelakimi přednoškami. Wuběr temow je mnohostronski a saha wot stroweho zežiwjenja přez kursy prěnjeje pomocy a policajsku prewenciju hač k pućowanskim rozprawam a hrajnym popołdnjam.
Policija (05.10.20)
Předpisy tež na wodźe płaća
Lejno. Zo płaća wobchadne předpisy tež na wodźe, wě nětko 57lětny muž, kotrehož je policija sobotu na Lejnjanskim jězoru (Geierswalder See) kontrolowała. Wón bě tam ze sportowym čołmikom na wodźe po puću. Při kontroli policisća zwěsćichu, zo měješe muž wjace alkohola hač dowolene w kreji, mjenujcy 0,78 promilow. Na 57lětneho čaka nětko pokutne jednanje, dokelž njeje postajenja nutřkokrajneho łódźnistwa dodźeržał.
