77. serbski ewangelski cyrkwinski dźeń budźe sobotu a njedźelu w Slepjanskej wosadźe

Lětnemu hesłu „Ty sy Bóh, kiž mje widźi“ (1 Mójzas 16,13) wěnuje so 77. serbski ewangelski cyrkwinski dźeń 10. a 11. junija. Po lětach 1958, 1967, 1991, 2011 a 2016 budźe wón znowa w Slepom. Wo přihotach, wobsahach a předwjeselach je so Andreas Kirschke z fararku Jadwigu Malinkowej rozmołwjał. Wona wot lěta 2014 w Slepjanskej wosadźe skutkuje.

Fararka Malinkowa, na plakaće za cyrkwinski dźeń 2023 steji Ochranowske lětne hesło w slepjanšćinje. Je to wotpohlad abo připad?

To je wězo wotpohlad. Serbski ewangelski cyrkwinski dźeń drje je cyrkwinski dźeń za wšu Łužicu. Dźe wo to ze wšelakeje perspektiwy widźeć a widźani być. A lětsa chcemy na Slepjanski region hladać. Wšako su tamniši Serbja ze swojimi swojoraznymi stawiznami, rěču, kulturu, pěstowanjom tradicijow ludowych nałožkow kaž móst mjez Hornjej a Delnjej Łužicy. To ma plakat zwuraznjeć. Rodźena Miłoražanka Christin Noack je so wo čerstwe, žiwe wuhotowanje postarała. Jej za to wutrobny dźak.

Kotru tradiciju ma cyrkwinski dźeń we Wašej wosadźe?

Rom (dpa/SN). Před italskim pobrjohom Srjedźneho morja je mórska straža při wjacorych zasadźenjach wjace hač 1 400 migrantow před zatepjenjom wuchowała. Ćěkancy běchu w přepjelnjenych čołmach po puću. Na płachtaku w mórskej nuzy bě 47 ludźi, dalša łódź mórskeje straže je 590 ćěkancow z rybarskeho čołma wuchowała, něšto pozdźišo 650 migrantow z dalšeho čołma. Přijomne wjedro tuchwilu mnohich pohnuwa, so na strašnu jězbu po morju do Europy podać.

Zapławjene kónčiny wopytał

Cherson (dpa/SN). Něšto dnjow po rozbuchnjenju murje spjateho jězora Kachowka na juhu Ukrainy je prezident Wolodymyr Zelenskyj zapławjenu kónčnu wopytał. Wón informowaše so mjez druhim wo ewakuowanju wobydlerjow. Njeznaći běchu murju we wot Ruskeje wobsadźenej kónčinje w nocy na wutoru rozbuchnyli. Po informacijach wojerskich tajnych słužbow je woda předewšěm ruske wojerske zepěranišća zničiła.

Ničenje lěsow woteběrało