To a tamne (01.09.16)
Muža we wotpadkowej tonje su policisća zajeli. Zastojnicy nańdźechu jeho, jako w kontejneru na hłownym dwórnišću w Frankfurće nad Mohanom spaše. Muža přepruwujo woni zwěsćichu, zo předležitej přećiwo 26lětnemu dwaj chłostanskej wukazaj padustwa a zranjenja ćěła dla. Dowjezechu młodeho muža runy puć do jastwa, hdźež ma nětko 170 dnjow pokuty wotsedźeć.
Dokelž je jaseń (Esche) na zahrodźe susoda předaloko přez płót sahała a muža tuž myliła, je wón štom podrězał. Wobrónjeny z motorskej piłu wusadźi 66lětny wrota susodneje ležownosće a započa swoje předewzaće zwoprawdźeć. Wobsedźer jeho lepi a zawoła policiju. Njedowidny muž drje přesta rězać, ale drjewo wón sobu domoj wza. Na njeho wšak čaka nětko wozjewjenje pola policije wosebje ćežkeho padustwa dla.
Připóznaty wědomostnik přećiwo pochromje wojował
Zeznach Pětra Felfu z Trupina w septembrje 1953 na nowozałoženej Serbskej wyšej šuli w Pančicach-Kukowje jako šulerja 9. lětnika. Wjesnaj hólcaj zastupichmoj hromadźe z něhdźe 55 šulerjemi z Kamjenskeho a Budyskeho wokrjesa do noweho kubłanišća. Prěni direktor bě Jan Handrik, nazhonity brigadnik powójnskich lět w Juhosłowjanskej. Rjadowniskaj wučerjej běštaj Mikławš Bejmak a młody Křesćan Čornak.
Rady spominamoj na zhromadne šulske lěta w Pančicach a do maturity 1957 na Serbskej rozšěrjenej wyšej šuli na Budyskej Flincowej. Pětr studowaše po maturje na Lipšćanskej Karla Marxowej uniwersiće skótne lěkarstwo. Ja podach so na studij mašinotwarstwa do Drježdźan na technisku uniwersitu. Hižo w Pančicach, pozdźišo w Lipsku, hdźež bě njeboćički 1960 předsyda Sorabije, a w župje „Jan Skala“ spřećelichmoj so z Tejom Bejmakom, synom našeho wučerja z Pančic. Za čas studija zetkawachmy so w Budyšinje, Lipsku, w lěću w serbskich studentskich lěhwach w Hórnikecach abo w studentskich brigadach we Łazu, hdźež my smy třo hromadźe z Kitom Lorencom noweje brunicoweje jamy dla lěs pušćeli.
Al-Adnani morjeny
Istanbul/Washington (dpa/SN). Při powětrowym nadpadźe USA na sewjeru Syriskeje je jedyn z najwyšich rěčnikow teroristiskeje milicy Islamski stat (IS) zahinył. Kaž IS wčera wječor zdźěli, bu Abu Mohammed Al-Adnani w prowincy Aleppo na wojerskej operaciji morjeny. Zakitowanske ministerstwo USA mjeztym rozprawja, zo su so jednotki wot USA nawjedowaneje koalicije zaměrnje a preciznje na Al-Adnanija měrili.
Wo brexiće wuradźowali
London (dpa/SN). Prěni raz po lětnjej přestawce schadźuje so dźensa britiski kabinet, zo by wo jednanjach wustupa z Europskeje unije tak mjenowanym brexiće, wuradźował. Hłowny dypk diskusije je přistup Wulkeje Britaniskeje k nutřkokrajnym wikam EU, štož wobwliwuje zdobom dźěłopřijimarske swobody. Pokładniski kancler Philip Hammond wupraja so mjeztym za to, nutřkokrajne wiki znajmjeńša za wěste hospodarske wobłuki zdźeržeć. Za to pak měli so kompromisy při zapućowanju wobydlerjow EU dowoleć.
Wotwołanje kaž wěste
Trajny staw niłkeje wody Łobja łódźnistwo masiwnje haći. Tak su ...
Problem ignorowali
Francoska wzda so zrěčenja TTIP z USA
Wěstotaa kubłanje temje w sejmje
Drježdźany (dpa/SN). Po nadpadomaj islamistow w Bayerskej a Badensko-Württembergskej je so dźensa Sakski krajny sejm z nutřkownej wěstotu w swobodnym staće zaběrał. Debatu wo temje „wobydlerjow škitać a nutřkownu wěstotu zaručić“ běštej frakciji CDU a SPD nastorčiłoj. Tak chcetej stronje w časach terorizma pokazać, zo stej z přidatnymi zastojnikami a wjace přistajenymi młodymi policistami kaž tež ze škitnej stražu na napjate wěstotne połoženje reagowałoj. Tež přidatne wěstotne naprawy na zarjadowanjach, kaž na přikład na centralnym swjedźenju k Dnjej němskeje jednoty 3. oktobra w Drježdźanach, su dźensa rozjimali.
Frakcija Lěwicy w krajnym sejmje wumjetuje předewšěm CDU, zo je wěstoće w kraju zadźěwała, wotstronjejo mnohe dźěłowe městna policije. Knježaca strona CDU pak měni, zo je so wěstotne połoženje w kraju nětko změniło.
To a tamne (31.08.16)
Warnowanski signal ze zeleniny je sej wodźer awta spaslił. Jeho jězdźidło bě škody motora dla blisko awtodróhoweho pozastanišća stejo wostało. Tak prawje wón njewědźeše, kak ma tamnych šoferow warnować, dokelž njeměješe warnowanski třiróžk sobu. Staji tuž połnu šklu čerwjenych paprikow za awtom na jězdnju. Policija njeje sej wot muža žanu pokutu žadała, ale počesći jeho kreatiwitu a staji podawk do interneta.
Planowanskeho zmylka dla njehodźa so durje na Bad-Bentheimskim dwórnišću, kotrež wjedu na nastupnišća, wjace wočinjeć. Pasažěrojo maja tuž přez wokno lězć abo wokołopuć hić. W běhu modernizacije běchu tam nastupnišća wo 40 centimetrow powyšili, kotrež nětko durje zaraćeja. Štož skutkuje kaž „trysk Salowčanow“, njemóžachu po słowach měšćanosty kupjele zadźěwać.
Muslimojo na Božich mšach
Frankfurt n. M. (B/SN). Po zamordowanju francoskeho měšnika su so w Francoskej a Italskej tysacy muslimow na njedźelnych Božich mšach wobdźělili, zo bychu so z křesćanami solidarni wopokazali a islamistiski terorizm zasudźili. Jeničce w Rouenskej katedrali bě po nowinje Le Monde něhdźe sto muslimow na wopomnjensku Božu mšu za 26. julija morjeneho měšnika Jacquesa Hamela přišło. Francoska islamska rada CFCM bě na zamołwitych mošejow, imamow a dalšich muslimskich wěriwych apelowała, zo bychu swoju „solidaritu a swoje sobučuće“ z wopytom křesćanskeje Božeje mšě zwuraznili.
Cyrkej wótrišo škitać?
Ličba ćěkancow přiběra
Athen (dpa/SN). W Grjekskej je ličba ilegalnje přichadźacych ćěkancow razantnje rozrostła. W minjenych 24 hodźinach přińdźe 462 ludźi z turkowskeho přibrjoha na grjekske Egejske kupy, kaž kruh zamołwitych za ćěkancow w Athenje zdźěla. Wot apryla, po tym zo bě Europska unija zrěčenje z Turkowskej nastupajo migrantow dojednała, je to najwjetša ličba na dźeń. Minjene sydom dnjow bě to přerěznje 74 ćěkancow.
Dźeń a wjac rentnarjow dźěła
Berlin (dpa/SN). Dale a wjac wuměnkarjow sej swoju rentu z přidatnym minijobom polěpša. To je porno lětu 2010 22 procentow wjace. Z cyłkownje 17 milionow rentnarjow Němskeje 943 000 ludźi nad 65 lětami na dźěło chodźi a sej tak měsačnje hač do 450 eurow přizasłuža. Tole wuchadźa z ličbow zwjazkoweho ministerstwa za dźěło. Wosebje wulki rozrost wobkedźbuja pola rentnarjow, kotřiž su 75 lět a starši.
Woheń w milinarni
