Diskutuja wo času pandemije
Wolfsburg (dpa/SN). Enquete-komisija Zwjazkoweho sejma k předźěłanju časa korona-pandemije zahaji jutře we Wolfsburgu wobydlerski forum, w kotrehož wobłuku chce konkretne nazhonjenja wobydlerjow za tónle čas nahromadźić. Přeprošeni su něhdźe 150 wobdźělnikow. Dohromady su zamołwići komisije štyri tajke forumy zaplanowali. Woni nadźijeja so nowych dohladow a konkluzijow.
65 000 šulerjow bjez zakónčenja
Berlin (dpa/SN). Ličba młodych ludźi, kotřiž bjez zakónčenja šulu wopušća, je wospjet jasnje rozrostła. Po datach Zwjazkoweho statistiskeho zarjada bě jich w šulskim lěće 2024/2025 dohromady 65 000. Loni bě jich hišće 62 000 a před lětomaj 56 000 šulerjow. Nic jenož absolutne mnóstwo dočasnych wotchadow wot šule je so powyšiło. Tež kwota, kotraž staja cyłkownu ličby wuknjacych a ličbu šulerjow bjez zakónčenja do relacije, je so porno předlětu wot 6,6 procentow na lětsa 8,4 procenty zwyšiła.
Južnoafrisku juristku mytowali
Dwaj a poł měsaca po tym, zo je swoje zastojnstwo jako britiski ...
Wojerowčan mjez mytowanymi
Spěchowanje za łužiske projekty
Twarjenje nadal dźeń a dróše
Kamjenc (dpa/SN). Štóž ma w Sakskej wotpohlad, sej swójski dom abo bydlenje natwarić, dyrbi sej dźeń a wyše wudawki za to zaplanować: W awgusće běchu přerězne twarske wudawki za nowotwar w Sakskej něhdźe šěsć procentow nad lońšimi. To je najwjetši rozrost w minjenych třoch lětach, piše Statistiski krajny zarjad wčera w nowinskej zdźělence. Tež hladanje a wuporjedźenje eksistowacych twarjenjow je so porno předlětu wo něhdźe šěsć procentow podróšiło.
Jako přičina lěto a dróšich twarskich płaćiznow mjenuje statistiski zarjad nadal zwyšace so mzdy w branši, wjace wudawkow za material kaž tež wysoke transportne kóšty dla tuchwilnych płaćiznow za ćěriwa.
Sonděrowanske rozmołwy koalicijow
Zwěrin/Berlin (dpa/SN). Něhdźe tydźenjej su zastupjerjo stronow SPD, Zeleni a Lěwica w Mecklenburgsko-Předpomorskej za zawrjenymi durjemi sonděrowanske rozmołwy wjedli. Nětko wróća so wobdźělnicy do swojich gremijow, kotřiž maja wo tym rozsudźić, hač so jich strona do koaliciskich jednanjow da abo nic. Krajne předsydstwo Lěwicy chce wo tym dźensa hišće rozsudźić. Zeleni přewjedu w tutym zwisku jutře mały stronski zjězd w Rostocku. Pola SPD rozsudźi stronske předsydstwo.
Po krajnych wólbach w Berlinje chcedźa Lěwica, Zeleni a SPD dźensa sonděrowanske koaliciske rozmołwy zahajić. Jako wuměnjenje za to běchu so minjene dny na zhromadne postupowanje hladajo na kritiske dypki pola Lěwicy dojednali. Lěwica potwjerdźi wospjet, zo wotpokaza kóždužkuli formu antisemitizma w swojich rjadach a zo prawo na eksistencu stata Israela připóznawa. Nimo toho chce přećiwo čłonam, kotrež styki z kriminelnymi kruhami wudźeržuja, disciplinarisce postupować.
impresum
Serbske Nowiny wudawaja so w Domowina-Verlag GmbH Ludowym nakładnistwje Domowina
Jednaćel: Syman Pětr Cyž
Ludowe nakładnistwo Domowina tzwr spěchuje Załožba za serbski lud, kotraž dóstawa lětne přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.
Šefredaktor a zamołwity redaktor w zmysle
nowinarskeho zakonja: Marcel Brauman 577 232/233 Wyša redaktorka: Bianka Šeferowa 577 230
tel.: 03591 577 232 faks: 03591 577 202 e-mail: www.serbske-nowiny.de
Adresa redakcije a nakładnistwa: Sukelnska 27, 02625 Budyšin
Adresse der Redaktion und des Verlages: Tuchmacherstraße 27, 02625 Bautzen
Serwis za abonentow: 577 263
Předań nawěškow: Jadwiga Šołćic 577 266 e-mail:
Ćišć: DVH Weiss-Druck GmbH & Co. KG, Lejnjanska 14, 02979 Halštrowska Hola, wjesny dźěl Hory
Vertriebskennzeichen: 2 B 2560 B
Mjenje srědkow za kolesowarjow
Drježdźany (SN/MiP). Wutwar kolesowanskich šćežkow w swobodnym staće je wot lutowanskeho kursa sakskeho knježerstwa, z kotrymž je naćisk za nowy dwójny krajny etat za lěće 2027/2028 planowało, masiwnje potrjecheny. Wo tym rozprawjeja Sakske Nowiny a Lipšćanski kolesowarski online-magacin WE RIDE.
We wólnočasnym parku Oskarshausen blisko Freitala nadeńdźeš tele ...
To a tamne (09.10.26)
Dener z wóska je nowy eksponat, kotryž nadeńdźeš wot tutoho tydźenja w kabineće wóskowych figurow Madame Tussauds w Berlinje. Originalnu předłohu za po cyłym swěće jónkrótny objekt wobstarachu sej w najskerje najwoblubowanišim Berlinskim dejnerowym zakuskowym kiosku Mustafa’s Gemüsekebap w Kreuzbergu, pisaja zamołwići wčera w nowinskej zdźělence.
Tydźeń po zwrěšćenym wotprawjenju w zwjazkowym staće USA Tennessee je so k smjerći zasudźena Christa Pike w chorowni ćělnje zaso poměrnje derje zhrabała. Po informacijach jeje prawiznika Stephena Ferrella je 50lětna wčera prěni raz z łoža stanyła a krótke čary běhała. Duchownje je wona tuchwilu lochce zamućena. Hač změje Pike chroniske strowotne ćeže dwójneje injekcije z jědom dla, lěkarjo tuchwilu posudźować njemóža.
