Sakska: AfD w prognozy prědku
Drježdźany (dpa/SN). W najnowšim woprašowanju slědźenskeho instituta Insa by tuchwilu w Sakskej 42 procentow wolerjow stronu AfD z druhim hłosom do krajneho sejma woliło. Z 21 procentami dóstanje CDU jenož połojcu telko hłosow. Za Lěwicu by 9 procentow a za Zwjazkarstwo Sahra Wagenknecht BSW 7 procentow sakskich wolerjow hłosowało. Stronje SPD a Zeleni docpějetej kóžda 6 procentow.
Insa je studiju w nadawku powěsćoweho portala Nius přewjedła a so w časowej dobje mjez 13. a 20. meju dohromady 1 000 ludźi online naprašowała. Stronski a frakciski šef AfD Jörg Urban rjekny hladajo na wuslědk: „Woprašowanja su wuraz wokomikneje nalady w ludźe. Rozsudny moment pak su wólby.“ Wón přispomni, zo je přiwšěm wočiwidne: Dowěra ludźi do strony CDU zwjazkoweho kanclera Friedricha Merza a ministerskeho prezidenta Michaela Kretschmera masiwnje popušća.
Dalše reformy schwalić
Trump: 5 000 wojakow za Pólsku
Wojersku móc demonstrowałoj
Ruska a Běłoruska w manewrje tež móžne nuklearne brónje zasadźiłoj
Moskwa (dpa/SN). K wukóncej wobšěrneho wojerskeho manewra je Ruska wčera cyły arsenal móžnych nuklearnych raketow wupruwowała. Zakitowanske ministerstwo w Moskwje zdźěli, zo su móžnu interkontinentalnu atomowu raketu typa Jars w sewjernej Ruskej z cilom na połkupje Kamčatka na dalokim wuchodźe wottřělili. Ruski prezident Wladimir Putin a jeho zwjazkar, prezident Běłoruskeje Aleksander Lukašenko staj wčerawši manewer při wobrazowce sćěhowałoj. Triada nuklearnych brónjow na kraju, w morju a w powětře je „garant suwerenity rusko-běłoruskeho zwjazkarstwa“, praji Putin. Wón wuzběhny, zo maja brónje swójskemu zakitowanju słužić a zo chce ruski arsenal atomowych bróni wobnowić. Lukašenko rjekny běłoruskej powěsćerni BELTA, zo so Běłoruska do wójny w Ukrainje nutř ćahnyć dać nochce. W padźe nadpada ze stron Ukrainy pak by so wona hromadźe z Ruskej zakitowała. W Běłoruskej je Ruska swoju najnowšu raketu za srjedźne distancy typa Oreschnik stacionowała.
Našim čitarjam
Krasny wuhlad na Drježdźany
To a tamne (22.05.26)
„Enhaced games“ rěka nowy sportowy ewent, na kotrymž je wužiwanje dopingowych substancow wuraznje dowolene. Wot 24. meje wubědźuja so dopowani sportowcy w Las Vegasu z cilom, w swojich disciplinach nowe rekordy docpěć. Za rekord dóstanu wysoki mytowanski pjenjez – cyłkownje 25 milionow dolarow steji k dispoziciji. Mjez inwestorami je tež tech-miliardar Peter Thiel.
Rekordne lěto w předani swojich kuchinskich mašinow typa Thermomix ma Wuppertalske předewzaće Vorwerk. W lěće 2025 je telko tutych nastrojow předał kaž hišće ženje do toho, wjace hač 1,4 miliony. W lěće do toho běštej to 1,2 milionaj. Předewzaće je swoje dochody porno předlětu wo 14 procentow na 3,6 miliardow eurow zwyšiło. Čisty dobytk wučinja 105 milionow eurow. Nowy model Thermomixa płaći tuchwilu 1 549 eurow.
Digitalna doba je wužadanje
Nowinarstwo mjeńšinow w Europje: La Usc di Ladins a Serbske Nowiny
Na lětušim kongresu Europskeho zjednoćenstwa dźenikow mjeńšinowych a regionalnych rěčow (MIDAS) minjeny kónc tydźenja w Bozenje su čłonojo organizacije ladinsku nowinu La Usc di Ladins do swojich rjadow přiwzali. Ladinjenjo a Serbja maja samsne zakładne wuměnjenja. Ludaj nimatej „maćerny kraj“ a matej jenož mało rěčnikow. To je hladajo na wuwiće w nowinarstwje wulke wužadanje, dokelž njemóžetej mjez druhim kumštnu inteligencu a wšelake z tym zwisowace móžnosće tak zasadźeć, kaž to druhe medije hižo činja.
W rozpadankach ćěło našli
Zhorjelc (dpa/SN). Dwaj dnjej po tym zo běše so w Zhorjelcu z dotal njeznatych přičin wjaceswójbny dom sypnył, je wuchowanska słužba wčera wokoło 22.30 hodź w rozpadankach ćěło žony namakała. Rěčnica Zhorjelskeje policije zdźěli, zo běše 25lětna Rumunka jako turistka w měsće přebywała. Kriminalna policija je slědy zawěsćiła a dale za přičinami slědźi. Za dalšimaj zhubjenymaj, 26lětnej Rumunku a 48lětym mužom z bołharskim a němskim staćanstwom dale pytaja.
Nvidia z rekordnym dobytkom
Santa Clara (dpa/SN). Minjeny kwartal měješe koncern Nvidia, kotryž produkuje wažne chipy za KI-industriju, wo 85 procentow wyši wobrot hač před lětom. Operatiwny dobytk je samo wo nimale 150 procentow na 53,5 miliardow dolarow stupał. Koncern je tuchwilu 5,6 bilionow dolarow hódny a je z tym najdrohotniše předewzaće swěta. Nvidia-šef Jensen Huang je připowědźił, zo chcedźa w přichodnym kwartalu nowu generaciju KI-chipow předawać.
Merz za spěšny přistup Ukrainy
