Rasistiske krawale dale traja
Belfast (dpa/SN). Po wulce rasistiskich wukročowanjach w Sewjernej Irskej je policija po swójskich wuprajenjach z wodomjetakami přećiwo demonstrantam postupowała. Wona namołwješe pasantow a šoferow jězdźidłow, do předměsta Newtonabbey njejěć, dokelž běchu demonstranća tam pječa cyhele, bleše a kamjenje na zastojnikow mjetali. Hižo wot wutory wječora bědźa so w Belfasće z rasistiskimi krawalemi. Pozadk je nadpad z nožom, kotryž wumjetuja mužej ze Sudana.
Přeliw pječa zaso zawrjeny
Teheran (dpa/SN). USA a Iran staj so druhu nóc za sobu intensiwnje atakowałoj. Tohodla so konflikt zaso sylnje přiwótřa, hačrunjež poprawom hižo dwaj měsacaj dołho přiměr knježił. Wójsko Irana reagowaše na to z dospołnym zawrěćom Hormuskeho přeliwa. Tež w Bahrainje a Kuwaiće běchu na někotre cile třěleli. Wójsko USA na druhim boku dementuje, zo je Hormuski přeliw zawrjeny.
Lěpje před horcotu so škitać
Wěžu Jězu Chrysta, najwyšu wěžu baziliki Sagrada Familia w ...
Zjawny list Woidkemu
Regiony měli same rozsudźić
Wurjadna konferenca na lětanišću
Měrja so na rozsudne reformy
Knježerstwo ze zastupjerjemi hospodarstwa a dźěłarnistwow so zešło
Berlin (dpa/SN). Měrjo so na wulke reformy, kiž maja słabemu hospodarstwu w Němskej wotpomhać, pyta čorno-čerwjena koalicija konsens z dźěłodawarjemi a dźěłarnistwami. Po zetkanju w kanclerskim zarjedźe wčera, srjedu, rjekny rěčnik knježerstwa Stefan Kornelius: „Zastupjerjo knježerstwoweje koalicije so wjesela, zo chcedźa zastupjerjo hospodarstwa a dźěłarnistwow proces reformow konstruktiwnje podpěrować.“ Unija a SPD chcetej so mjenujcy hač do lěćneje přestawki srjedź julija na puć rubace reformy dojednać. Kancler Friedrich Merz (CDU) bě tuž wšěch wažnych zastupjerjow knježerstwa a hospodarstwa do kanclerskeho zarjada přeprosył, mjez nimi prezidenta zwjazka dźěłodawarjow Rainera Dulgera a předsydku zwjazka dźěłarnistwow (DGB) Yasmin Fahimi. Wuradźowali su po wuprajenjach Korneliusa wo situaciji na dźěłowych wikach, wo stabiliće a socialnym zawěsćenju, wo wottwarje běrokratije a wo dawkowej politice.
Festiwal noweje hudźby ze serbskej prapremjeru
Podstupim (ŁU/SN/bn). Intersonancy mjenuje Braniborske towarstwo za nowu hudźbu swój festiwal, z kotrymž skići mjeztym hižo 26 lět načasnym kompozicijam a jich tworićel(k)am stajnje nalěto wosebity forum. Lětuše zarjadowanje wotmě so wot minjeneho štwórtka hač do njedźele w Podstupimje a Eberswaldźe. Wubrane wjerški programa prezentuja přidatnje zajutřišim, sobotu, we wobłuku „Mostoweho koncerta“ w stolicy Braniborskeje kaž tež w nowembrje we wobłuku lětušeje Choćebuskeje hudźbneje nazymy.
To a tamne (11.06.26)
Konop steji tež tele dny zaso w srjedźišću wosebitych wikow w Berlinje. Dźesaty raz zarjaduja tam lětsa mjenujcy wiki pod mjenom Mary Jane. Zarjadowarjo wočakuja hač do njedźele něhdźe 75 000 wopytowarjow. W halach samych wopytowarjo konop konsumować njesmědźa, jenož zwonka nich. Nimo toho je alkohol za čas wikow kruće zakazany, wšako je moto wikow „Cannabis first“. Na wiki pušća ludźi hakle nad 18 lětami. Małolětni nimaja přistup, byrnjež dorosćeni pódla byli.
W Sewjerorynsko-Westfalskej je policija wjacore domske přepytała. Tam přepytuja mjenujcy wjacore pady jebanstwa, w kotrychž běchu so ludźo jako policisća abo sobudźěłaćerjo bankow wudawali. Dohromady su ludźi pječa wo něhdźe 500 000 eurow zjebali. Wjacorych podhladnych su hižo zajeli.
Wojerske zwučowanje přewjedli
Pabrade (dpa/SN). Nowa němska tankowa brigada w Litawskej je wčera blisko městačka Pabrade, bjezposrědnje při běłoruskej mjezy, wulke wojerske zwučowanje přewjedła. Wobdźělenych bě něhdźe 2 900 wojakow, mjez nimi 2 300 wojakow Zwjazkoweje wobory, z dohromady 800 tankami. Zwjazkowa wobora je nimo toho wjace hač 300 trutow zasadźiła. Hač do lěta 2027 chcedźa zamołwići němsku brigadu w Litawskej na dohromady 4 800 wojakow powjetšić.
Sudnik WM njesmě zapućować
Miami (dpa/SN). Za swětowe mišterstwo w kopańcy nominowany somaliski sudnik Omar Artan njesmě najebać wizum wěstotnych přičin dla do USA zapućować. Powołanje na swětowe mišterstwo běše za njeho wulki són, kotryž je so zrazom skónčił, rjekny wón nowinje New York Times. Afriska koparska konfederacija (CAF) bě Artana loni jako najlěpšeho sudnika lěta wuznamjeniła.
Awtobomba muža moriła
