Pos Bruce ma na baseballowych hrach wažny nadawk, wšako je ...
Zemja dwójce ržała
Najlěpše sej wubrać
Skónčnje won do swěta, wusku Łužicu za sobu wostajić a swobodnje dychać – wo tym mnozy sonja, hdyž su šulu zakónčili. Za někotrych pak je Łužica tež wěsty přistaw, do kotrehož so stajnje zaso nawróća, abo kotryž scyła njewopušća. Za čas swojich studijow w městach zwonka Łužicy sym pytnył, zo mi to serbske tola bóle faluje, hač sym sej to sam dotal přiznał. Lubuju pak na druhim boku tež, hdyž wšěch susodow njeznaješ a kóždy hnydom njewě, dokal ma će „tyknyć“. Měšeńca cuzby a intimnosće wjeski je tuž perfektna. Wjeselu so, hdyž přichadźam domoj a wěm, zo su tu ludźo, kiž maja samsnu identitu, rěč a herbstwo kaž ja. Wjeselu pak so tež, hdyž z ćaha wustupju a nikoho njezajimuje, dokal nětko póńdu, z kim so zetkam a štó ke mni na wopyt přińdźe. Myslu sej, zo mnozy w tutej situaciji tča. Derje wšak je, zo směmy sej jako młodźi Serbja a młode Serbowki najlěpše z wobeju swětow wubrać.
Maximilian Gruber
Zajim za woboru přiběra
Šwicarska a Kanada stej dale – Dźensa hraje Němska
To a tamne (25.06.26)
Dokelž bě jeho pčołka kałnyła, njeje šofer nakładneho awta ćah na wuskich kolijach widźał a do njeho zrazy. Z teje přičiny železnica Döllnitzbahn w Oschatzu ze swojich kolijow skoči. Zranił drje so nichtó njeje, policija pak trochuje škodu na šěsćcyfrowu sumu. Wagony měješe druha železnica wot městna njezboža wotwlec.
Hladajo na horcotu, suchotu a niłku wodu w rěkach a rěčkach město Drježdźany swojim wobydlerjam nětko zakazuje, wodu z wodźiznow brać. Tole bě delni zarjad za wodźizny wčera, srjedu, postajił. Hač do kónca oktobra zakaz płaći. Ludźo njesmědźa z wjetšich a mjeńšich wodźiznow wodu ani klumpać ani z ruku čerpać. Dokelž drje spadki přichodny čas mało wody wosebje w rěkach narunać njebudu, bě měšćanski zarjad čerpanje zakazał.
E5 zetkaja so do wjerška NATO
Berlin (dpa/SN). Tydźenjej do wjerška NATO w Turkowskej schadźuja so knježerstwowi nawodźa pjećoch mócnych europskich čłonskich statow w Berlinje. Na zetkanje bě zwjazkowy kancler Friedrich Merz (CDU) přeprosył. Wuradźować chcedźa mjez druhim wo dalšej podpěrje za Ukrainu, róli Europčanow při rozrisanju konflikta w Iranje a rozdźělenju nadawkow mjez čłonami NATO. Po poslednim wjeršku w lěće 2025 je to prěnje zetkanje tak mjenowanych E5.
Senat rezoluciju schwalił
Washington (dpa/SN). Senat USA je z pomocu štyrjoch Republikanow rezoluciju schwalił, kotraž namołwja prezidenta Donalda Trumpa, zo ma kongres wójnje w Iranje přihłosować chiba zo wón wójnu zakónči. Wuwzaće je wotwobaranje nadpadow na USA abo zwjazkarja kraja. Rezolucija ma předewšěm symboliski charakter.
Dźesaćitysacy bjez miliny
Z nocu Iwana Kupały na předwječoru dnja swj. Jana su ludźo w ...
Mało wodyw rěkach
Ani jenički ćah njejěł
Myleny system dospołny stop na železniskich čarach Němskeje zawinił
Berlin (dpa/SN). Čakacy pasažěrojo a dołhe rynki ludźi před informaciskimi stejnišćemi na dwórnišćach: Dwě hodźinje njejsu ćahi po cyłym kraju wčera, wutoru, jězdźić móhli, dokelž bě škričkowanski system Němskeje železnicy (DB) myleny. Tójšto pasažěrow bě potrjechenych. Wokoło 0.30 hodź. prěnje ćahi zaso jědźechu. Wot dźensa ranja wšo zaso poměrnje normalnje funguje, zdźěli rěčnik DB. Přičina toho, zo dyrbjachu wšě ćahi stejo wostać, běchu problemy digitalneho škričkowanskeho systema GSM-R za železnicy. GSM-R steji za „Global System for Mobile Communications-Railway“. Tónle system naruna nimale wšě analogne naprawy škričkowanja DB. Po tym móžachu ćahi zaso jězdźić, pak dyrbjachu ludźo jako sćěh podawka hač do ranja z dalšimi zapozdźenjemi ličić. Tole rěčnica DB dźensa rano zdźěli. Mnozy pasažěrojo su na dwórnišćach čakać dyrbjeli.
