Skrótšenja hroža
Mjenje pjenjez za sakske dźiwadła a orchestry
Drježdźany/Halle (dpa/SN). Kraj Sakska chce swoje přiražki za dźiwadła, orchestry a druhe kulturne zarjadnišća znižić. Přećiwo tomu přistajeni nětko protestuja. Pod hesłom „Kultura trjeba přichod – Sakska trjeba kulturu“ su so kulturnicy wčera, póndźelu, před Semperowej operu w sakskej stolicy zešli. Krajny zwjazk Němskeho jewišćoweho towarstwa zliči něhdźe 1000 wobdźělnikow. Tež dźěłarnistwa a opozicija w krajnym sejmje su protest podpěrali.
„Skrótšenja za kulturu w přichodnym dwójnym etaće knježerstwo zwoprawdźić njesmě“, rjekny předsyda krajneho zwjazka, intendant dźiwadła w Kamjenicy Christoph Dittrich. „Tu njeńdźe jenož wo jednotliwe projekty, ale skrótšenja wohrožuja strukturu, dźěłowe městna a cyłe sparty.“ Nimo toho je jasna strategija za kulturne institucije při nowelěrowanju zakonja wo kulturnym rumje trěbna.
Klima přeměnja wěstotu
Berlin (dpa/SN). Zwjazkowy wonkowny minister Johann Wadephul (CDU) warnuje hladajo na wuskutki změny klimy před přeměnjacej so wěstotnej strukturu a nowej migraciju. „Runje w fragilnych statach změna klimy bědu a hłód powjetši, a tole móže ekstremizmej a terorizmej přinošować abo nowe žołmy migracije zawinić“, rjekny wón na spočatku konferency wo klimje a wěstoće w Berlinje. Wosebje lětuši jara sylny El Niño móhł dźesaćitysacam ludźi žiwjenski zakład wzać, Wadephul dale warnowaše.
Protestny dźeń zahajili
Paris (dpa/SN). W mnohich gymnazijach w Francoskej a w někotrych uniwersitach su šulerjo a studenća na spočatku protestneho dnja po cyłym kraju blokadowe akcije zahajili. Cyły tydźeń šulerjo w Francoskej hižo za lěpše wuhotowanje šulow a lěpše wuknjenske wuměnjenja protestuja. Nětko su so tež dźěłarnistwa protestej přizamknyli. Wučerjo a starši wuknjacych tohorunja podpěruja.
Hanninga zajeli
Popłatkidale stupaja
We wichorojtym času
Krajny sejmso konstituował
Miliony za změnu energije
Šiman z Pavelom porěčał
Testuja sirenya při tym warnuja
Zły Komorow (SN). „Kedźbu, to je warnowanska powěsć, informujće so...“, tule namołwu słyšiš wotnětka kóždu prěnju srjedu popołdnju w třoch po cyłym wokrjesu Hornje Błóta-Łužica (OSL). Prěni měsačny probowy alarm ze signalom sireny a krótkej rěčnej namołwu dožiwja wobydlerjo w 15 hodź. jutře, srjedu, 7. oktobra. Dalši signal, zběhnjenje warnowanja, njebudźe. Wobydlerjo njetrjebaja na někajke wašnje jednać. Z prawidłownym probowym alarmom chce wokrjes přepruwować, hač syć sirenow dźěła. Dale chce nazhonjenja z rěčnej posyłku zběrać a ludnosć z rozdźělnymi warnowanskimi signalemi zeznajomić.
W OSL maja 157 stejnišćow sirenow, kotrež je wokrjes zhromadnje z městami, zarjadami a gmejnami wot měrca lěta 2023 krok po kroku modernizował. Syć je na regionalnu wodźensku wotnožku Łužica nawjazana. Nowe sireny wodźa digitalnje centralnje. Rěčne dataje je ministerstwo za nutřkowne a komunalne naležnosće kraja Braniborska (MIK) wuwiwało. Dalše informacije namakaće pod .
To a tamne (06.10.26)
Entertainer Riccardo Simonetti a moderatorka sportowych wusyłanjow Esther Sedlaczek moderěrujetaj lětuši bal w Semperowej operje. „Myslach sej, mam-li šansu, tajku glamuroznu show moderěrować, to bych hłupy był, bych-li to wotpokazał“, rjekny Simonetti na nowinarskej konferency w Drježdźanach. Zhromadnje ze Sedlaczek ma wón po balowej nocy pod motom „Vivi il momento – nóc w Florencu nad Łobjom“ wjesć. Dołho běchu za motu z italskim zynkom derje wotpowědowacymaj moderatoromaj pytali, rjekny jednaćelka bala Trixie Steiner.
Sobudźěłaćerka labora w Sibirskej njeje na mór zemrěła, su oficialni ruscy zastupjerjo zdźělili. 28lětna žona, kotraž bě na Instituće za zadźěwanje wuwabjakow móra dźěłała, je na „zahorjenje płucow njeznateho pochada“ zemrěła. Tole zdźěli zarjad za zadźěwanje mrětwow Rospotrebnadsor.
Młody muž bě na Stuttgartskim lětanišću z bombu hrozył a tak hoberski chaos zawinił. Zasadźenja policije dla dyrbjachu wčera mjez 16.30 hodź. a 18 hodź wšěm lětadłam start zakazać. Tysacy pasažěrow čakachu na zakónčenje warnowanja.
Z wědu pola burow wobstał
Statny minister Georg-Ludwig von Breitenbuch w Serbach po puću
Nuknica (SN/StŠ). „Tutón muž wě, wo čim wón rěči. To pytnješ w kóždej rozmołwje.“ Z tutymi słowami zjima nawoda Radworskeho ratarskeho předewzaća Stefan Triebs rozmołwne koło pjatk wječor w Nuknicy. Něšto wjace hač dwě hodźinje běše so w tamnišej barace sakski najwyši bur Georg-Ludwig von Breitenbuch (CDU) prašenjam a tež kritice něhdźe 50 ratarjow a hajnikow stajił. Na přeprošenje zapósłanče CDU w krajnym sejmje Elaine Jenčec běše sakski minister za wobswět a ratarstwo pjatk popołdnju po dwurěčnej Łužicy po puću. Najprjedy wopyta ratarski zawod Sorabiju w Hrańcy, po tym bě z hosćom pola pčołarja w Jědlicach a skónčnje wodźeše jeho něhdźe połdra hodźiny bur Marko Smoła po swojim bio-ratarskim dworje w Nuknicy.
