Frustracija na tankownjach
Dalša fronta na arabiskej połkupje podróša přidatnje płaćizny za ćěriwa
Berlin (dpa/SN). Płaćizny za ćěriwa na našich tankownjach pospochi dale stupaja. Za liter super-bencina družiny E10 su šoferojo w Němskej sobotu w přerězku 2,27 eurow zapłaćili, za liter diesela samo nimale 2,40 eurow.
Přičiny za njezwjeselacy trend su nimo rozestajenjow při Hormuskim přeliwje, rozestajenja na dalšej fronće: Mjez Huthi-milicu w Jemenje a Saudi Arabskej. Hižo dlěši čas operuje islamistiska milica w Čerwjenym morju – na druhim boku arabskeje połkupy – a haći abo nadpaduje tam tankowcy, předewšěm sawdiske. Hač je Huthi-milica tež za nadpad z trutami pjatk w nocy zamołwita, kotryž je zapado-wuchodny naftowód Saudi Arabskeje wobškodźił, to dotal znate njeje. Nadpadow dla pak su tutón wažny a wulki wolijowy zwisk mjez Persiskim Golfom a Čerwjenym morjom wotpinyli.
Šansa tež za Łužicu?
Serbski wobraz na lětušej paradźe
Cyrkwinski azyl přepołožić
To a tamne (14.09.26)
Mjenje bjezdomnych w Sakskej
Kamjenc (dpa/SN). Ličba bjezdomnych je so w Sakskej porno předlětu wo něhdźe pjećinu znižiła. Składnostnje dźensnišeho dnja bjezdomnych Statistiski krajny zarjad zdźěli, zo bě spočatk lěta 5 590 bjezdomnych registrowanych, to je 1 295 mjenje hač loni. Třo wot pjećoch potrjechenych su mužojo. Z dohromady 4 340 registrowanymi su ludźo bjez němskeho staćanstwa najwjetša skupina mjez bjezdomnymi.
Bilancu žnjow předstajił
Stołpin (dpa/SN). Bilancu žnjow sakskich ratarjow je prezident Sakskeho burskeho zwjazka Torsten Krawczyk wčera předstajił. Horcoty a přemało spadkow dla su wunoški lětušich žnjow pod přerězkom. Wón na to skedźbni, zo je poměr mjez produkciskimi kóštami a dochodami ratarjow lěto a špatniši. Samo dobre wunoški hižo njedosahaja, zo bychu swoje wudawki zapłaćić móhli. „Nimamy žane financielne srědki za nuznje trěbne inwesticije“, Krawczyk wuzběhny a doda: „Wot politiki wočakujemy spěšne rozsudy na dobro našich ratarjow, město toho zo jich pospochi poćežuje.“
Sakska financielnje stabilna
Bronzowej statuwje na Dźiwadłowym naměsće před Drježdźanskej ...
Drježdźanski zawod zawru
Zadźiwanje w słowach wusyłać
Lutz Rathenow wliw Lessinga na swójske tworjenje znazornił
Kamjenc (SN/MiP). Po spožčenju myta Zejlerja srjedu běše Kamjenska cyrkej swj. Hany wčera wječor wospjet połna, jako so tam 13. Kamjenska narěč wotmě. Jako referenta běchu sej tónraz w Durinskej rodźeneho spisowaćela Lutza Rathenowa přeprosyli. Swojej narěči spožči wón titul „Frohgemute Ungewissheit im Aufklärungslabyrinth“.
Přichwatanych hosći, mjez kotrymiž njeběchu jeničce Kamjenčenjo, witaše prof. dr. Carsten Gansel z Gießena, předsyda wědomostneje přirady Kamjenskeho dźěłanišća za recepciju Lessinga, kotrež seriju přednoškow prawidłownje zarjaduje. Wón skedźbni na najwažniše žiwjenske stacije 74lětneho. „Rathenow běše posrědkowar mjez literarisko-wuměłskej scenu a politiskej opoziciju NDR. Mjezsobna wuměna a dialog stej wažnej temje w jeho žiwjenju. Runje dźensa wšak stej wažnišej hač hdy prjedy“, wón podšmórny.
