Wandalizmna sportnišću
Lětsa mjenje jabłukow
Medijowa tura jenožza jednotliwcow?
Wčera je studijo Liška swoju dwaj tydźenjej trajacu medijowu turu w Pěskecach zahajiło. Tajka tura je zasadnje dobra myslička, předewšěm, dokelž maja wopytowarjo móžnosć, so direktnje před durjemi w serbskich digitalnych medijach wukmanjeć abo so fachowcow prašeć. Škoda pak je, zo je to jenož wot dopołdnja 9.30 hodź. do popołdnja 15.30 hodź. móžno. Z tym so dźěławy lud kaž tež šulske dźěći z projekta wuzamknu. Tež wabjenje dwaj dnjej do přewjedźenja prěnjeje stacije w Pěskecach na Instagramje a we WhatsApp-skupinach je překrótkodobne. Předewšěm za staršich ludźi njeje tutón puć wabjenja zmysłapołny. Tohodla měł zarjadowar přidatnje přez lokalne medije, na přikład nowiny, wuwěški abo lětaki, wabić. Zakładna ideja medijoweje tury je dobra, tola na konkretnym zwoprawdźenju měło so hišće dźěłać.
Hana Nukec a Celina Knopec
Inowaciju w Južnej Koreji dožiwiła
Sakska strowotna ministerka Petra Köpping (SPD) je minjeny tydźeń w Južnej Koreji přebywała. Předewšěm chcyše wona zhonić, z kotrymi naprawami tam strowotnistwo demografiskemu wuwiću přiměrjeja. Facit wukrajneho wopyta je ministerka wčera wozjewiła.
Drježdźany (SN). „Južna Koreja steji hladajo na demografisku změnu před podobnymi wužadanjemi kaž Sakska a tež Němska. Jeje wuskutki su tam samo spěšniše a sylniše, wšako maja z wobjimom 0,7 po cyłym swěće najnišu porodowu ratu“, Köpping w zdźělence piše. Runje tak wulka tema je potrjeba za fachowcami, kotrejž so w Južnej Koreji hižo wjele lět wěnuja. Wšo to běchu přičiny za wopyt sakskeje ministerki, zo by na městnje zhoniła, kak tele wužadanja w strowotnistwje rozrisaja.
Gojko Mitić restawrowanje podpěrał
To a tamne (25.08.26)
Herbert Grönemeyer poda so krótko do wólbow krajneho sejma w Saksko-Anhaltskej na turu po zwjazkowym kraju, zo by ze wšelakimi chórami regiona zhromadnje spěwał. Zhromadnje z towarstwom „Heimatbewegen“ a z iniciatiwu „Gemeinsame Sache“ chce 70lětny mjezsobnu zhromadnosć skrućeć a ludźi zjednoćić. To ma za „zakład našeje demokratije“, praji wón w interviewje z němskej powěsćernju dpa.
Filmaj „Odyssee“ a „Spider-Man“ wabitej w tutym lěću wosebje wjele přihladowarjow do kina. Jendźelskorěčne medije su za njewšědny wuspěch filmow samo nowe zapřijeće „Spodyssey“ kreěrowali. W prěnim połlěće předachu w Němskej dohromady 47,5 milionow zastupnych lisćikow, to je nimale sydom milionow wjace hač w lońšej dobje. Suma wobrotow kinow w Němskej je porno 2025 wo 24,5 procentow stupała.
Ćěkancow přiwzać a škitać
Vatikan (B/SN). Bamž Leo XIV. je sej na swětowym cyrkwinskim dnju migrantow a ćěkancow žadał: „W krajach, z kotrychž migranća pochadźeja, maja so přičiny ćěkanja wotstronić, w transitowych kaž tež w cilowych krajach pak matej so jim přiwzaće a škit zaručeć. Dźěći maja prawo na žiwjenje, kubłanje a žiwjenske wuměnjenja, kotrež jim ćělne, duchowne, dušine, moraliske a socialne wuwiće zmóžnjeja.“
Kritika na strukturach
Florenc (B/SN). Gherardo Gambelli, arcybiskop italskeje diecezy Florenc, je so na swjedźenju Marije donjebjeswzaća jasnje přećiwo muskim priwilegijam kaž tež skomolenym wobrazam wo mužach a žonach wuprajił. „Na přewjele dźěłowych městnach knježa přeco hišće njewoprawnjene muske priwilegije. Patriarchalne zmyslenje mamy wotpołožić a přećiwo namocy žonam napřećo zakročić. Dyrbimy młodych ludźi přewodźeć, zo njebychu po wopačnych pućach kročili“, Gambelli wuzběhny. Jako pozitiwny přikład mjenowaše Józefa Nacaretskeho, kiž bě so „logice wobsydstwa wuwinył a Mariju před namocu towaršnostneho přesćěhowanja škitał“.
Albanska najbóle ćerpjeła
Ukraina woswjeći róčnicu
Kyiv (dpa/SN). Składnostnje dźensnišeje 35. róčnicy ukrainskeje njewotwisnosće je so tójšto mjezynarodneje politiskeje prominency na wopyt w Kyivje připowědźiło. Mjez druhim přijědu prezident rady EU António Costa a nowy britiski premier Andy Burnham. Kónc tydźenja běše Zwjazkowy wonkowny minister Johann Wadephul (CDU) w Ukrainje přebywał. Wón wopyta mjez druhim milionowu metropolu Charkiv, kotraž je jenož 30 kilometrow wot fronty zdalena.
Rekordne ličby šulerjow
Podstupim/Berlin (dpa/SN). W zwisku z dźensnišim zahajenjom noweho šulskeho lěta w Braniborskej a Berlinje wozjewitej krajej nowe rekordne ličby šulerjow. W Braniborskej maja tuchwilu dohromady něhdźe 324 400 šulerjow – to je najwjetša ličba šulerjow minjenych 20 lět. W Berlinje naličichu samo 404 910 dźěći a młodostnych na šulach. To je něhdźe 1 200 šulerjow wjace hač w lońšim šulskim lěće a nowy rekord w Berlinskich stawiznach.
Předpis njedodźerželi
Sakski statny minister za kultus Conrad Clemens (naprawo, CDU) je ...
Na Praske nalěćo njezabyć
Budyšin (SN). W susodnej Čěskej su minjeny pjatk na wopory poraženja Praskeho nalěća spominali. Dnja 21. awgusta 1968 wobsadźichu wojacy Waršawskeho pakta w běhu někotrych hodźin wšitke strategisce wažne institucije a městnosće kraja. Inwazija podusy reformowe hibanje pod nawodom Alexandera Dubčeka, kotryž chcyše w Čěskosłowakskej „socializm z čłowječim wobličom“ wutworić.
