Wo tym rěčeć, što chcemy
Berlin (B/SN). Zwjazkowy nutřkowny minister Thomas de Maizière (CDU) měni, migraciska kriza a rozestajenje z islamizmom měłoj „nam přičina być, wo tym rěčeć, štó smy, što chcemy być, što nas wjedźe?“. Tydźenikej Die Zeit pokaza de Maizière na swoju zwjazanosć z křesćanstwom: „Widźiće křiž w mojej dźěłarni. Nimam wotmysł jón wotpójsnyć.“
Pomhać, hdźež je nuza
Mnichow/Berlin (B/SN). Zwjazkowy minister za financy Wolfgang Schäuble (CDU) a wulke cyrkwje wobroćeja so přećiwo wuwićowej swobodźe za staty, kotrež hižo žanych ćěkancow wróćo njebjeru. „Srědki skrótšić je kontraproduktiwne a wopačny signal“, rjekny prelat Martin Dutzmann, ewangelski předsyda Zhromadneje konferency Cyrkej a wuwiće, w Berlinje. Sćěh toho by była destabilizacija wotpowědnych statow a hišće wjetša migracija. Dutzmann warnowaše před přiběracymi socialnymi problemami we wuwićowych krajach, jeli so pomoc skrótši. „Jako křesćanske cyrkwje žadamy sej tam pomhać, hdźež je nuza najwjetša.“
Za fairny dialog ze stronu AfD
To a tamne (07.02.17)
Njewotpohladnje woheń zamiškriła je rentnarka, jako na swojim balkonje kołbasu sušeše. 68lětna žona w badensko-württembergskim Balingenje bě čerstwe kołbasy sušiła, při čimž so dekoracija na balkonje horceje kurjenskeje komorki dla zapali. Chětře so płomjenja na drjewjanu konstrukciju balkona rozpřestrěchu. Spočatne pospyty žony, woheń sama podusyć, zwrěšćichu. Wohnjowa wobora porno tomu měješe połoženje spěšnje pod kontrolu. Nichtó so njezrani. Škoda na balkonje a fasadźe domu wučinja přiwšěm něhdźe 20 000 eurow.
Problem z jara aktiwnymi bobrami maja přiběrajcy w połobskej wsy Dolní Žleb w Čěsko-sakskej šwicy. Stajnje zaso hrymzaki cyłe štomy pušćeja, kotrež na milinowody padaja a je roztorhaja. Přeco zaso dochadźa w pomjeznym Dolnim Žlebje k wupadam miliny.
Wo Pumpaku diskutować
Bamž radu EKD přijał
Rom (dpa/SN). Składnostnje lětušeje 500. róčnicy reformacije je bamž Franciskus dźensa w Romje zastupjerjow rady Ewangelskeje cyrkwje w Němskej (EKD) přijał. Na priwatnu awdiencu bě tež předsyda Němskeje biskopskeje konferency, Mnichowski arcybiskop a kardinal Reinhard Marx, prošeny. EKD rěčeše hižo do zetkanja wo „mězniku po puću k ekumenisce wuhotowanemu jubilejej reformacije“. EKD zastupowaše jeje předsyda, bayerski krajny biskop Heinrich Bedford-Strohm.
Trump chce dawki znižić
Washington (dpa/SN). Prezident USA Donald Trump přilubja wobydlerjam kraja dawkowe zniženja. To chcył hišće lětsa zwoprawdźić, rjekny wón sćelakej Fox News. Porno tomu móhło so narunanje za strowotnisku reformu swojeho předchadnika Baracka Obamy, kotruž chce Trump wotstronić, hišće hač do klětušeho dlijić. Prezident připowědźa Američanam „wulkotny plan“.
Gabriel na zetkanju ministrow
Z pomocu krana su dźensa před Drježdźanskej cyrkwju Našeje ...
Dźeń a wjace woporow w Afghanistanje
Kanclerce na puć do Waršawy
Berlin (dpa/K/SN). Hdyž kanclerka Angela Merkel (CDU) jutře Waršawu wopyta, ma wona narodnokonserwatiwnemu knježerstwu jasnje rjec, zo wone demokratiju tepta. Tole žada sej doraznje němsko-pólska parlamentariska skupina. Nimo toho měła Angela Merkel wabić za wjetšu wzajomnosć Pólskeje z Němskej a Europskej uniju. Runja madźarskemu spyta pólske knježerstwo struktury tak změnjeć, zo so z tym jeho móc zesylni a opozicija zesłabi. „Je tuž přisprawne, zo kanclerka tam z wubranymi, ale jasnymi słowami wustupi.“
Wobmjezowanje statoprawnosće a swobody medijow wuskutkuje přiběrajcy diferency ze zwjazkowej republiku, rjekny předsyda parlamentariskeje skupiny Thomas Nord (Lěwica). „To móže poćaham škodźeć a wzajomnosć w EU zesłabić.“
Hišće wjele dźěła
Wažnu kročel zmištrowali
Witaja wusud Europskeho sudnistwa na dobro narodnych mjeńšin
Flensburg (SN/MkWj). Z wulkim spokojenjom je Federalistiska unija europskich narodnych mjeńšin (FUEN) rozsud Europskeho sudnistwa w Luxemburgu na wědomje wzała, po kotrymž je komisija EU winowata, naležnosće mjeńšin chutnišo brać a so z jich problemami zaběrać. Sudnicy w Luxemburgu su minjeny pjatk rozsudźili, zo bě reakcija komisije EU, zapodatu iniciatiwu Minority SafePack wotpokazać, wopačna.
Prezident FUEN Loránt Vincze zwurazni: „To je wulke dobyće za awtochtone mjeńšiny w Europje. Njejsmy hišće na kóncu swojich prócowanjow, ale dźensa smy wažnu kročel zmištrowali. Rozsud sudnistwa EU-komisiju nuzuje, iniciatiwu narodnych mjeńšin jara chutnje brać. Mjezsobna solidarita mjeńšin je so jako dobra wopokazała. Partnerstwo, nastate pod třěchu FUEN, je k wuspěchej wjedło. Wutrobny dźak wšitkim sobuwojowarjam za dobry přihot sudniskeho jednanja.“
To a tamne (06.02.17)
Wopity, k tomu hišće bjez cholowow a čriji, je šofer pućowanskeho busa w Kaiserslauternje za wodźidłom sedźał. 53lětny bě sobudźěłaćerjej wěstotneje firmy napadnył, dokelž chcyše bjez dowolnosće do ameriskeje kaserny jěć. Přiwołana policija zwěsći w jeho kreji wjace hač dwaj promilej alkohola. Pobrachowacu drastu namakachu w busu, w kotrymž nichtó druhi njesedźeše. Zastojnicy wzachu šofera sobu na stražu.
Na wšě 87 zmužitych zymskich płuwarjow wobdźěli so wčera na Drježdźanskim póstniskim płuwanju we Łobju, kaž organizatorojo zdźěleja. Woda bě z 0,5 stopnjemi chětro zymna, powětr njeměješe wjace hač štyri stopnje. Najstarši wobdźělnik bě 73 lět.
