Němska a Pólska hišće z dobrymi šansami
Saint-Denis. Po njerozsudnym a bjezwrotowym 0:0 běchu Polacy zbožowniši z wuslědkom. Wobaj cyłkaj pak matej nětko štyri dypki a zaćah do wosmifinala samej w rukomaj. Na mjezwočach Němcow pak bě widźeć, zo so z remisom spokojić njemóžachu. Wo prěnim połčasu wjele rozprawjeć njemóžemy, w druhim nastachu wjacore wulke šansy na woběmaj stronomaj. Stajnje pak škitarjo na woběmaj bokomaj wuběrnje reagowachu abo šansy nadběhowarjow so lochkomyslnje njewužichu. Wčera běše němska defensiwa suwerena, ofensiwa pak słabosće pokaza.
Sobotu na ryzy serbsku kónčnu hru
Poslednju partiju w Rychbachu jasnje dobyli
ST Haselbachtal
– SJ Njebjelčicy 0:4 (0:1)
Zestawa hosći: Hahn – Kral, Deleńk, Haška, Hanuza, Hrjehor (56.Šołta), Hommel, Hoelzel, Korjeńk, Lejnart, Čornak (46. Ričel)
Moritzburg znowa serbskich triatletow wabił
Hroženje UEFA přećiwo Ruskej snano njetrjebawše
Lille. Po randalach do, srjedź a po skupinskej hrě Jendźelska–Ruska je europski koparski zwjazk UEFA woběmaj krajnymaj koparskimaj zwjazkomaj hrozył, zo jej po wospjetnych wukročenjach z turněra wuzamknje. Za ruski cyłk by tale sankcija po wčerawšej poražce 1:2 móhło njetrjebawša być, wšako njejsu šansy k docpěću wosmifinala nětko runjewon najlěpše. Wočakowane randale drje wuwostachu, za to pak pokaza ruska wubranka słaby wukon. W 32. mjeńšinje bě Vladimir Weiss dołhu flanku k 1:0 přetworił a krótko do połčasa bě zawěsće cyła Słowakska z konopeja abo stólca skočiła, jako Marek Hamsík po dalšim róžku z krasnymi wrotami na 2:0 (45.) zwyši. Čestne wrota Denisa Glushakova 10 mjeńšin do kónca stachu so přepozdźe, dokelž njemějachu Rusojo hižo mocow dosć, na 2:2 wurunać.
Wuslědki (16.06.16)
Wokrjesna koparska liga, stafla III
Marijina hwězda – Großdrebnitz 7:1 (2:1)
Haselbachtal – Njebjelčicy 0:4 (0:1)
1. Ottendorf/Liegau 25 65 : 23 62
2. Frankenthal 25 71 : 35 58
3. Großnaundorf 25 71 : 32 52
4. Arnsdorf 25 59 : 27 45
5. Njebjelčicy 26 54 : 36 44
6. Großröhrsdorf II 26 44 : 34 43
7. Marijina hwězda 25 77 : 47 42
8. Haselbachtal 26 53 : 61 38
9. Sepicy 25 67 : 64 35
10. Němske Pazlicy 25 46 : 51 33
Sezonu z dobyćom zakónčili
SJ Chrósćicy
– ST Motor Kumwałd 5:2 (3:1)
Zestawa domjacych: Králíček – Šiman, Cyž, Šafář, Bětnar (59. Pöpel), Žur, Runt, Domaška (70. Schulze), Młynk (46. Dehn), Šmit, Věchet
Němske mišterstwa
Zakónča sezonu na třećim městnje
Drohotka Ramnow
– Sokoł Ralbicy/Hórki 0:4 (0:2)
Zestawa hosći: Gloxyn – von Köding, S. Bjeńš, B. Bjeńš, Korjeńk, Šewc, Wałda, Lulak, Šołta, Domaška, Kurjat (60. Matka)
Ralbičenjo chcychu wězo dobyć a w kónčnym hódnoćenju so na třećim městnje tabulki zaměstnić. To so w Ramnowje tež poradźi, dokelž nadźěłachu sej woni tójšto šansow. Někotre pak zdźěla lochkomyslnje njewužichu. W 2. min. wothra Wałda z praweje strony Korjeńkej, tola Pěskečan njezamó z bliskeje distancy wrotarja přewinyć. Tež Domašce so to njeporadźi, jako Korjeńk jeho do haski pósła. W 12. min. třěli Šołta z direktnym wólnym kopom nawjedowanje. Nětko so tež Ramnow prědku pokaza, tola po róžku hłójčkowany bul wrota njenamaka. Po 15 min. nahra Kurjat Domašku, tón pak prosće prózdne wrota njetrjechi. Lěpje sčini to w 19. min., hdyž dołhi bul Šołty dósta a hrajny nastroj do dołheho róžka přetwori. Ramnow pak so njepoda a spyta swójske wrota docpěć, tomu wšak Gloxyn w 36. min. zadźěwa.
