Skała Bastaje nad Rathenom je požadane wulětnišćo w Sakskej Šwicy. Wot spočatka měsaca zmóžnja nowa wuhladna platforma zaso jónkrótny wid do doliny Łobja. Hižo wot lěta 2016 bě njezaručeneje wěstoty dla zawrjena, dokelž skalizna njebě wjace kruta dosć. Nowa platforma je 20 metrow dołha a hač do 3,5 metrow šěroka a tak zapołožena, zo móže něhdźe 140 wosobow runočasnje na njej přebywać. Foto: Steffen Unger

Wodorunje: 3 městno k spanju, 5 drohoćinka z morja, 6 alkoholiski napoj, 7 čorny ptak, 10 swěćidło, 13 nic pozdźe, 14 nutřkowny organ ćěła, 15 wódne zwěrjo

Padorunje: 1 nócny wotpočink, 2 horca woda, 3 městno k sedźenju, 4 Senf serbsce, 8 arabski zaliw, 9 ze štomami wobdata dróha, 11 wu­znamjenjenje, 12 kazachski jězor

Serbski gymnazij Budyšin

Přizjewjenje do 5., 6., 7. a do 10. lětnika je w tydźenju wot 27. februara hač do 3. měrca móžne. A to póndźelu, srjedu a štwórtk 8–15. 30 hodź., pjatk 8–15.30 hodź. a wutoru, 28. februara, 8–18 hodź.

Trěbne za přizjewjenje su wupjelnjeny přizjewjenski formular, kubłanske do­poručenje zakładneje šule, narodźenske wopismo a połlětna informacija, zdźělenje k zastaranskemu prawu (hdyž přitrjechi), zdźělenje k wosebitemu pedagogiskemu spěchowanju (hdyž přitrjechi).

Dokładniše informacije pod

Serbska wyša šula Ralbicy

Přizjewjenje šulerjow do 5. lětnika je wot póndźele, 27. februara, hač do pjatka, 3. měrca, póndźelu a štwórtk 8–14 hodź., wutoru 10–18 hodź., srjedu 8–12 hodź., pjatk 8–10 hodź. a po dorěčenju móžne.

Informaciju nańdźeće tež na internetnej stronje .

Chrósćicy (SN). W Putniskej hospodźe Chrósćicy so lětuša „Kulturna zyma“ nachila. Na předposlednim wječoru tutu sobotu skića putnica Johanna Suttoris z Karlsruhe přednošk „Mój camino frances 2022“. Wona je so hakle před poł lětom ze Španiskeje nawróćiła, hdźež je po najznaćišim ze španiskich pućow hač do Santiago de Compostela nóžkowała.

Přednošk započnje so 19.45 hodź. Hižo w 16 hodź su dźěći na serbsku bajku prošeni, kotruž jim „ćeta Mónika“ čita.